fbpx

Tag: 蛋糕

日本熱賣 紫菜飯團蛋糕 9款味道好吸引

日本熱賣 紫菜飯團蛋糕 9款味道好吸引

好掛住日本嘅便利店食物?我都係。平時成日買呢款紫菜飯團做早餐,原來大阪梅田大丸嘅呢間OMUSUBI Cake,將飯團變咗做蛋糕,好似幾特別,而家已經賣咗超過40萬個,有9種基本味道包括芝士、草莓、抹茶、柑橘、奶茶、朱古力、Tiramisu、栗子同埋曲奇忌廉,仲有期間限定味,遲啲去日本可以試吓。

Read more ›

王澤 x Ms B’s Cakery推出《老夫子》蛋糕

王澤 x Ms B’s Cakery推出《老夫子》蛋糕

以《老夫子》之名推出過嘅精品,多到數唔晒,但聯乘蛋糕品牌呢,印象中真係唔多覺。王澤聯乘Ms B’s Cakery推出《老夫子》系列蛋糕,有「Butterflies」、「Pop Rock」同「Hot Pot」三款,三款都五顏六色花呢碌,望到開心,見到想食。各6吋售$1200、8吋售$1800。係唔平架,但鬼叫佢靚咩,相機先食好應份。

Read more ›
日本甜品店「肥豬牛奶紅茶蛋糕」 超像真Twitter熱傳

日本甜品店「肥豬牛奶紅茶蛋糕」 超像真Twitter熱傳

日本嘅甜品店手功技藝好強,好似最近喺Twitter熱傳嘅呢間「パリジャンパーペチュアル」,其中一款遠近馳名嘅甜品就係呢隻豬。佢係牛奶加紅茶味道,個樣做到真嘅一樣,講真咁像真咁可愛真係唔太忍心食落肚。地點位於愛知縣名古屋市綠區,有興趣可以去試吓。

Read more ›
日本超靚「雲層蛋糕」    東京「文華酒店」有售Twitter熱傳

日本超靚「雲層蛋糕」 東京「文華酒店」有售Twitter熱傳

好靚呀呢個雲層蛋糕!日本有網民喺Twitter分享咗,白雪雪形狀好夢幻,連個盒都好靚。喺日本東京嘅文華東方酒店(Mandarin Oriental)有得買,每個賣1400円,切開入面係粟子餡,希望遲啲去東京時仲有得買啦。

Read more ›
放入口要極大勇氣 日本網民「百潔布蛋糕」Twitter熱傳

放入口要極大勇氣 日本網民「百潔布蛋糕」Twitter熱傳

見到呢嚿又黃又綠嘅嘢,大家都覺得好親切,百潔布吖嘛。不過點解唔係喺廚房而係喺隻碟上面?原來佢係日本網民整嘅蛋糕!加埋一篤好似洗潔晶泡沫嘅忌廉,真係好難有勇氣放入口‥‥‥日本好多網民出圖出片回應,入嚟有回帶。

Read more ›
日本《薩爾達傳說》機迷結婚 蛋糕要拔劍Twitter熱傳

日本《薩爾達傳說》機迷結婚 蛋糕要拔劍Twitter熱傳

日本真係有好多動漫遊戲迷,而佢哋都係時候成家立室嘞,所以成日見到有遊戲主題嘅婚禮,今次呢對新人係薩爾達迷,所以佢哋嘅結婚蛋糕都用呢隻遊戲做主題,切蛋糕變成拔劍,好型!不過把劍唔食得,但可以用嚟切蛋糕,蛋糕睇落似石頭但係食落又好柔軟喎,另外切餅期間仲播放遊戲主題曲,好有氣氛,留意返除咗把劍之外佢哋仲有埋盾牌,好齊心,入嚟有多啲相睇。

Read more ›

日本超像真「奇異果蛋糕」 切開原來係咁

日本超像真「奇異果蛋糕」 切開原來係咁

好特別!有日本網民分享咗佢最近食嘅蛋糕,表面睇係一個奇異果,點知切開之後,入面原來係朱古力蛋糕!奇異果表面嘅質感做得超像真。地點係富山縣魚津市「埋没林博物館」嘅餐廳KININAL,佢話仲有士多啤梨同埋菠蘿蛋糕,去開附近可以試吓。

Read more ›
【理想與現實】日本網民整蛋糕    造出low cost cosplay效果

【理想與現實】日本網民整蛋糕 造出low cost cosplay效果

聖誕節梗係要買返個蛋糕食吓,有日本網民嘅老公仲決定自己親手整一個,目標係左邊嗰個戴聖誕帽嘅刺猬仔蛋糕,好得意吖,不過由佢重新演釋之後‥‥‥我最欣賞係耳仔嗰兩粒杏仁同埋嘴仔嗰粒朱古力,好有low cost cosplay嘅感覺,網民嘅反應都好熱烈,不斷貼圖回應,入嚟有回帶。

Read more ›
日本川口站搞笑餅店 每件蛋糕有嘢講

日本川口站搞笑餅店 每件蛋糕有嘢講

上司嘅長篇大論有邊個想聽?日本有網民選擇用呢個方式發洩,佢發現日本JR川口站有間餅店,賣嘅餅每件都有個好特別嘅名,其中一個就係「上司の話は聞きたくない」 (唔想聽上司嘅話),另外仲有好多特別嘅名,例如「死んでも地獄におちない」、初戀cheese cake(我要初戀呀),其中一個叫「Marry Me!!」嘅,網民話如果女店員靚可以送俾佢。味道方面,樓主話鍾意食忌廉嘅會覺得好好味,啱晒我,睇相都覺得肚餓,每個500円,去開附近記住試吓嘞!

Read more ›
太可愛!fanmade《星之卡比》蛋糕 超高質Twitter熱傳

太可愛!fanmade《星之卡比》蛋糕 超高質Twitter熱傳

星之卡比好可愛,好想去佢大陂同東京嘅cafe,但係飛唔到?呢位喺悉尼留學嘅台灣學生就選擇自己整呢個卡比蜜糖蛋糕,仲有另一個角色「ワドルディ」同卡比手拖手,製成品超靚,分分鐘靚過原裝cafe,入去佢Twitter仲會見到其他好靚嘅甜點,似乎佢嘅手藝好高超。

Read more ›
日本超強手藝 士多啤梨忌廉蛋糕真嘅一樣

日本超強手藝 士多啤梨忌廉蛋糕真嘅一樣

日本人嘅手功藝真係超強,最近喺Twitter熱傳有呢幾張圖,表面睇係一個士多啤梨忌廉蛋糕,睇真啲,原來係用布料縫紉出嚟嘅作品,好勁!輯圖喺Twitter已經超過3萬個RT,樓主原來係漫畫家,仲分享咗一啲佢嘅作品,入嚟有得睇。

Read more ›

媽媽自製超正壽司蛋糕 日本網民放閃相Twitter熱傳

媽媽自製超正壽司蛋糕 日本網民放閃相Twitter熱傳

睇圖啲口水已經滴晒出嚟,日本呢位網民好幸福,媽咪問佢想唔想食壽司蛋糕,之後就整咗嗰個蛋糕出嚟,一層層嘅壽司飯夾住吞拿魚茸,最正係面層仲有大量三文魚刺身,Twitter好多人RT,仲有唔少人分享佢哋媽咪製作嘅壽司生日蛋糕,有啲仲過份,入嚟有得睇。

Read more ›
有片:超像真死侍蛋糕 睇得食得

有片:超像真死侍蛋糕 睇得食得

呢期死侍好多Noise,呢個Marvel角色癲喪搞笑,個個都話唔睇《死侍2》係損失喎。既然咁紅,唔爭在睇埋呢條製作死侍蛋糕短片喇。睇完,你可以話其實唔難,都係剪剪切切、按按貼貼,但要做得咁精細仲要上埋色兼食得入口,絕對唔易囉。

Read more ›
佛系蛋糕     日本網民分誕佛誕專用蛋糕

佛系蛋糕 日本網民分誕佛誕專用蛋糕

最近乜都係「佛系」,唔講唔知,日本4月8日係佛誕,香港就遲啲啲,5月22日。有日本網民趁佛誕喺Twitter分享咗呢幾件蛋糕,表面睇係一粒粒士多啤梨,睇真啲原來有一個係佛像嚟嘅,阿彌陀佛!

Read more ›
日本超靚2018賀年蛋糕 9格裝似足御節料理

日本超靚2018賀年蛋糕 9格裝似足御節料理

仲有兩日就到2018年,大家開始放假,心情梗係爽啦!日本人好重視新年,傳統啲嘅會食「御節料理」,而東京銀座甜品店Ginza Cozy Corner就推出咗靚到極限嘅甜品版御節料理。9格套裝每格有唔同甜品,狗年嘛,當然唔少得可愛嘅狗狗嘞!大食啲嘅仲可以揀12件裝,價錢分別係2376円(9格)同埋3024円(12格),另外仲有得單獨買,亦有兩款唔同款式嘅大蛋糕,去開東京過節可以買嚟試吓。靚成咁,睇完真心佩服日本甜品師傅嘅功藝!

Read more ›