fbpx

Tag: 蚩尤

許景琛《龍虎門Z》蚩尤番外篇 9月17日見街

許景琛《龍虎門Z》蚩尤番外篇 9月17日見街

嘩!勁!真係好快手,話咁快,許景琛又推出《龍虎門Z》第五本番外篇蚩尤篇,9月17日見街,有兩個版本選擇,我提咗自己要買。

Read more ›

網圖分享:元始新主石黑龍

網圖分享:元始新主石黑龍

咁一代戰神蚩尤死咗喇,銀鈴無咗個大佬喇,翼龍無咗個老大喇,意味住新練成盤古天殛震同易筋經嘅石黑龍,正式加入咗黑社團做元始門門主。一切既成事實了,都無謂再挑剔劇情了,睇吓面書朋友仔Yeak Looi嘅畫作好過。老實,我覺得呢兩幅元始新主石黑龍直達專業水準,靚過真正嘅《新著龍虎門》內文多多聲。

Read more ›
《新著龍虎門》靠塊超陰牌嚇鬼? 點解石黑龍又學埋易筋經?

《新著龍虎門》靠塊超陰牌嚇鬼? 點解石黑龍又學埋易筋經?

繼續真金白銀撐《新著龍虎門》1099期,繼續睇到滿不是味兒。蚩尤尾七都過咗,可唔可以唔好再消費佢呢?嗰塊疑似有佢嘜頭嘅甚麼超陰牌真係咁嚇鬼?居然可以嚇到王小鷹、翼龍、銀玲、伊賀愛同通天教班嘍囉心都寒埋,乜家陣啲所謂高手咁心靈脆弱的嗎?堂堂石黑龍會驚件死物「元始魂奴」?究竟我係咪睇緊《怪異集》?隻揪就堂堂正正隻揪,搞埋呢啲神神怪怪托咩?另,我懇請編劇們,可唔可以唔好再破壞《龍虎門》武學觀,石黑龍無端端識盤古天殛震已經好離譜,打打吓仲識埋易筋經,痴線的嗎?白朗又係,頂吖,處於下風嘅佢又無端端有道經加持伏羲問天錄。編劇大人,係咪打算每出多一期書主角們就自動識多一種武功?仲要唔使練嘅喎,快過三分鐘叮一個杯麵,用一兩格加三兩句旁白就當交代咗㗎咯喎,乜家陣啲絕頂武功咁易練嘅咩?咁不如全世界都學晒無相神功喇,仲打嚟打去把鬼咩?

Read more ›
網圖分享:尾七將至 清香一支奉蚩尤

網圖分享:尾七將至 清香一支奉蚩尤

周四出《新著龍虎門》,嗯,計落,蚩尤都差唔多尾七了。我,迄今,還是耿耿於懷,捨不得呢個元始門門主永遠消失;而「音樂屋」店主張暉亦甚感觸,感觸到將一連三期《新著龍虎門》〈戰神永逝〉篇戙起似神主牌狀,再奉上清香一炷,吖,唔係,係一支。彷彿在說:一代戰神,一路好走。呢幅相,睇到我有啲Sad,但亦好唔爭氣地笑咗。

Read more ›
網圖分享:蚩尤怒殺番白朗轉頭

網圖分享:蚩尤怒殺番白朗轉頭

數近排《新著龍虎門》最可恨角色,我諗非白朗莫屬,因為佢虐殺一代戰神蚩尤嘛。今次唔單只斬甩頭,連皮都剝埋,斷估無得翻生嘞啩?所以呢,蚩尤怒殺番白朗一幕,相信只會喺面書朋友仔Yeak Looi嘅畫裡面出現。嘩,蚩尤打到白朗成條脊骨爆出嚟呀,好勁呀……當真大快人心。

Read more ›
哭了!《新著龍虎門》蚩尤慘成人體奧妙展標本!

哭了!《新著龍虎門》蚩尤慘成人體奧妙展標本!

每周翻睇同一期港漫呢個習慣已經搣甩咗N年,很難得地,我翻睇咗今期第1096期《新著龍虎門》兩次,而最尾嗰兩三頁,我仲睇完又睇再三睇添。蚩尤,喺舊著《龍虎門》呼風喚雨嘅一代戰神,真的死了,死後,他被編劇們安排參加了人體奧妙展,卻以死人標本身份參與。死一個重要角色谷書,無問題;為塑造白朗成為陳傲雲2.0而無厘頭地夾硬整死一個重要角色,先係問題所在,因為白朗同蚩尤根本就無仇無怨。Fine,就當呢個都唔係問題,都唔使搞到蚩尤死得咁難睇啩,盲眼斷手都未夠,仲要斷頭,斷頭都未夠,仲要四肢全斷,四肢全斷都未夠,仲要剝皮!石黑龍抱住嘅居然係一幅蚩尤人皮!使唔使去到咁癲呀?我認我老土,我認我「唔接受新事物包括新橋段新表達手法」,我真係接受唔到《新著龍虎門》搞成咁……蚩尤,一路好走,我會永遠掛念你的。

Read more ›

《新著龍虎門》夠膽整死蚩尤? 出「大風暴」誤傷自己咁都得?

《新著龍虎門》夠膽整死蚩尤? 出「大風暴」誤傷自己咁都得?

睇完今期第1093期《新著龍虎門》係幾震驚嘅,雖則家陣蚩尤不及《舊著龍虎門》般霸氣縱橫,但好歹都係個受歡迎一線角色,真係夠膽整死佢?睇個勢,似乎係,唔只見下期封面預告畫到蚩尤斷手,仲喺《王小龍傳貳》賣行廣告話「無窮戰意有盡時,戰神蚩尤征途終局」,兼寫明「1093‧1094‧1095戰神永逝不復返!」實牙實齒講到蚩尤得番兩期命咁款。苟如是,我會Sad。其實唔只Sad,仲覺得劇情好無厘頭。無厘頭在一,太弱化蚩尤,我諗喺九成九港漫迷心目中,喺單挑情況下,蚩尤就算贏唔到老天尊都至少同Grade可以打個平手,家陣老天尊剛剛屍變復活,憑幾期前連企都未企得穩嘅殘軀就可以打死蚩尤?會唔會兒戲咗啲?二,以書中武值觀推論,以蚩尤呢類超級高手隨隨便便篤吓手指就可以打爛一部車、求求其其揮吓拳頭揼地就可以搞到天崩地裂計,居然會俾一個爛鬼船錨割斷手臂?有無搞錯呀大佬;三,最Un頂able,係蚩尤出招「大風暴」,居然會俾反捲番向自己嘅半截船頭「重重一插」,繼而「頂住背門阻住自己退路」?大佬呀,唔知大家點睇,我就不嬲覺得「大風暴」同「雷霆擊鼓」同屬絕招級數,出絕招會咁「唔小心」傷害番自己嘅咩?咁石黑龍出絕招「鬼哭神號」會唔會唔小心俾自己支雙節棍扑番自己?老祖宗玩「御劍飛行」會唔會唔小心俾把劍篤親自己?白仇用萬毒心經會唔會唔小心毒死番自己?咪玩啦大佬,其實我只望有符合邏輯嘅劇情啫,真係咁難?            

Read more ›
嬲!因乜解究石黑龍要練盤古天殛震?

嬲!因乜解究石黑龍要練盤古天殛震?

其實呢,我真係算一個非常包容嘅港漫迷,只要唔太過份、啲公仔過得去,故事幾老土幾食老本都會撐落去。But,今期第1090期《新著龍虎門》,我真的頂不住要爆了。阿編劇大人可唔可以戙企出嚟親口解釋,點解要石黑龍學盤古天殛震?「因為要接收通天教所以要學同軒轅驚天訣同源嘅盤古天殛震」呢個係原因嚟嘅咩?已經唔係牽唔牽強問題,係直頭邏輯有問題。Fine,咁學就學啦,頂吖,Totally三格,就第13頁畫咗三格咁大把,三個Bubble蚩尤講兩句加石黑龍回番個問話符號,堂堂盤古天殛震就成功練成?有無兒戲咗啲呀,呢啲係乜鬼絕世武功?齋Talk就掂?仲要一Talk就Talk到上三十五層天出埋絕招「雷霆擊鼓」添喎,咁以後仲使鬼練武?

Read more ›
網圖分享:亞傑多二創 《山海逆戰》蚩尤版天竺鼠車車

網圖分享:亞傑多二創 《山海逆戰》蚩尤版天竺鼠車車

有無追睇《天竺鼠車車》?好似出到第六話了。實在係大紅嘅關係,亞傑多都忍唔住手來咗個二創,佢搞鬼地將之Crossover《山海逆戰》,變身蚩尤版天竺鼠車車,係咪好得意先?期待之後有伯益版、炎帝版、黃帝版同姜崢版等等等等。

Read more ›
《龍虎門》搪膠公仔第二彈 王風雷+王小龍+蚩尤+金羅漢開賣

《龍虎門》搪膠公仔第二彈 王風雷+王小龍+蚩尤+金羅漢開賣

如無意外,今個禮拜會去撐《Toys Collector Market玩具收藏家販售展》,因為我本身買咗由Kaiju One推出嘅《龍虎門》懷舊風搪膠公仔第一彈嘅石黑龍,想買埋第二彈。今次第二彈一次過出四隻,王小龍同王風雷就周五開賣,金羅漢同蚩尤就要周六或周日先Maybe有貨,收到未?而王小虎呢?Kaiju One保證話2020年年頭會推出,唔會三皇缺一。

Read more ›
Kaiju One《龍虎門》搪膠公仔 第三彈王風雷+金羅漢+王小龍

Kaiju One《龍虎門》搪膠公仔 第三彈王風雷+金羅漢+王小龍

剛過去嘅動漫節2019,我買咗Kaiju One推出嘅石黑龍搪膠公仔,返屋企拎上手玩,感覺係幾高質嘅。因為好賣,所以食髓知味,嚟緊第二彈決定量產王風雷、金羅漢同王小龍呢三個角色,而蚩尤呢,就有幾多訂單就製作幾多個。話時話,第三彈可唔可以考慮推出女角色?馬小靈?玉兒?石小慧?南宮靈芝?鬼將軍?如果真係咁好彩推出鬼將軍的話,我想要舊著《龍虎門》嗰個真係成隻鬼咁樣嘅醜樣鬼將軍呀。

Read more ›

「!吧死給我」 《山海逆戰》對白倒轉寫?

「!吧死給我」 《山海逆戰》對白倒轉寫?

唔知有無師兄同我一樣,揭到第118期《山海逆戰》第26頁,會睇到一頭霧水?事關第三格對白係「!吧死給我」、第四格對白係「!好物廢這你托付比總,年千上等再要怕那」。初頭仲以為植錯字,睇多兩睇先知原來係特登嘅,事關福龍要交代勾徹穿越空間缺口返番現實,所以呢兩格係倒鏡,順帶對白都要倒轉寫。對於呢種表達手法,話拍案叫絕太誇張,但好有新鮮感卻係不爭事實,加埋之後嗰幾格破碎頭盔重組、雙眼怒火縮番轉頭、蚩尤氣燄全消、勾徹手執兒送畀佢嘅徽章,一氣呵成電影感即時出晒嚟,我覺得要畀個讚。

Read more ›
點解嘅?石黑龍罩門點解喺大髀內側?

點解嘅?石黑龍罩門點解喺大髀內側?

今期第945期《新著龍虎門》睇到我呆咗,石黑龍俾圍攻苦苦捱打,本來劇情係幾緊湊嘅,但膠在金鐘罩十一關原來可以流成咁,齋俾人睥兩眼都會暴露罩門所在。Fine,一個升Level軒轅神道經,一個升Level盤古魔道經,就當鐵五郎同蚩尤有X光眼,功力高到可以Scan到罩門所在,但點解罩門唔係「咽喉穴」而係甚麼「箕門穴」?喂,睇咗幾十年《龍虎門》,石黑龍罩門不嬲都係喺喉嚨,幾時去咗大髀內側?另,石黑龍一時話「要報仇就要把命留住」,諗住逃走;一時又話「我石黑龍就是不怕死」,諗住拼命,但拼命前又可以好得閒地浪費功力清場,費事令途人糟殃,前後不過幾頁啫,點解可以咁精神分裂架?

Read more ›
練獨一無二嘅金鐘罩 石黑龍慘變肥仔

練獨一無二嘅金鐘罩 石黑龍慘變肥仔

話說今朝坐地鐵睇今期第944期《新著龍虎門》,笑咗出嚟,點解?因為到依家先知原來練金鐘罩會變肥仔。劇情講到身處泰國嘅石黑龍遇上蚩尤,大打出手,期間石黑龍谷金鐘罩上十一關,功力達至「剛如堅鋼,柔似棉絮」境界,咁畫面點表達呢?剛者,畫正常版石黑龍,柔者,畫肥仔版石黑龍,一堅一柔,一瘦一肥,畫面真係非常搞笑。睇咁多年港漫,一個角色忽然變肥變脹,只有兩個原因,一,中毒毒發;二,俾對手用功力谷爆中;今日,有第三個,就係練「獨一無二」嘅金鐘罩,問你服未?另,今期交代咗石武夫由鐵五郎所殺,石黑龍同蚩尤仲有偈傾,都係好事嚟嘅。

Read more ›
《山海逆戰》一書一立體海報$68 家陣開訂

《山海逆戰》一書一立體海報$68 家陣開訂

嚟緊第80期《山海逆戰》要留意,因為有特別版推出,一書一立體海報套裝盛惠$68,有A同B兩款選擇,各限量200本。海報有3D效果,構圖係大大個蚩尤,靚到啪啪聲之作,值得捧福龍場。

Read more ›