fbpx

Tag: 藝術家

真人油畫現身日本涉谷     Mini Cooper 3D變2D

真人油畫現身日本涉谷 Mini Cooper 3D變2D

之前都介紹過藝術家Alexa Meade,佢擅長將現實世界嘅物品同埋人塗滿顏料,硬生生將佢哋由3D變成2D。最近佢又有新作,今次同Mini Cooper合作,喺日本涉谷做咗個活動,都係用佢最耍家嘅畫筆同埋顏料,主角係一架MINI同兩位模特兒,效果一樣型到震,無得去日本無所謂,入嚟有片睇,亦可以回帶睇埋佢嘅舊作品。

Read more ›

松鼠仔潛力圖   化身20個超級英雄

松鼠仔潛力圖 化身20個超級英雄

其實好無聊,不過我睇嘅時候真係忍唔住笑咗出嚟。出自西班牙藝術家Santiago-Perez手筆,一張松鼠仔嘅圖,居然比佢演化成20個角色,勁在每張都係絕配,尤其是松鼠仔嘅霸氣眼神同埋微微遞起嘅手。除咗蜘蛛俠、雷神呢啲基本嘢,我仲發現薩爾達、刺客教條同埋God of War嘅Kratos,睇嚟Perez仔都係標準機迷。

Read more ›
巨型相機高過你   周街幫人影大頭海報

巨型相機高過你 周街幫人影大頭海報

鐘意影相嘅你哋,如果見倒一部高過你嘅相機,會唔會發狂衝埋去影相留念?外國藝術家JR租咗架貨車進行名為「Inside Out」嘅活動,幫路過嘅途人影大頭相,再印製出超巨型海報,再同其他人像相拼合埋,放喺公眾地方展示。暫時JR已經印製咗超過10萬張人像海報,犀利!之前佢路經紐約,閒閒哋都吸引咗13,000人參加呢個活功。最近佢去埋倫敦Somerset House,不過聽日就完就要駛走搬竇,諗起佢要將啲海報收起,下一站又再舖出嚟就鄧佢辛苦。

Read more ›
垃圾藝術圖集   街頭驚現污糟鬼

垃圾藝術圖集 街頭驚現污糟鬼

香港人日日嘈堆填區問題,外國政府垃圾問題處理得好,所以市民心情都輕鬆啲,連垃圾都可以玩一餐。西班牙藝術家Francisco de Pájaro就將街邊嘅垃圾畫幾筆,變成一隻隻貪玩嘅污糟鬼,呢個「Art is Trash」系列遍及馬德里、倫敦、巴塞隆拿街頭,好有創意勁好睇。不過我最想知係佢玩垃圾時有無比清潔姐姐追打,同埋玩完有無執返乾淨。

Read more ›
牛眼淚噴射作畫     獵奇藝術家以眼代筆

牛眼淚噴射作畫 獵奇藝術家以眼代筆

好驚嚇!外國「藝術家」Leandro Granato好出位,唔似一般人用畫筆畫畫,佢嘅畫筆就係自己一對眼!自從發現自己眼鼻相通(有人唔係咩?),佢就用兩年時間鑽研不傷眼嘅顏料,然後開始用雙眼噴顏料出嚟作畫,睇住佢對眼噴出嚟嘅藍眼淚,我以為自己睇緊《回魂夜》。佢仲好自豪自己發明咗呢種全新嘅畫畫技術,而呢啲畫仲有得賣,每幅盛惠1500英磅起,每幅要用10分鐘至1個月製作,視乎複雜程度,講真,我唔敢買返屋企,送比我都唔要。

Read more ›
雙面人相集超驚嚇    重口味真人版

雙面人相集超驚嚇 重口味真人版

返工身邊總有一兩個雙面人,對住你笑騎騎,背後就講盡你壞話。德國藝術家Sebastian Bieniek可能都遇到多,所以創作咗呢輯「Doublefaced」相集,用化妝技巧,將每個被攝者都變成雙面甚至三面人,對眼一隻真一隻假,睇落效果好詭異。不過諗真啲,現實版你估佢唔倒嘅雙面人其實仲得人驚。

Read more ›

宮本茂被惡搞 變身孖寶撒爾達

宮本茂被惡搞 變身孖寶撒爾達

巴西藝術家Butcher Billy我哋之前介紹過幾次,佢好鐘意任天堂嘅作品,試過將瑪利奧變punk友,仲威到係由官方親自邀請設計嘅。最近佢又有新作,就係將任天堂之父宮本茂變成任記經典角色,包括瑪利奧、撒爾達、公主、King Kong、Standfox等等,最搞笑係將佢變成孖寶兄弟入面粒金星同埋鬼鬼,惡搞味極濃。有理由相信今次創作係非官方嘅,因為我諗宮本茂本人應該唔想見到自己呢幾個造型‥‥‥

Read more ›
超人頹爆生活      流落街頭煲煙吹水

超人頹爆生活 流落街頭煲煙吹水

長居加洲嘅藝術家William Wray呢輯超級英雄風景畫好有情調,有蜘蛛俠、蝙蝠俠、美國隊長同埋Super girl,全部都係佢哋收咗工,同朋友坐喺街邊吹水、一個人喺街游盪嘅情況,同我哋普通人嘅生活差唔多,悶到抽筋灰到爆,都係去返做英雄拯救地球有門手藝好啲。

Read more ›
神作!咖啡人像畫 2D人像踩入昆明街頭

神作!咖啡人像畫 2D人像踩入昆明街頭

堅靚!外國藝術家Michael Aaron Williams好鐘意畫人像,不過唔係用電腦軟件或者普通紙筆,而係用咖啡加墨水!為咗襯返咖啡嘅昏黃色調,每幅人像都係喺殘舊嘅紙張上創作,造出好似fade out嘅效果,人物表情豐富,而且立體有層次感,氣氛一流,唔知聞落去有無咖啡香味?佢同時仲設計咗好多街頭藝術相片,將2D紙版人放喺世界唔同角落,再混合3D實景同埋道具,影出嚟嘅相有藝術感得嚟唔難明,足跡遍及大陸昆明、泰國曼谷、埃及等,入嚟有得睇相睇片,真心推介。

Read more ›
大師靚相靠加工     閃電/ 雲層特效拆解

大師靚相靠加工 閃電/ 雲層特效拆解

我哋都知好多相片嘅特別效果係靠執出嚟,甚至係前期精心設計。對於呢個製作過程我一直好有興趣,美國藝術家Matthew Albanese影嘅相好靚,尤其是閃電交加嘅河畔相,原來,所有相片都經過背後嚴密「製作」,佢嘅個人網站入面,每張靚相都有埋製作過程,比你見識倒點樣製作出一副靚相,好好睇。例如雷電原來係用燈飾整成;河流上嘅雲層就係用棉花,佢用過嘅物品千奇百趣,羽毛、糖、朱古力、棉花糖等等乜都有,出嚟嘅效果極之完美,推介。

Read more ›
美金一蚊玩拼貼    美國總統幾可亂真

美金一蚊玩拼貼 美國總統幾可亂真

藝術無價,外國藝術家Mark Wagner好明白呢個道理,仲好豪氣咁用一大堆美金整成一系列collage拼貼作品,不過佢唔係大花筒,作品入面用嘅都係美金一蚊,整成嘅作品由林肯至新任總統奧巴馬都有份,睇真啲,會見倒佢幾乎用盡每一張銀紙嘅每一個角落,而且製成品樣貌幾可亂真,淨係剪同貼已經難過登天,真心佩服,難怪佢喺美國藝術界地位超凡,入嚟開吓眼界啦。

Read more ›

解剖卡通巨星    藍精靈 /瑪利奧 / Barbie剝皮見骨

解剖卡通巨星 藍精靈 /瑪利奧 / Barbie剝皮見骨

美國藝術家Freeny極度迷戀解剖學,最鐘意將大家鐘意嘅卡通人物切開一半,迫你睇埋佢嘅心肝脾肺腎,最新作品有藍精靈,呢隻又幾啱用喎,尤其是你表弟表妹日日扭你陪佢睇有糖妺配音嘅《藍精靈2》,比呢張相佢睇,分分鐘可以截停佢。入嚟仲有得回帶睇晒被解剖嘅瑪利奧、米奇、Hello Kitty、Lego、Barbie等等,粒粒卡通巨星,嚇細路一流。

Read more ›
撕開小丑面具  Joker爛肉睇見心寒

撕開小丑面具 Joker爛肉睇見心寒

蝙蝠俠電影《The Dark Knight》入面,最吸引嘅角色係小丑Joker,而且演出嘅Heath Ledger真係演得神似,可惜英年早逝。講返正題,芬蘭藝術家=K4ll0最新設計咗一輯Joker插畫,睇到我好心寒,因為撕開小丑面具入面嘅肉全部活生生呈現出嚟,當然仲有佢個經典大嘴,噢,Why so serious?

Read more ›
北野武變Metal Gear   遊戲設計師概念圖

北野武變Metal Gear 遊戲設計師概念圖

導演北野武加Metal Gear,喺我眼中,比青島加火腩飯更Man更浪漫。呢張插畫出自英國藝術家Darren Bartley(網名fightPUNCH)手筆,我想讚佢真係獨具慧眼,因為北野武其實幾襯Metal Gear。除咗北野武,連專做火爆角色嘅已故德國演員Klaus Kinski(克勞斯金斯基) 都有份,睇嚟佢都係一個電影迷。補充一句,Darren Bartley嘅職業係遊戲概念設計師,難怪咁高水準。

Read more ›
落地開花系列  玻璃動物雕塑超像真!

落地開花系列 玻璃動物雕塑超像真!

「落地開花,富貴榮華。」細過新年打爛玻璃,長輩一定會咁講,攞個意頭嘛。所以年初一介紹呢個波蘭藝術家Marta Klonowska作品前,我都要講返句。佢嘅一系列動物雕塑,全部用玻璃碎片造成,有貓、狗、白兔等,我可以用栩栩如生,真嘅一樣嚟形容,尤其下面呢隻貓。不過我好好奇,佢整嗰時有無界損手呢?

Read more ›