Post Tagged with: "藝術家"

甜品美腿二合一   朱古力脆皮下的一雙美腿
by / on 21/01/2014 at 7:06 am

甜品美腿二合一 朱古力脆皮下的一雙美腿

女人同甜品一直關係密切,阿根廷藝術家Camila Valdez索性將兩者合二為一,整成一個個大型雕喺街頭展覽,例如朱古力脆皮雪條下面有一雙長腿,冬甩又帶埋對長腿一齊去野餐‥‥‥效果相當特別,老實,你覺得甜品定係美腿吸引啲?

Read more ›

正宗火柴人    燒燶火柴上的頭雕
by / on 30/12/2013 at 7:04 am

正宗火柴人 燒燶火柴上的頭雕

中國近年有出產咗好多一流嘅藝術家,亦吸引好多外國藝術家長居中國發展。好似呢位德國藝術家Wolfg ang Stiller,之前喺北京幫電影製作假人,對頭雕尤其有研究,最近決定將佢嘅獨門技術製作成巨型火柴頭,名為Matchstickman嘅作品,每支巨型火柴都係一個雕刻咗嘅人面,樣貌清一色都係黑媽媽木無表情,火柴盒就好似一副副棺材,效果好震憾。

Read more ›
中國隱形俠    毛澤東都玩勁過變色龍
by / on 28/12/2013 at 2:14 pm

中國隱形俠 毛澤東都玩勁過變色龍

《怪獸大學》入面嘅變色龍可以隨時隱形,中國北京藝術家劉勃麟都一樣,之前都介紹過,不過今次有更多作品,超過40幅畫,主角同背景完美融合變成透明人,每一幅作品都要超過10小時製作,心血之作。不過由於佢經常製作諷刺政府嘅作品,工作室已經被關閉,你睇佢將天安門毛主澤改頭換面,就知佢有幾大膽。

Read more ›
詭異雕塑    人像半空懸浮
by / on 01/12/2013 at 10:04 am

詭異雕塑 人像半空懸浮

藝術嘅嘢我唔多識,尤其是雕塑,不過法國馬賽最近擺放嘅10個雕塑的確令我眼界大開。每個人像中間都被淘空,半透明感覺上好似喺半空懸浮緊,睇落好詭異。由藝術家Bruno Catalano設計,名為旅行者(Les voyageurs)嘅系列,想表達嘅嘢好深,即係話你每去一個地方都好似漏空咗一啲嘢咁,唔明?唔緊要,我哋集中睇佢點樣可以做倒呢個超現實嘅效果,原來每一截都靠一邊腳承托起上半身,厲害。

Read more ›
最靚聖誕裝置   紐約鏡房Instagram大熱
by / on 25/11/2013 at 7:17 am

最靚聖誕裝置 紐約鏡房Instagram大熱

日日喺Facebook見朋友去商場影聖誕燈飾,差啲以為聖誕節已經到咗。如果出面有紐約呢個Infinity Mirrored Room 咁靚 ,唔駛要聖誕樹,我都想入去影返兩張放上fb呃like。由日本藝術家Yayoi Kusami設計,成間密室裝晒鏡,入面再裝上幾百盞彩色LED燈,置身其中就好似進入咗外太空,周圍有大量星星閃呀閃,女仔見到一定高八度嗌好靚呀!難怪好多人影完相都放上Instagram開心share,香港有無商場整返個,我真心想影。

Read more ›
童年崩壞    翠兒賓尼兔剝淨棚骨
by / on 05/11/2013 at 8:46 am

童年崩壞 翠兒賓尼兔剝淨棚骨

翠兒、賓尼兔呢啲陪住你大嘅卡通人物,有無諗過拆佢皮煎佢骨之後會變成點?韓國藝術家Hyungkoo Lee呢個Animatus系列,將熟悉嘅卡通人物剝淨棚骨,第一次見倒咁真實嘅卡通人物,我都嚇一跳,而且都幾難認,好似賓尼兔咁,我都係靠佢兩隻大板牙先勉強認倒佢。

Read more ›

騎雞鐵漢網上熱爆     街頭塗鴉師變小學雞
by / on 04/11/2013 at 7:10 am

騎雞鐵漢網上熱爆 街頭塗鴉師變小學雞

話說上星期五Richie Nolan去咗阿爸阿媽個農場,行行企企覺得悶到嘔,於是用咗三個鐘時間極速整完成以下呢幅騎馬,唔係,騎雞嘅改圖,由於效果唔錯,放上Reddit後引嚟熱烈討論,仲吸倒倫敦街頭塗鴉藝術家Beastie嘅注意,問準Nolan後,Beastie就喺48小時內極速喺街頭畫咗呢幅插畫贈興。本來件事好有型,但係唔知佢哋係咪有仇,Beastie畫嗰幅插畫喺正牆角勁細幅,完全無晒Nolan英姿凜凜嘅霸氣,感覺非常小學雞,一世英明,唉。

Read more ›
巨型Google Maps真實版標記    現身大城市
by / on 30/10/2013 at 9:03 am

巨型Google Maps真實版標記 現身大城市

Google Maps絕對係本世紀最偉大嘅發明之一,雖然佢有時會講大話點條錯路我行,但係實景圖對於搵地方真係好有用。德國裝置藝術家Aram Bartholl自發性喺公共地方整咗啲裝置 ─ 就係大大個嘅Google A字牌,有用開Google Map都知,呢個紅色pin icon就係搜尋地方後嘅標記,望住佢個心定晒,堪稱係治癒系符號。不過就令我分唔倒乜嘢係真實,乜嘢係虛擬‥‥‥

Read more ›
真人油畫現身日本涉谷     Mini Cooper 3D變2D
by / on 24/10/2013 at 7:18 am

真人油畫現身日本涉谷 Mini Cooper 3D變2D

之前都介紹過藝術家Alexa Meade,佢擅長將現實世界嘅物品同埋人塗滿顏料,硬生生將佢哋由3D變成2D。最近佢又有新作,今次同Mini Cooper合作,喺日本涉谷做咗個活動,都係用佢最耍家嘅畫筆同埋顏料,主角係一架MINI同兩位模特兒,效果一樣型到震,無得去日本無所謂,入嚟有片睇,亦可以回帶睇埋佢嘅舊作品。

Read more ›
松鼠仔潛力圖   化身20個超級英雄
by / on 13/10/2013 at 11:21 am

松鼠仔潛力圖 化身20個超級英雄

其實好無聊,不過我睇嘅時候真係忍唔住笑咗出嚟。出自西班牙藝術家Santiago-Perez手筆,一張松鼠仔嘅圖,居然比佢演化成20個角色,勁在每張都係絕配,尤其是松鼠仔嘅霸氣眼神同埋微微遞起嘅手。除咗蜘蛛俠、雷神呢啲基本嘢,我仲發現薩爾達、刺客教條同埋God of War嘅Kratos,睇嚟Perez仔都係標準機迷。

Read more ›
巨型相機高過你   周街幫人影大頭海報
by / on 11/10/2013 at 7:09 am

巨型相機高過你 周街幫人影大頭海報

鐘意影相嘅你哋,如果見倒一部高過你嘅相機,會唔會發狂衝埋去影相留念?外國藝術家JR租咗架貨車進行名為「Inside Out」嘅活動,幫路過嘅途人影大頭相,再印製出超巨型海報,再同其他人像相拼合埋,放喺公眾地方展示。暫時JR已經印製咗超過10萬張人像海報,犀利!之前佢路經紐約,閒閒哋都吸引咗13,000人參加呢個活功。最近佢去埋倫敦Somerset House,不過聽日就完就要駛走搬竇,諗起佢要將啲海報收起,下一站又再舖出嚟就鄧佢辛苦。

Read more ›

垃圾藝術圖集   街頭驚現污糟鬼
by / on 07/10/2013 at 9:36 am

垃圾藝術圖集 街頭驚現污糟鬼

香港人日日嘈堆填區問題,外國政府垃圾問題處理得好,所以市民心情都輕鬆啲,連垃圾都可以玩一餐。西班牙藝術家Francisco de Pájaro就將街邊嘅垃圾畫幾筆,變成一隻隻貪玩嘅污糟鬼,呢個「Art is Trash」系列遍及馬德里、倫敦、巴塞隆拿街頭,好有創意勁好睇。不過我最想知係佢玩垃圾時有無比清潔姐姐追打,同埋玩完有無執返乾淨。

Read more ›
牛眼淚噴射作畫     獵奇藝術家以眼代筆
by / on 06/10/2013 at 7:53 am

牛眼淚噴射作畫 獵奇藝術家以眼代筆

好驚嚇!外國「藝術家」Leandro Granato好出位,唔似一般人用畫筆畫畫,佢嘅畫筆就係自己一對眼!自從發現自己眼鼻相通(有人唔係咩?),佢就用兩年時間鑽研不傷眼嘅顏料,然後開始用雙眼噴顏料出嚟作畫,睇住佢對眼噴出嚟嘅藍眼淚,我以為自己睇緊《回魂夜》。佢仲好自豪自己發明咗呢種全新嘅畫畫技術,而呢啲畫仲有得賣,每幅盛惠1500英磅起,每幅要用10分鐘至1個月製作,視乎複雜程度,講真,我唔敢買返屋企,送比我都唔要。

Read more ›
雙面人相集超驚嚇    重口味真人版
by / on 27/09/2013 at 8:20 am

雙面人相集超驚嚇 重口味真人版

返工身邊總有一兩個雙面人,對住你笑騎騎,背後就講盡你壞話。德國藝術家Sebastian Bieniek可能都遇到多,所以創作咗呢輯「Doublefaced」相集,用化妝技巧,將每個被攝者都變成雙面甚至三面人,對眼一隻真一隻假,睇落效果好詭異。不過諗真啲,現實版你估佢唔倒嘅雙面人其實仲得人驚。

Read more ›
宮本茂被惡搞 變身孖寶撒爾達
by / on 23/09/2013 at 7:46 am

宮本茂被惡搞 變身孖寶撒爾達

巴西藝術家Butcher Billy我哋之前介紹過幾次,佢好鐘意任天堂嘅作品,試過將瑪利奧變punk友,仲威到係由官方親自邀請設計嘅。最近佢又有新作,就係將任天堂之父宮本茂變成任記經典角色,包括瑪利奧、撒爾達、公主、King Kong、Standfox等等,最搞笑係將佢變成孖寶兄弟入面粒金星同埋鬼鬼,惡搞味極濃。有理由相信今次創作係非官方嘅,因為我諗宮本茂本人應該唔想見到自己呢幾個造型‥‥‥

Read more ›