fbpx

Tag: 藝術家

俄羅斯3D畫展    好玩得最啱舖上FB呃like

俄羅斯3D畫展 好玩得最啱舖上FB呃like

3D畫我好鐘意睇,呢個3D展好吸引,全部作品都係出自俄羅斯戰鬥民族藝術家Brain Smash之手,好哋哋一個相框,入面嘅狗仔好似衝出嚟咁款,像真度嚇人,最正係旁邊有埋位置比你企入去影相,放上facebook呃like一流。咁多張我最鐘意係同Iron Man對打嗰幅3D漫畫,其實唔算好3D,不過我鐘意Iron Man無計。

Read more ›

新片速報   港鐵迫車專用裙    自動漲脹迫走路人

新片速報 港鐵迫車專用裙 自動漲脹迫走路人

長居香港嘅藝術家Kathleen McDermott都感受到香港地鐵嘅擠迫情況,發明咗呢條伸縮自在的裙,每當有人行近,條裙就會自動拱起,令旁邊嘅人埋唔到你身,佢仲搵埋model拍埋片親身示範。要做到咁嘅效果,全靠裙嘅前面同後面分別裝咗嘅自動感應器。不過講真,以香港地鐵繁忙時間嘅擠迫情況,估計條裙應該無辦法膨脹,或者一漲起就被迫爆。

Read more ›
伊朗大廈玩創作    超現實3D外牆

伊朗大廈玩創作 超現實3D外牆

伊朗對我嚟講係好遙遠嘅國度,不過藝術無分國界,好似呢位伊朗藝術家Mehdi Ghadyanloo嘅作品,將大廈外牆畫到好似天空嘅一部份,上面懸浮住車同人,感覺極之超現實,但又充滿創意驚喜,好好睇。佢喺首都德黑蘭畫咗超過100幅創作,去伊朗應該好大機會見倒。難得當地居民同政府都好欣賞佢嘅作品,佢仲喺當地開咗間叫Blue Sky Painters Company嘅公司,前途無限。其實有機會不妨去埋北京發展,當地終日見唔倒藍天白雲,可能好需要呢類型嘅創作。

Read more ›
神級3D畫  打瀉雞蛋真嘅一樣

神級3D畫 打瀉雞蛋真嘅一樣

3D畫成日見,但每次見倒我都依然覺得好振驚。好似今次呢位新加坡藝術家Ivan Hoo嘅作品,有啲唔同嘅係全部都喺木板上繪圖,由揸皺咗嘅紙,以至倒瀉嘅汽水、打爛嘅瓷碗、爆開嘅雞蛋‥‥‥全部真到好似一張相咁,好難相信其實係用一支筆畫出嚟。佢自認作品深受藝術家Audrey Flack同埋Roberto Bernadi啟發,不過我鐘意睇佢嘅多啲,無咁高深。

Read more ›
北京動漫迷3D畫    挑戰狼人扮Pacific Rim

北京動漫迷3D畫 挑戰狼人扮Pacific Rim

之前都報道過,北京呢位藝術家盖括係正宗動漫迷,而且支筆好犀利,佢嘅作品系列「一支筆一個夢」幾好睇,每次都將自己同筆下嘅角色互動,造出超立體嘅效果。最近佢又有新作,狼人、Pacific Rim、胡迪、超人、One Piece‥‥‥全部都好有心機好考功夫,入嚟有埋回帶睇。我哋好公正,內地有好嘢,一樣會尊重會讚嘅。

Read more ›
有片  Facebook/ Instagram變食物   網上有片教你整

有片 Facebook/ Instagram變食物 網上有片教你整

用食物砌成嘅藝術品見唔少,每次都令我胃口大開。今次輪到介紹呢位食物藝術家Daryna Kossar,佢好鐘意上網,Facebook、Instagram、Pinterest乜都啱,我點解知?因為佢整晒呢幾個品牌嘅LOGO,仲整得鬼咁靚好用心。好似Instagram就係用一塊麵包加朱古力醬,仲有隻咖啡杯(!)。其餘作品仲有孖寶兄弟、雪人、貓頭鷹等等,全部都好靚好好味,又幾健康。想學可以上佢嘅YouTube頻道,入面有教學。 

Read more ›

超現實PS大神    變身爛蘋果被咬

超現實PS大神 變身爛蘋果被咬

有Photoshop嘅世界真係好好玩,腦入面諗倒嘅有趣畫面,都可以透過電腦重造出嚟,好似外國藝術家Martín De Pasquale就係PS高手,佢嘅相片風格超現實,例如將自己變成一個比人咬到一忽忽嘅爛蘋果、將電腦mouse變成蛇嘴、又或者將鐵路軌變成拉鍊‥‥‥其中公路嗰輯仲好有《進擊之巨人》feel。總括PS水準高、構圖有心思,睇得過。

Read more ›
神級沙灘3D畫   唔用筆靠沙粒造出3D效果

神級沙灘3D畫 唔用筆靠沙粒造出3D效果

紐西蘭真係地靈人傑,出產嘅藝術家都特別悠閒。呢位叫Jamie Harkins嘅紐西蘭藝術家,人玩3D畫佢玩3D畫,佢就選擇喺沙灘上畫,唔用筆,只係靠幾粒沙就造出3D效果,可以想像難度之高。雖然無平時睇到厭嘅3D畫咁色彩豐富,但係望埋個賞心悅目嘅海灘,心情都靚啲,仲可以娛人娛己,比去沙灘玩嘅人一齊參與。

Read more ›
真嘅一樣   羊毛針織食品像真度驚人

真嘅一樣 羊毛針織食品像真度驚人

熱狗、漢堡包、燒春雞、薯條、腸仔蛋‥‥‥全部都係我最鐘意食嘅嘢,可惜有得睇無得食,因為全部只係羊毛針織製品,像真程度爆晒燈,尤其是塊冬菇,真係無得輸。呢個The Comfort Food Series系列由英國藝術家Jessica Dance製作,佢唔止整食物叻,整計收機、動物都掂,下次可唔可以幫我整隻初音?

Read more ›
唱片封套畫上面    4日完成8個封套

唱片封套畫上面 4日完成8個封套

買唱片嘅人越嚟越少,但係每個人心目中都有幾隻心水靚封套,外國藝術家Natalie Sharp就選擇將自己最鐘意嘅唱片封套畫上面,本來諗住一日之內畫晒八個封套,不過最終要分成4日,因為個個封套要用3-6小時慢慢畫。不過最大鑊應該係洗嘅過程,又畫又洗,諗起都恐怖。佢喺訪問透露自己係受朋友Dan Conway鼓勵所以咁做,唔知點解,我覺得佢朋友似乎有心跣佢‥‥‥

Read more ›
超像真雀仔高踭鞋    京都展出

超像真雀仔高踭鞋 京都展出

女人天生鐘意買鞋,喺佢哋心目中,鞋就好似一件藝術品,即係好似男人眼中嘅高達模型。日本享負盛名嘅藝術家串野真也都係咁諗,於是將一對對高踭鞋設計成藝術品,仲非常之高不可攀。最新作品Bird-witched系列,鞋踭變晒雀仔腳,鞋身鞋頭無論用料設計都十足一隻雀仔咁,而且有腳,睇落雖然有少少恐怖,不過手功勁精緻。而家呢幾對鞋喺京都國立近代美術館展出緊,嚟緊仲會移師美國嘅Brooklyn Museum博物館展覽。入嚟仲有串野真也其他靚鞋,一樣嚇死你。

Read more ›

病童變超人    cosplay希望工程無呃like

病童變超人 cosplay希望工程無呃like

我好抗拒facebook有啲群組,成日舖世界各地患怪病嘅人嘅相片出嚟,然後叫大家一like等於一support呢啲呃like行為。要支持病患者,好似呢個加拿大藝術家嘅「The Drawing Hope Project」咁做就有意義得多。佢將患病兒童嘅畫作,加上幫佢哋拍攝嘅個人照片,再加少少後期效果,合成為一幅充滿希望嘅作品,病童變成超人、巴斯光年、白馬王子‥‥‥呢啲先係尊重同支持嘛。

Read more ›
終極生活態度   隨水飄流一年

終極生活態度 隨水飄流一年

終乜嘢叫生活態度?每朝早裙拉褲甩迫電梯迫地鐵嘅我哋好難明白,但係可以羨慕吓。藝術家Stephen Turner決定用一年時間喺呢嚿木製蛋形嘅Exbury Egg迷你屋入面生活,重點係架船無人駕駛,純粹隨水飄流,目的係比自己感受大自然嘅吸引力、四季變化‥‥‥「屋」入面有花灑有床,仲有我哋生活不可或缺嘅電腦,因為Turner會將自己生活嘅點滴不間斷放上個人Blog分享,佢嘅行程會直至今年7月14日,怕自己唔抵得嘅都係唔好上去睇,我怕你過兩日無心機返工。

Read more ›
大力水手/ Homer/ 王子變暴力王     防家暴海報無違和感

大力水手/ Homer/ 王子變暴力王 防家暴海報無違和感

童話故事唔一定係happy ending,不過打到白雪公主、灰姑娘眼腫爆晒血又激得滯。名為「What Kind Of Man Are You? 」嘅插畫,係意大利著名藝術家aleXsandro Palombo嘅最新創作,目的係帶出防止家暴嘅訊息,效果好震憾。唯一係我覺得The Simpson嘅Homer打老婆嗰張似乎毫無違和感‥‥‥

Read more ›
黑武士變電器奇俠    PS手掣Gameboy循環再用

黑武士變電器奇俠 PS手掣Gameboy循環再用

阿根廷女藝術家 Elisa Naranja Metalica好犀利,用唔要嘅玩具、電器、珠寶等等材料,重新整成不同作品,好似呢個黑武士,睇真啲會見倒有PlayStation第一代手掣、Gameoboy、數碼相機同埋大量電子零件,不過佢只得24歲,估計都係偷阿爸嘅珍藏‥‥‥除咗黑武士,仲有PS手掣、尤達大師、My Little Pony等等作品,記住開大張圖睇真啲入面嘅細節,你會覺得呢位只得24歲嘅妹妹好有天份。

Read more ›