Post Tagged with: "藝術家"

食物繪畫神人    下一步畫頭髮
by / on 23/06/2014 at 7:12 am

食物繪畫神人 下一步畫頭髮

嘢除咗攞嚟食,仲可以攞嚟玩。呢位土耳其藝術家Hasan Kale將朱古力、洋蔥皮、花生殼、杏仁、鵪鶉蛋呢啲咁好味嘅食物攞嚟玩,喺上面畫公仔,而且畫得超靚。要喺咁細嘅食物表層畫公仔實在極考功夫,佢已經成功挑戰咗意粉同埋米粒,嚟緊佢揚言要挑戰頭髮!即係喺頭髮表層畫公仔,諗起都覺得玩得好大,想睇吓佢兌唔兌現到,記住like咗佢嘅facebook密切留意。

Read more ›

日用品大變身   大頭針變紳士   油漆掃變軍佬頭
by / on 21/06/2014 at 1:21 pm

日用品大變身 大頭針變紳士 油漆掃變軍佬頭

屋企平時眼尾都唔會睄吓嘅日用品,原來都可以變成咁得意嘅作品。呢位法國藝術家Gilbert Legrand將大頭針變做戴帽紳士、油漆掃就變咗個軍佬頭嘅雀斑細路、刨皮器成面豆皮,變咗個喊包樣嘅小妹妹,全部都好可愛,如果出埋實物,應該銷量唔錯。

Read more ›
美日英雄大亂鬥  悟空VS超人/ 尤達VS超夢
by / on 21/06/2014 at 12:51 pm

美日英雄大亂鬥 悟空VS超人/ 尤達VS超夢

美日動漫角色大亂鬥大家都好想睇,巴西藝術家Lucas Pilatti就將自己最想睇嘅賽事模擬整咗幾張poster出嚟,有《Star Wars》黑武士VS《X-Men》Magneto,又有《龍珠》悟空VS《Superman》、《星矢》紫龍VS《龍珠》比達,咁天生生得矮小嘅尤達大師呢?呵,對手係咁高咁大,Pokemon嘅超夢(Mewtwo),有無得打?

Read more ›
GIF圖都有世界級比賽? 藝術品有裸女是常識
by / on 20/06/2014 at 10:13 am

GIF圖都有世界級比賽? 藝術品有裸女是常識

GIF圖成日睇,估唔倒呢個世界上居然有GIF圖比賽,仲係認真嗰種,當堂嚇一跳。呢個叫The Giphoscope Award 2014嘅比賽,分為最佳攝影、最佳幾何圖、最佳插畫等等嘅項目,好認真。今次集中介紹嘅,係其中一個得獎者Isabel Chiara嘅作品,佢係西班牙藝術家,叫得藝術家,GIF圖當然唔係我哋平時睇嘅級數,佢將經典、流行文化、超現實元素混埋一齊,整咗一堆GIF圖,有GIF有真相,入嚟慢慢睇。其實都唔係咁深奧,反而效果幾搞笑,不過叫得做藝術,當然有裸女囉。

Read more ›
世界盃止癮系列   800個煙盒變球衣
by / on 20/06/2014 at 9:22 am

世界盃止癮系列 800個煙盒變球衣

英格蘭提早埋單,好多香港球迷都想嘆返個黯然銷魂飯。話晒今日星期五,我哋睇返啲世界盃無聊嘢,放鬆吓心情啦。英國藝術家Leo Fits Maurice好有創意,將一大堆唔同品牌嘅煙盒剪剪摺摺變成一件件迷你球衣,佢好大煙癮,集合咗800款煙盒,當然唔少得國寶級嘅紅雙喜啦!好多盒仲唔知係咪刻意,殘殘舊舊好有vintage效果。呢個叫「Post Match Series」嘅系列,之前喺倫敦展出,而家大家可以喺佢個網站慢慢欣賞。睇還睇,唔好點煙呀!

Read more ›
廁紙筒變藝術品  垃圾的浪漫
by / on 14/06/2014 at 11:27 am

廁紙筒變藝術品 垃圾的浪漫

廁紙筒都有得攞嚟玩?法國人真係特別浪漫,呢位叫Anastassia Elias嘅法國藝術家,玩到無嘢好玩,決定將廁所用完嘅廁紙筒變為藝術品,喺入面拼貼整成立體紙製圖。名為Rouleaux嘅系列,有人喺入面打網球、有髮型師幫客人剪頭髮,仲有水底剪影同埋恐龍世界。通過廁紙筒另一邊透入嘅光,造出立體效果,感覺好似喺隧道入面見到嘅剪影。不過平凡人好似我同你咁,用完嘅廁紙筒都係掉咗佢算啦,未比阿媽鬧過咩?

Read more ›

有片    透明膠片+實景   搞笑動畫350萬點擊
by / on 04/06/2014 at 7:09 am

有片 透明膠片+實景 搞笑動畫350萬點擊

之前介紹過呢位將公仔畫喺透明膠片上嘅藝術家Marty Cooper,最近佢又有新作,唔玩相玩拍片,效果更勁!短片半個月唔夠已經有350萬點擊,好威。今次佢繼續用膠片同現場景結合,不過加埋stop motion方法拍攝成動畫,low tech得嚟勁有心思,信我,星期三返工心情鬱悶,睇完都開心返啲。

Read more ›
《進擊之巨人》/《死亡筆記》小學雞化     變身兒童故事書?
by / on 03/06/2014 at 7:09 am

《進擊之巨人》/《死亡筆記》小學雞化 變身兒童故事書?

有無諗過日本漫畫《進擊之巨人》同《死亡筆記》變成兒童故事書會係點?美國藝術家Matt Reedy最近就將以上兩本漫畫改頭換面,仿照Little Golden Books系列嘅封面設計。《進擊》封面有Q版巨人好得意,可惜霸氣盡失;《死亡筆記》直情變埋教科書,感覺無奈。補充一句,Little Golden Books系列係外國好出名嘅小朋友童書系列,不過今次唔係真係出呢兩本漫畫,只係Matt嘅概念圖,好彩啫。

Read more ›
俄羅斯3D畫展    好玩得最啱舖上FB呃like
by / on 26/05/2014 at 8:47 am

俄羅斯3D畫展 好玩得最啱舖上FB呃like

3D畫我好鐘意睇,呢個3D展好吸引,全部作品都係出自俄羅斯戰鬥民族藝術家Brain Smash之手,好哋哋一個相框,入面嘅狗仔好似衝出嚟咁款,像真度嚇人,最正係旁邊有埋位置比你企入去影相,放上facebook呃like一流。咁多張我最鐘意係同Iron Man對打嗰幅3D漫畫,其實唔算好3D,不過我鐘意Iron Man無計。

Read more ›
新片速報   港鐵迫車專用裙    自動漲脹迫走路人
by / on 20/05/2014 at 1:04 pm

新片速報 港鐵迫車專用裙 自動漲脹迫走路人

長居香港嘅藝術家Kathleen McDermott都感受到香港地鐵嘅擠迫情況,發明咗呢條伸縮自在的裙,每當有人行近,條裙就會自動拱起,令旁邊嘅人埋唔到你身,佢仲搵埋model拍埋片親身示範。要做到咁嘅效果,全靠裙嘅前面同後面分別裝咗嘅自動感應器。不過講真,以香港地鐵繁忙時間嘅擠迫情況,估計條裙應該無辦法膨脹,或者一漲起就被迫爆。

Read more ›
伊朗大廈玩創作    超現實3D外牆
by / on 18/05/2014 at 7:03 am

伊朗大廈玩創作 超現實3D外牆

伊朗對我嚟講係好遙遠嘅國度,不過藝術無分國界,好似呢位伊朗藝術家Mehdi Ghadyanloo嘅作品,將大廈外牆畫到好似天空嘅一部份,上面懸浮住車同人,感覺極之超現實,但又充滿創意驚喜,好好睇。佢喺首都德黑蘭畫咗超過100幅創作,去伊朗應該好大機會見倒。難得當地居民同政府都好欣賞佢嘅作品,佢仲喺當地開咗間叫Blue Sky Painters Company嘅公司,前途無限。其實有機會不妨去埋北京發展,當地終日見唔倒藍天白雲,可能好需要呢類型嘅創作。

Read more ›

神級3D畫  打瀉雞蛋真嘅一樣
by / on 10/05/2014 at 12:40 pm

神級3D畫 打瀉雞蛋真嘅一樣

3D畫成日見,但每次見倒我都依然覺得好振驚。好似今次呢位新加坡藝術家Ivan Hoo嘅作品,有啲唔同嘅係全部都喺木板上繪圖,由揸皺咗嘅紙,以至倒瀉嘅汽水、打爛嘅瓷碗、爆開嘅雞蛋‥‥‥全部真到好似一張相咁,好難相信其實係用一支筆畫出嚟。佢自認作品深受藝術家Audrey Flack同埋Roberto Bernadi啟發,不過我鐘意睇佢嘅多啲,無咁高深。

Read more ›
北京動漫迷3D畫    挑戰狼人扮Pacific Rim
by / on 09/05/2014 at 7:12 am

北京動漫迷3D畫 挑戰狼人扮Pacific Rim

之前都報道過,北京呢位藝術家盖括係正宗動漫迷,而且支筆好犀利,佢嘅作品系列「一支筆一個夢」幾好睇,每次都將自己同筆下嘅角色互動,造出超立體嘅效果。最近佢又有新作,狼人、Pacific Rim、胡迪、超人、One Piece‥‥‥全部都好有心機好考功夫,入嚟有埋回帶睇。我哋好公正,內地有好嘢,一樣會尊重會讚嘅。

Read more ›
有片  Facebook/ Instagram變食物   網上有片教你整
by / on 07/05/2014 at 7:08 am

有片 Facebook/ Instagram變食物 網上有片教你整

用食物砌成嘅藝術品見唔少,每次都令我胃口大開。今次輪到介紹呢位食物藝術家Daryna Kossar,佢好鐘意上網,Facebook、Instagram、Pinterest乜都啱,我點解知?因為佢整晒呢幾個品牌嘅LOGO,仲整得鬼咁靚好用心。好似Instagram就係用一塊麵包加朱古力醬,仲有隻咖啡杯(!)。其餘作品仲有孖寶兄弟、雪人、貓頭鷹等等,全部都好靚好好味,又幾健康。想學可以上佢嘅YouTube頻道,入面有教學。 

Read more ›
超現實PS大神    變身爛蘋果被咬
by / on 07/05/2014 at 7:06 am

超現實PS大神 變身爛蘋果被咬

有Photoshop嘅世界真係好好玩,腦入面諗倒嘅有趣畫面,都可以透過電腦重造出嚟,好似外國藝術家Martín De Pasquale就係PS高手,佢嘅相片風格超現實,例如將自己變成一個比人咬到一忽忽嘅爛蘋果、將電腦mouse變成蛇嘴、又或者將鐵路軌變成拉鍊‥‥‥其中公路嗰輯仲好有《進擊之巨人》feel。總括PS水準高、構圖有心思,睇得過。

Read more ›