Post Tagged with: "藝術家"

有片   連續28日戴眼罩   虛擬生活真人show
by / on 22/11/2014 at 7:07 am

有片 連續28日戴眼罩 虛擬生活真人show

日日打機撳手機嘅現代人,如果只可以生活喺個螢幕入面,又頂唔頂得順?英國藝術家Mark Farid將會做一個名為Seeing I嘅實驗,連續28日24小時戴住個虛擬實景嘅眼罩做人,全程逗留喺英國嘅London Gallery兼24小時拍攝,似足真人show,無得同外界接觸,只可以沖涼瞓覺同埋去廁所,食嘢都會有人餵。究竟佢最後會唔會進入第5度空間?出返嚟之後適唔適應倒生活,仲敢唔敢玩電話?我都好想知。

Read more ›

另類3D立體畫      比卡超 /悟空跳出畫紙
by / on 13/11/2014 at 7:06 am

另類3D立體畫 比卡超 /悟空跳出畫紙

一張紙一支藍色铅子筆一支鉛筆,就可以畫倒以下一幅幅超立體嘅3D畫!秘訣在於一條條筆記簿上嘅橫間。呢位藝術家João A. Carvalho嘅大作喺facebook都有得睇,我最鐘意佢畫嘅好多都係動畫角色,比卡超、悟空、Homer Simpson‥‥‥全部都好似喺張紙度突咗出嚟,好神奇!

Read more ›
匈牙利巨人進擊   破地而出極震憾
by / on 27/10/2014 at 5:29 pm

匈牙利巨人進擊 破地而出極震憾

日本有《進擊之巨人》,匈牙利布達佩斯都有呢隻極震憾嘅巨人石像Feltépve。由藝術家Ervin Loránth Hervé雕製,坐落喺Széchenyi Square嘅古老建築物前,好有氣勢,巨人攤喺地,頭頂至膊頭位仲舖咗層草皮,做到好似巨人破地而出嘅感覺,堅正。

Read more ›
蝸牛被迫紋身    藝術家:避免佢哋被踩親
by / on 25/10/2014 at 9:42 am

蝸牛被迫紋身 藝術家:避免佢哋被踩親

呢個藝術家Stefan Siverud唔知係同蝸牛有仇定有緣,由2010年起將街上嘅蝸牛殼重新改造,畫晒唔同嘅圖案,夾硬幫班蝸牛仔紋身。有啲變麥當勞LOGO、有啲變IKEA,仲有啲變埋食鬼圖案,阿媽見倒都唔影得佢。Stefan叫大家唔駛驚,因為用嘅都係無毒顏料,而咁做無非係令啲蝸牛搶眼啲,無咁易比人踩親。唔,我唔係好信,我覺得係你貪玩唧。

Read more ›
可愛老鼠亂闖鬧市   特別設計3D粉筆畫
by / on 28/09/2014 at 12:27 pm

可愛老鼠亂闖鬧市 特別設計3D粉筆畫

平日喺街見倒老鼠我哋會尖叫狂奔,不過叫倒呢幾隻可愛老鼠,大家可能會拎起手機影相。美國密西根州藝術家David Zinn用平時畫黑板嘅粉筆,喺街道畫上可愛塗鴉,而且每幅圖都根據返現場環境特別設計,有喺街燈下挑燈夜讀嘅老鼠仔、挑避惡貓追捕嘅老鼠仔‥‥‥全部都係3D畫,除咗老鼠仔,仲有好多其他可愛動物,正。

Read more ›
有片    日本恐怖村落   300個假人一齊生活
by / on 26/09/2014 at 7:15 am

有片 日本恐怖村落 300個假人一齊生活

好恐怖!日本四國島嘅奧祖谷鄉村,入面住咗330人,不過有300個都係假人!說話而家64歲嘅藝術家Ayano Tsukimi,11年前返家鄉,發現好多舊鄰居唔係搬走咗就係過咗身,村莊得返30幾人好冷清,於是佢開始根據印象中嘅鄰居朋友外貌,縫製1比1等身高嘅布公仔,再將布公仔放返喺當事人經常出沒嘅地點。為咗令公仔保持原貌,每過幾年佢就會重新換隻全新嘅上去。呢個村落而家已經成為日本嘅熱門觀光點,不過睇見啲相,唔知點解我覺得好心寒‥‥‥

Read more ›

神級人體彩繪   恐怖臉相最啱萬聖節
by / on 17/09/2014 at 7:23 am

神級人體彩繪 恐怖臉相最啱萬聖節

將自己塊面畫成咁需要相當大嘅勇氣同埋技藝,紐西蘭藝術家Laura Hawker好叻畫人體彩繪,效果超恐怖,進擊之巨人嘅造型無懈可擊,成塊面唔見晒變成一個恐怖大口更加係極驚嚇,喺街見倒應該會嚇到尖叫。萬聖節就到,相信佢又會有更多恐怖新造型,有排玩!

Read more ›
藝術家玩藍天白雲     變恐龍鱷魚插畫
by / on 07/09/2014 at 12:32 pm

藝術家玩藍天白雲 變恐龍鱷魚插畫

今朝一起身先知掛緊1號風球,頂住呀,聽日8號放多日就爽喇!不過個天藍藍哋,啲雲郁都唔郁,似乎風都唔多滴,講返正題,外國插畫家Martín Feijoó好好想像力,將平時見倒嘅天空一朵朵雲加入聯想,畫成一幅幅插畫,放喺自己叫「Shaping Clouds」嘅網站入面。原來,個天又恐龍又烏龜又鱷魚呀咁,都幾多嘢睇。佢仲將前後對比放埋一齊,都畫得幾似。

Read more ›
卜卜米砌手袋 / Hello Kitty頭   Instagram有得睇
by / on 03/09/2014 at 7:04 am

卜卜米砌手袋 / Hello Kitty頭 Instagram有得睇

喺網絡年代,想做自己理想嘅工作似乎更容易。好似住喺紐約嘅藝術家Jessica Siskin,就用佢最鐘意嘅食物Rice Krispies(卜卜米),砌成不同物品例如Pizza、手袋、Hello Kitty等物品放上網賣,生意仲唔錯。補充一點,卜卜米即係家樂氐粟米片以外,另一款脆卜卜有啲似米通嘅食物,你有無食過?

Read more ›
創意之日常   螺絲粉變扭毛巾   牙刷變裙仔
by / on 02/09/2014 at 7:07 am

創意之日常 螺絲粉變扭毛巾 牙刷變裙仔

利用日常生活嘅小物品,加幾筆變成一張張構圖特別嘅插畫,之前介紹過有藝術家Alex Solis 同埋Javier Pérez嘅作品,今次輪到加拿大籍嘅插畫師Hyemi Jeong,佢成功將 螺絲粉變扭毛巾、汽水蓋變企鵝仔、牙刷變裙仔,全部又精警又可愛。順帶一提,個插畫師係女性,都幾可愛。

Read more ›
狂玩垃圾食物    麥樂雞薯條人超驚嚇
by / on 18/08/2014 at 7:12 am

狂玩垃圾食物 麥樂雞薯條人超驚嚇

藝術嘅嘢我哋識乜吖。不過見倒啲薯條、麥樂雞、芝士漢堡,我覺得好有親切感!名為Junk Food Portraits嘅作品,由英國藝術家James Ostrer創作,搵咗一班模特兒返嚟,將佢哋全身舖滿垃圾食物(Junk Food),都幾大整蠱。BTW,原來我都幾垃圾,入面好多都係我日日食嘅正嘢。

Read more ›

LEGO人變街頭柱   笑樣嬲樣排排企
by / on 12/08/2014 at 7:15 am

LEGO人變街頭柱 笑樣嬲樣排排企

最出色嘅街頭藝術就係可以融入生活,好似法國藝術家Le Cyklop,就將日常經常見倒嘅街頭防盜柱噴成黃色,變成一個個LEGO人。每個表情都唔同,有笑樣、嬲樣、驚樣、得戚樣,出街見到佢哋一定會忍唔住打個咭舖張相上facebook呃like,就好似我哋而家咁。

Read more ›
非洲龜揹iPad做展覽    藝術嘅嘢‥‥‥
by / on 08/08/2014 at 10:39 am

非洲龜揹iPad做展覽 藝術嘅嘢‥‥‥

因乜事呢幾隻非洲盾臂龜要遭受酷刑,揹住部iPad周圍走?都話藝術嘅嘢我哋唔識o架啦。今次呢個藝術展覽「Moving Ghost Town」係中國藝術家蔡國強嘅新作品,三隻龜由非常擠迫嘅環境度拯救出嚟,佢哋背上嘅iPad就係由佢哋嘅視點,拍攝返科羅拉多州當地烏龜養殖場惡劣生活環境嘅片段。呢幾隻龜由聽日至10月5日都會喺Aspen Art Museum嘅天台行嚟行去當做展覽,好古怪。BTW,行得咁慢揹住部iPad嘅烏龜,令我諗起每日喺旺角行人專用區一邊行一邊篤手機嘅你同我。

Read more ›
PS大神又出動 真人監生塗白變鬼
by / on 26/06/2014 at 7:04 am

PS大神又出動 真人監生塗白變鬼

PS大神又出動,不過今次工作好容易,就係將群體相入面嘅所有人塗晒全身白色變鬼。呢個叫「Ghost Photographs」嘅無聊行為由美國藝術家Angela Deane發明,佢將所有喺屋企都搵倒嘅舊相都剿晒出嚟畫,作為佢阿媽阿爸應該會嬲到暈低。不過最正係佢嘅解釋,佢話透過變鬼呢個過程,觀眾可以勾起返影相當年嘅回憶,然後班鬼鬼就變成我哋,我哋就變成鬼‥‥‥睇完我完全唔明,都話藝術嘅嘢我唔識啦。

Read more ›
天安門放狗變放「菜」   中國文青「遛白菜」遛到外國
by / on 24/06/2014 at 9:11 am

天安門放狗變放「菜」 中國文青「遛白菜」遛到外國

藝術嘅嘢我哋識乜吖。講緊係呢個用放狗方法放「菜」嘅中國藝術家韓冰。佢由2000年開始,用條繩綁住棵菜,然後帶住佢週街游盪,行街市、去沙灘、過馬路、到訪天安門,實行呢個「遛白菜之綠色運動」,目的係以「異常化」嘅行為,帶出關注綠色運動嘅環保訴求。由一個人喺中國遛白菜,到而家演化到喺外國同同道中人集體遛白菜,雖然行為有啲特殊,不過喺中國嘗試做自己想做嘅嘢,都係一種勇氣表現。

Read more ›