fbpx

Tag: 藝術家

神級昆蟲藝術家 爛銅爛鐵變出超像真螳螂

神級昆蟲藝術家 爛銅爛鐵變出超像真螳螂

好勁!呢位叫JK Brown、來自英國嘅神人,強項係用爛銅爛鐵砌成唔同嘅昆蟲或者動物,創意同精細程度都去到神級,由佢雙手創造嘅包括草蜢、螳螂、蝴蝶、蛇、青蛙都超像真,尤其是隻螳螂,像真到有啲恐怖。不過藝術家都要食飯,佢嘅所有作品可以喺網站Etsy買得到,而且唔平,鍾意昆蟲嘅可以入去shopping買份新年禮物比自己。

Read more ›

插畫諷刺Facebook奴隸    切「Like」當飯食 / LOGO變手銬

插畫諷刺Facebook奴隸 切「Like」當飯食 / LOGO變手銬

呢位波蘭藝術家Sebastian Pytka嘅設計好正,透過作品諷刺Facebook、Star Wars、恐怖分子等議題,例如將Facebook LOGO變成手銬、用刀叉切「Like」當飯食,喺呢個人人呃Like嘅年代,大家睇落應該好有共鳴。另外病童手捧星戰嘅Death Star,仲有將平時鎖喺玻璃架入面嘅滅火筒變成手槍,諷刺恐怖分子肆虐嘅作品都好有heart,睇完得啖笑之外仲有反思位。

Read more ›
【不安慎入】超現實藝術家玩「變臉」 視覺效果勁震憾

【不安慎入】超現實藝術家玩「變臉」 視覺效果勁震憾

喂呀想嚇死人咩?不過藝術嘅嘢,係要有啲超乎想像先至精彩。呢個超現實法國藝術家Matthieu Bourel嘅作品,最啱星期二返工恰眼瞓嘅時候睇,睇完即時精神晒。佢嘅強項係玩變臉,就算睇唔明都會覺得視覺效果好震憾,除咗改圖,佢仲有玩GIF,睇到眼花,有啲不安,但係勁嘅。都係嗰句,有密集恐懼症嘅慎入。

Read more ›
【新版怪獸公司】小朋友創作簡單「怪物」 100位藝術家出手重畫

【新版怪獸公司】小朋友創作簡單「怪物」 100位藝術家出手重畫

畫公仔唔靚唔緊要,最重要受歡迎有人賞識,到時就有人幫手重畫甚至製作動畫,你睇勁受歡迎嘅《一拳超人》就知。外國最近都有個企劃鼓勵小朋友唔好怕醜盡情創作,名為「Monster Project」,超過100個藝術家聯同鍾意畫畫嘅小朋友一齊合作,小朋友以「Monster怪物」為題創作,藝術家就根據小朋友嘅簡單圖畫畫成唔同風格嘅作品,藉呢個計劃鼓勵小朋友盡情創作,之後仲準備出書。而家個計劃喺Kickstarter實行緊,啲作品好正,小朋友想像出嚟嘅怪物無框框,特別得意。不如集齊埋拍套新嘅《怪獸公司》啦!

Read more ›
【人體奧妙】超現實肢體排列 寄生獸出沒注意

【人體奧妙】超現實肢體排列 寄生獸出沒注意

藝術嘅嘢唔係咁易明,呢輯相我睇到嘩嘩聲,有幾張仲睇到毛管楝,不過呢,都好有觀賞價值嘅。呢輯超現實作品出自只得24歲嘅西班牙藝術家Ángela Burón手筆,將人體四肢重新排列,有幾張仲好有《寄生獸》感覺,入去佢嘅flickr有更多作品,好重口味,但真心正。

Read more ›
神級19歲靚女藝術家 意粉變金髮/生菜變連身裙

神級19歲靚女藝術家 意粉變金髮/生菜變連身裙

藝術天份真係唔係想要就有,好似呢位19歲嘅設計師Kristina Webb,年紀輕輕,但隨手拎起身邊嘅物件都可以創作出精彩作品。例如用意大利粉變成立體金髮美女嘅頭髮、生菜變連身裙、孔雀毛變露背裙,連啤牌角同木顏色筆碎都可以用嚟做創作靈感,完成品全部都好靚,而家佢嘅Instagram已經有超過170萬個Followers,最近仲出埋新書《Color Me Creative》,加上個樣幾靚女,仲唔係贏在起跑線?

Read more ›

【神人出動】30張Mario 30周年慶生圖集 置入30年間世界大事

【神人出動】30張Mario 30周年慶生圖集 置入30年間世界大事

呢位巴西藝術家Butcher Billy嘅作品好正,之前都介紹過幾次,佢特別鐘意任天堂,之前試過將瑪利奧變punk友,宮本茂變瑪利奧,仲威到由官方親自邀請設計作品,前日撞正Mario誕生30周年,佢當然要露兩手贈慶,呢個「Super Mario Bros: 30 years of Pop Culture系列」將過去30年發生過嘅世界大事「孖寶兄弟化」,例如柏林圍牆倒下、解放者曼德拉以至最新嘅同性戀婚姻合法化彩虹標記嘅時刻,變成好有孖寶兄弟感覺嘅改圖,總共30張,真心講每張都好正,應該係送比Mario最好嘅生日禮物,唯一唔好嘅係啲圖好多雪花,睇到有啲眼花花。

Read more ›
日本摺紙神技 小說變Star Wars Logo

日本摺紙神技 小說變Star Wars Logo

好勁!呢個網名OruFun嘅日本藝術家Yuto Yamaguchi,強項係將本書摺成立體字款,佢最鐘意都係玩美國嘢,例如我覺得好夾嘅Star Wars Logo,仲有Batman、Superman或者蘋果Logo,除咗Logo之外,砌樣都得,你睇Iron Man成個頭形出晒嚟,仲有白兵、米奇老鼠,好強,拍得住另一個都係摺書摺到出晒名嘅Isaac Salazar(入嚟有回帶)。不過呢,我就唔捨得將啲書咁樣摺嘞。

Read more ›
【神還原】迪士尼王子真人版     靚仔過卡通版

【神還原】迪士尼王子真人版 靚仔過卡通版

芬蘭藝術家Jirka Väätäinen之前都整過真人版迪士尼女主角,事隔3年,佢再出山整咗個男裝版,將迪士尼世界嘅王子真人化,呢輯「Real Life Disney」,還原度好高,有啲仲靚仔過卡通版,小妹妹睇咗都會變心心眼。BTW,我知我哋男讀者多,入嚟有得回帶睇返女裝版,最尾嗰張送嘅。

Read more ›
【一日一個IG推介】時裝友生活品味 蕉皮蠔殼變fashion

【一日一個IG推介】時裝友生活品味 蕉皮蠔殼變fashion

型喎!蕉皮都可以變fashion,生蠔殼變tube dress,仲有青椒變燈籠褲,呢位IG叫groehrs嘅藝術家,真名叫Gretchen Röehrs,強在利用日常生活嘅蔬果、時物變成時裝,而且睇落真係型。早兩日慶祝美國同性婚姻合法,佢仲用唔同嘅蔬果做咗幅靚圖,好正,love wins!

Read more ›
【透明裙】時裝新拍法   挑空效果實景襯托

【透明裙】時裝新拍法 挑空效果實景襯托

有時影相同創作除咗靠手藝之外,創意同觸覺都好重要,好似呢位叫Shamekh Bluwi嘅藝術家,正職係建築師加時裝插畫師,佢嘅呢輯作品名副其實融入生活,因為佢筆下嘅女仔,每個條裙都係縷空,要靠背後嘅真實景物襯托出嚟,勁在每條裙都襯得好靚,甚至令人好想買返條著吓,如果呢啲圖案真係印得出甚至識得發光嘅話。

Read more ›

【亂派牛肉乾】周街亂泊車    裝置藝術品被抄牌

【亂派牛肉乾】周街亂泊車 裝置藝術品被抄牌

隨街亂泊車預咗要抄牌,香港或者外國都一樣,但如果架車係藝術品,擺喺街純粹係一個裝置藝術呢?答案係照抄!事發地點喺德國嘅Karlsruhe,藝術家Erwin Wurm將架紅色嘅平治貨車用佢最擅長嘅扭曲方法倚住牆擺放,架車後半部仲要彎曲晒,點睇都係一件藝術品,但居然照比警察抄牌。有人懷疑係藝術家自己專登放張牛肉乾上去增強效果,可惜暫時仲未知道真相,如果係真抄牌嘅話,罰款係咪Erwin自己比?

Read more ›
香港天空變畫紙      外國藝術家香港取材

香港天空變畫紙 外國藝術家香港取材

呢幾張唔係畫,而係香港嘅景色,不過係將香港嘅天空變成一幅畫,由外國藝術家Lamdieu Thomas製作,佢好鍾意影城市入面嘅天空,而且偏好後期加工,將藍天白雲變成畫紙,效果好靚好特別,香港、巴黎、紐約,全部都成為佢嘅靈感之一,每張都靚到極點,連我都唔係好信嗰幾張係香港。話時話,睇完先發覺每日趕返工趕收工趕覆WhatsApp,似乎好耐無抬起頭望過頭頂嘅天空。

Read more ›
一人一個IG推介    香蕉變馬屁股   猩猩變Headphone

一人一個IG推介 香蕉變馬屁股 猩猩變Headphone

IG除咗follow朋友,仲可以follow吓啲攝影師或者藝術家,最近我就好鍾意睇呢位Christoph Niemann,佢最鍾意用實物加插畫造成一幅幅好得意嘅作品,之前都有編輯介紹過,最近佢又有新作,用梳蕉變成馬pet pet、用headphone假扮猩猩鼻,仲有較剪、麵包都比佢隨手拎嚟玩,效果好正好神似,有興趣可以follow埋佢嘅IG,因為佢都幾勤力,經常有新作品發佈。

Read more ›
有片   奇人自製祈禱機械人   識跪拜雙手合十

有片 奇人自製祈禱機械人 識跪拜雙手合十

仲有一個星期先放復活節假,但係我已經進入放假mode嘞!咁復活節自然諗起耶穌同埋祈禱啦,外國有個藝術家Kal Spelletich整咗一大班識祈禱嘅機械人,有啲會屈膝跪拜,有啲識雙手合十,有啲仲識轉,嚟緊4月11日至5月23日會喺三藩市做展覽Intention Machines,佢仲放咗啲片上YouTube比大家睇,全部無頭著晒衫,媽呀,好恐怖呀!

Read more ›