Post Tagged with: "藝術家"

【相集】神級3D畫超立體 意大利藝術家靠雙手做道具
by / on 10/05/2017 at 7:16 am

【相集】神級3D畫超立體 意大利藝術家靠雙手做道具

好耐無介紹過3D畫,不過呢位意大利藝術家Alessandro Diddi嘅作品的確係勁嘅。所需工具只係一支筆再加少少想像力,有時會加自己對手或者一支水做道具。我最鐘意係金魚嗰張,入嚟有得睇多啲。

Read more ›

【圖集】超可愛「正方動物」系列    四四方方似《塊魂》
by / on 10/02/2017 at 11:12 am

【圖集】超可愛「正方動物」系列 四四方方似《塊魂》

唔知係咪玩得《塊魂》多,呢位印尼藝術家Aditya Aryanto好沉迷於立方體,仲整咗個相集系列,將不同嘅動物用Photoshop變成四四方方。好考功夫仲好花時間,受到佢加工嘅動物包括有狗仔、北極熊、長頸鹿、貓頭鷹、老虎、企鵝等等,效果超得意!

Read more ›
【多圖】超強剪紙藝術家Twitter大人氣 剪出幾何圖案
by / on 07/09/2016 at 7:14 am

【多圖】超強剪紙藝術家Twitter大人氣 剪出幾何圖案

印度剪紙藝術家Parth Kothekar嘅作品最近喺Twitter被熱傳,日本好多人讚嘆佢嘅手藝,佢強項係剪出3D立體幾何圖形,就好似我哋用緊電腦繪圖咁,拎上手效果超特別。入嚟仲有佢嘅其他作品睇,之前嘅短裙女孩系列都超正。

Read more ›
有片:超強!超像真!零起稿畫Harley Quinn!
by / on 13/08/2016 at 3:25 pm

有片:超強!超像真!零起稿畫Harley Quinn!

睇咗《Suicide Squad》未?我未睇但打算會睇,雖則身邊朋友對呢套戲有彈有讚,但就個個都話飾演Harley Quinn嘅Margot Robbie好正。而藝術家Jasmine Susak都好正正,佢拍咗條自畫Harley Quinn嘅短片,白紙一張由零到有,零起稿,零勾線,就咁直接邊畫邊上色,出嚟嘅效果好3D吓,非常像真。超強!除咗天才兩個字,諗唔到可以用乜形容佢。

Read more ›
【靚到似立體畫】超人氣食物藝術家 比卡超/龍貓/賤熊靚到唔捨得食
by / on 02/07/2016 at 11:50 am

【靚到似立體畫】超人氣食物藝術家 比卡超/龍貓/賤熊靚到唔捨得食

睇返資料,我哋3年前都介紹過呢位馬南西亞靚媽媽Samantha Lee,估唔到3年後,佢依然繼續整不同嘅靚菜式,而且越嚟越紅,而家IG已經有73萬followers。雖然無見好耐,但佢整嘅菜式依然好靚,靚到好似一幅幅立體畫咁。而且食材都繼續好健康,入嚟精選咗佢最近嘅作品,有比卡超、龍貓、賤熊、蝙蝠俠、Minions,全部都好正。

Read more ›
【藝術嘅嘢】現代人的悲哀 高質插畫睇人類問題
by / on 15/04/2016 at 7:11 am

【藝術嘅嘢】現代人的悲哀 高質插畫睇人類問題

現代人生活好壓迫,被手機操控、日日要減肥、食埋一大堆垃圾食物,又一齊焚燒地球,波蘭藝術家Igor Morski設計咗一系列插畫,剖析現代人嘅處境,靚得嚟又好有共鳴,仲有啲反思空間,藝術嘅嘢其實都唔係好難明嘅。

Read more ›

藝術家都要食飯 李志清賣畫無尷尬
by / on 12/04/2016 at 7:43 pm

藝術家都要食飯 李志清賣畫無尷尬

係囉,藝術家都要租屋食飯搭車交稅,買筆買紙都係錢,絕無不食人間煙火呢回事,所以李志清喺面書公開呼籲,邊個有心買佢大作,儘管出聲,大家有商有量。佢咁留言曰:「三國志,三英,朋友訂製!坦白說,找我索畫的朋友不少,要多得Facebook,不明白的是,賣畫買畫這個事情,都好像尶尶尬尬的,好像很不好意思,其實我們都是打開門接工作做生意,畫家都需要生活,買紙買墨,所以朋友們儘管開口來吧!這個題材也是比較多朋友喜歡的!」買畫啫,又何需尷尬呢?只要銀貨兩訖,童叟無欺,我睇唔出有乜問題。咁至於價錢咯喎,當然係私底下PM佢喇。

Read more ›
Post-it便條紙砌1:1劍   仲可以整手槍/手榴彈
by / on 17/01/2016 at 1:24 pm

Post-it便條紙砌1:1劍 仲可以整手槍/手榴彈

LEGO神人就成日聽,post-it都有神人?外國人好鍾意用post-it便條紙嚟創作,之前有辦公室將post-it當牆紙,喺牆上砌星戰公仔,效果好正。估唔到意大利藝術家Marco Ercoli仲神,居然用post-it嚟整成1:1嘅劍,好型。除咗整劍,仲有槍、手榴槍甚至1:1嘅車,全部都係用post-it整成,有無咁癲呀?

Read more ›
神級昆蟲藝術家 爛銅爛鐵變出超像真螳螂
by / on 27/12/2015 at 11:05 am

神級昆蟲藝術家 爛銅爛鐵變出超像真螳螂

好勁!呢位叫JK Brown、來自英國嘅神人,強項係用爛銅爛鐵砌成唔同嘅昆蟲或者動物,創意同精細程度都去到神級,由佢雙手創造嘅包括草蜢、螳螂、蝴蝶、蛇、青蛙都超像真,尤其是隻螳螂,像真到有啲恐怖。不過藝術家都要食飯,佢嘅所有作品可以喺網站Etsy買得到,而且唔平,鍾意昆蟲嘅可以入去shopping買份新年禮物比自己。

Read more ›
插畫諷刺Facebook奴隸    切「Like」當飯食 / LOGO變手銬
by / on 10/12/2015 at 7:15 am

插畫諷刺Facebook奴隸 切「Like」當飯食 / LOGO變手銬

呢位波蘭藝術家Sebastian Pytka嘅設計好正,透過作品諷刺Facebook、Star Wars、恐怖分子等議題,例如將Facebook LOGO變成手銬、用刀叉切「Like」當飯食,喺呢個人人呃Like嘅年代,大家睇落應該好有共鳴。另外病童手捧星戰嘅Death Star,仲有將平時鎖喺玻璃架入面嘅滅火筒變成手槍,諷刺恐怖分子肆虐嘅作品都好有heart,睇完得啖笑之外仲有反思位。

Read more ›
【不安慎入】超現實藝術家玩「變臉」 視覺效果勁震憾
by / on 02/12/2015 at 7:13 am

【不安慎入】超現實藝術家玩「變臉」 視覺效果勁震憾

喂呀想嚇死人咩?不過藝術嘅嘢,係要有啲超乎想像先至精彩。呢個超現實法國藝術家Matthieu Bourel嘅作品,最啱星期二返工恰眼瞓嘅時候睇,睇完即時精神晒。佢嘅強項係玩變臉,就算睇唔明都會覺得視覺效果好震憾,除咗改圖,佢仲有玩GIF,睇到眼花,有啲不安,但係勁嘅。都係嗰句,有密集恐懼症嘅慎入。

Read more ›

【新版怪獸公司】小朋友創作簡單「怪物」 100位藝術家出手重畫
by / on 07/11/2015 at 4:55 pm

【新版怪獸公司】小朋友創作簡單「怪物」 100位藝術家出手重畫

畫公仔唔靚唔緊要,最重要受歡迎有人賞識,到時就有人幫手重畫甚至製作動畫,你睇勁受歡迎嘅《一拳超人》就知。外國最近都有個企劃鼓勵小朋友唔好怕醜盡情創作,名為「Monster Project」,超過100個藝術家聯同鍾意畫畫嘅小朋友一齊合作,小朋友以「Monster怪物」為題創作,藝術家就根據小朋友嘅簡單圖畫畫成唔同風格嘅作品,藉呢個計劃鼓勵小朋友盡情創作,之後仲準備出書。而家個計劃喺Kickstarter實行緊,啲作品好正,小朋友想像出嚟嘅怪物無框框,特別得意。不如集齊埋拍套新嘅《怪獸公司》啦!

Read more ›
【人體奧妙】超現實肢體排列 寄生獸出沒注意
by / on 01/11/2015 at 5:05 pm

【人體奧妙】超現實肢體排列 寄生獸出沒注意

藝術嘅嘢唔係咁易明,呢輯相我睇到嘩嘩聲,有幾張仲睇到毛管楝,不過呢,都好有觀賞價值嘅。呢輯超現實作品出自只得24歲嘅西班牙藝術家Ángela Burón手筆,將人體四肢重新排列,有幾張仲好有《寄生獸》感覺,入去佢嘅flickr有更多作品,好重口味,但真心正。

Read more ›
神級19歲靚女藝術家 意粉變金髮/生菜變連身裙
by / on 15/10/2015 at 7:10 am

神級19歲靚女藝術家 意粉變金髮/生菜變連身裙

藝術天份真係唔係想要就有,好似呢位19歲嘅設計師Kristina Webb,年紀輕輕,但隨手拎起身邊嘅物件都可以創作出精彩作品。例如用意大利粉變成立體金髮美女嘅頭髮、生菜變連身裙、孔雀毛變露背裙,連啤牌角同木顏色筆碎都可以用嚟做創作靈感,完成品全部都好靚,而家佢嘅Instagram已經有超過170萬個Followers,最近仲出埋新書《Color Me Creative》,加上個樣幾靚女,仲唔係贏在起跑線?

Read more ›
【神人出動】30張Mario 30周年慶生圖集 置入30年間世界大事
by / on 15/09/2015 at 7:12 am

【神人出動】30張Mario 30周年慶生圖集 置入30年間世界大事

呢位巴西藝術家Butcher Billy嘅作品好正,之前都介紹過幾次,佢特別鐘意任天堂,之前試過將瑪利奧變punk友,宮本茂變瑪利奧,仲威到由官方親自邀請設計作品,前日撞正Mario誕生30周年,佢當然要露兩手贈慶,呢個「Super Mario Bros: 30 years of Pop Culture系列」將過去30年發生過嘅世界大事「孖寶兄弟化」,例如柏林圍牆倒下、解放者曼德拉以至最新嘅同性戀婚姻合法化彩虹標記嘅時刻,變成好有孖寶兄弟感覺嘅改圖,總共30張,真心講每張都好正,應該係送比Mario最好嘅生日禮物,唯一唔好嘅係啲圖好多雪花,睇到有啲眼花花。

Read more ›