Post Tagged with: "藝術家"

「殘破巴士」原來畫出嚟    大師級Graffiti藝術家IG爆紅
by / on 14/08/2019 at 7:54 am

「殘破巴士」原來畫出嚟 大師級Graffiti藝術家IG爆紅

超勁!最近呢位葡萄牙嘅Graffiti藝術家Sergio Odeith喺網上爆紅,佢嘅破爛巴士作品喺IG放咗1日已經有超過14萬like。佢將一個白色平平無奇嘅建築物,變成一架好有立體感嘅殘舊巴士,像真度令人難以置信。睇返佢之前嘅作品,佢擅長將廢置嘅建築改裝,其中巨型昆蟲係佢好鍾意用到嘅題材,好勁。每件完成品都好有立體感,入嚟有得回帶睇返佢嘅舊作,推介。

Read more ›

【相集】超高質街頭作品     瑞典藝術家專玩8bit夠幽默
by / on 05/06/2019 at 7:07 am

【相集】超高質街頭作品     瑞典藝術家專玩8bit夠幽默

瑞典藝術家Johan Karlgren嘅作品好高質,除咗經常用8bit風格之外,每個設計都好有心思,配合返現場場景,仲好有幽默感,入嚟有得睇,超高質,鍾意嘅記住follow埋佢IG。

Read more ›
【圖集】瑞典暗黑卡通人物作品集 超恐怖核突IG熱傳
by / on 04/06/2019 at 8:37 am

【圖集】瑞典暗黑卡通人物作品集 超恐怖核突IG熱傳

好正!瑞典藝術家Dennis Carlsson本身係一個紋身師傅,而佢業餘嘅興趣好黑暗,就係畫卡通人物嘅邪惡版!佢嘅作品恐怖程度爆晒燈,包括比卡超、龍貓、好敏感嘅Winnie The Pooh、海棉寶寶、米奇老鼠等等,核突程度係要打馬賽克嘅級數,入嚟有無碼版。

Read more ›
【相集】法國藝術家大型企劃 拍攝日本102位各行各業職員
by / on 16/04/2019 at 9:02 am

【相集】法國藝術家大型企劃 拍攝日本102位各行各業職員

好欣賞日本嘅職員,無論喺乜嘢崗位都好專業,駐日本嘅法國藝術家Frank Le Petit (K-Narf)喺2016年開始展開「Hatarakimono Project」,喺14個月內拍攝咗102個喺不同工作崗位嘅日本人,佢哋喺工作期間抽出幾分鐘,再喺旁邊臨時搭建嘅地方進行拍攝,早前K-Narf喺日本東京青山嘅agnesb galerie boutique展出作品,入嚟有得睇多啲,淨係睇吓日本唔同職業嘅人員嘅不同嘅制服都好精彩。另外K-Narf個網站設計得超有心思,推介大家入去睇吓。

Read more ›
日本神級「刺身藝術家」    超靚作品唔忍心食
by / on 28/02/2019 at 7:47 am

日本神級「刺身藝術家」 超靚作品唔忍心食

自從有咗社交網絡,食物嘅外型變得好重要,好唔好味反而係其次。日本食物藝術家mikyoui00擅長將刺身變成超靚嘅藝術品,由美女到動物到最近嘅8-bit瑪利奧都有,全部都係用魚生刺身製成,靚到極點,不過有網民就話食咗個美女似乎好殘忍‥‥‥

Read more ›
外國藝術家「超現實PS圖集」    真人配死物超詭異
by / on 06/07/2018 at 5:34 am

外國藝術家「超現實PS圖集」 真人配死物超詭異

外國藝術家Monica Carvalho嘅作品好正,正如佢自己所講,會令你忍唔住望完再望。佢擅長將真人同風景透過Photoshop融合,出嚟嘅效果好特別,例如人臉上面搭配樹林、肚上面有個沙灘、仲有切開咗嘅麵包手臂,超現實得嚟又好吸引,入嚟有回帶。

Read more ›

【圖集】法國街頭藝術家 斑馬線變《街霸》戰場
by / on 27/06/2018 at 7:16 am

【圖集】法國街頭藝術家 斑馬線變《街霸》戰場

外國嘅街頭塗鴉特別多,例如法國街頭藝術家OakOak嘅作品就好正,其中佢嘅斑馬線系列,就將街頭嘅斑馬線變成《街霸》嘅戰場,除咗阿龍出波動拳,仲有E.Honda、小飛俠、Donkey Kong,相信司機見到都會忍唔住笑出嚟。入嚟有大量佢嘅作品回帶,除咗斑馬線仲有其他街頭作品,又閃靈又李小龍,推介。

Read more ›
【圖集】巨喵襲地球構想圖    大戰哥斯拉突襲日本
by / on 03/05/2018 at 7:45 am

【圖集】巨喵襲地球構想圖 大戰哥斯拉突襲日本

有無諗過地球有一日俾喵星人襲擊?法國藝術家Frandsita Muafidin喺自己IG創作咗一系列嘅作品,將超巨型嘅喵融入現實環境之中。唔單止阻塞交通,仲同哥斯拉、超人大戰,不過效果一啲都唔恐佈,貓奴應該會好想走去瞓喺佢腳邊。

Read more ›
【新片速報】藝術家手繪超靚《龍貓》插畫 紀念初生嬰兒
by / on 31/01/2018 at 8:38 am

【新片速報】藝術家手繪超靚《龍貓》插畫 紀念初生嬰兒

宮崎駿嘅《龍貓》係好多人嘅童年回憶,德國呢位術家都係咁諗,而且佢仲會製造呢個回憶俾佢嘅小朋友。每次佢屋企有BB出世,佢都會畫一幅《龍貓》嘅畫作為禮物送俾呢位新成員。最新有呢段影片,由用鉛筆起草圖到上色,全程用縮時效果拍攝,完成品靚到好似劇照一樣,呢位新成員大個咗睇返都應該會覺得好開心。

Read more ›
【圖集】IG超人氣雞蛋藝術 白兵/食鬼乜都整到
by / on 28/12/2017 at 7:32 am

【圖集】IG超人氣雞蛋藝術 白兵/食鬼乜都整到

今朝早餐食咗啲咩?朝早起身可以食份煎蛋係好幸福嘅事,外國呢位食物藝術家Michele Baldini強項係將煎蛋變成藝術品,食鬼、白兵、蜘蛛以至麥當勞薯條都整得出,好強!不過朝早要預多好多時間先食到早餐喎,入嚟有得睇佢嘅作品。

Read more ›
超富貴LV版星戰角色 開價過萬大量作品售罄
by / on 22/12/2017 at 7:55 am

超富貴LV版星戰角色 開價過萬大量作品售罄

外國藝術家Gabriel Dishaw之前都介紹過,佢擅長整星戰主題嘅藝術品,今次呢個LV系列好正,主要用LV嘅行李包,再埋加電腦同埋機器嘅棄置零件、電線之類,重新組合成為星戰嘅角色,有齊白兵、黑武士、C3PO,全部都好精緻,配埋LV皮仲好富貴!佢嘅星戰LV作品喺網站有得賣,每個價錢大約美金$1500至$4000不等,不過大部份已經售罄。入去佢嘅網站有得睇晒全部作品,除咗LV系列仲有其他星戰作品,全部都好正。

Read more ›

【新片速報】法國沙灘木屋變《龍珠》神龍 街頭藝術家超強創作
by / on 17/12/2017 at 7:47 am

【新片速報】法國沙灘木屋變《龍珠》神龍 街頭藝術家超強創作

作為《龍珠》fans應該會好想親身去吓!法國街頭藝術家duo Blesea同Baby K自細好鍾意《龍珠》,最近佢哋將法國Réville沙灘嘅一間廢棄木屋重新噴過,變成《龍珠》入面嘅神龍!夠晒巨型仲要喺正岸邊,效果超型!入嚟有埋製作花絮片睇。

Read more ›
廢金屬變超巨型機械人 作品賣港幣20萬連運費
by / on 11/12/2017 at 7:34 am

廢金屬變超巨型機械人 作品賣港幣20萬連運費

呢位波蘭嘅藝術家Sebastian Kucharski好勁,佢嘅強項係將廢金屬變成超巨型機械人,佢自細已經好鍾意睇科幻電影,所以製作品大部份靈感都係來自電影。佢嘅作品喺Etsy有得買,不過連埋運費寄嚟香港閒閒哋都要15萬港幣左右,仲要屋企有位放先得。除咗巨型機械人,佢仲有製作Wall-E、STAR WARS嘅BB8、ATST Walker等,細件啲賣2百蚊至5千蚊港幣不等,入嚟有得睇。 參考返,呢隻重470kg高10.5呎嘅巨型機械人,售價係港幣$129,240,運費額外再加港幣$21,000。     資料來源:Etsy

Read more ›
日本喵星人藝術家 自創「野獸派」藝術品
by / on 09/08/2017 at 7:43 am

日本喵星人藝術家 自創「野獸派」藝術品

左圖同右圖有咩聯系?聰明嘅貓奴應該已經諗到嘞。有日本網民上載張呢兩張連環圖,卷嘢俾佢抓到成件藝術品咁,有網民形容係「野獸派」嘅風格,而位藝術家都係淡淡然唔關自己事咁,有性格。

Read more ›
【圖集】特朗普/金正恩變難民 敘利亞藝術家作品熱傳
by / on 23/06/2017 at 7:32 am

【圖集】特朗普/金正恩變難民 敘利亞藝術家作品熱傳

今時今日敘利亞依然有好多難民,為咗令世界各地嘅領袖更加關注呢個問題,同樣係敘利亞難民兼藝術家嘅Abdalla Al Omari創作咗呢輯震憾畫集,將各國領袖包括特朗普、普京、金正恩以至奧巴馬等等畫成難民,成功引起大家嘅注意。每張作品都好高質,最重要係平時絕無機會見到呢個場面。BTW,金仔背脊收埋啲咩?快啲拎返出嚟!

Read more ›