Post Tagged with: "藝術"

日本生蠔指甲藝術 極像真有埋啤酒配
by / on 19/07/2019 at 7:40 am

日本生蠔指甲藝術 極像真有埋啤酒配

而家啲Gel甲技術真係出神入化,有日本網民最近分享咗呢款生蠔指甲,像真度極高,其中一粒仲有埋蠔殼,靚唔靚就見仁見智,不過望住佢應該成日都想食蠔。樓主仲分享埋另一隻手嘅指甲,原來有杯啤酒,出街會唔會太浮誇?

Read more ›

【圖集】摺紙的藝術 超可愛樹人BB/死侍
by / on 21/06/2018 at 7:20 am

【圖集】摺紙的藝術 超可愛樹人BB/死侍

摺紙藝術唔係日本人嘅專利,外國呢個女仔Louise Cassidy都好鍾意,仲將唔同嘅動漫、電影角色融入佢嘅作品之中。最可愛又像真嘅有樹人Groot,另外仲有變咗cute版嘅死侍、日本嘅無臉男、星戰嘅白兵同尤達大師,佢仲係美劇《Games of Thrones》嘅fans,喺佢IG有大量Jon Snow嘅摺紙,入嚟有得睇同埋follow埋佢account。

Read more ›
【圖集】超正街頭藝術家 改裝街頭佈置創意無限
by / on 07/06/2018 at 7:44 am

【圖集】超正街頭藝術家 改裝街頭佈置創意無限

Tom Bob呢位街頭藝術家成日偷偷哋粉飾街道,作品好色彩繽紛,仲好有創意。佢嘅作品主要出現喺紐約,不過間中去旅行例如台灣、杜拜,佢都會留低少少大作,我最鍾意係Leia公主嗰張,超正!鍾意佢嘅作品可以follow埋佢IG。

Read more ›
【新片速報】日本超靚摺紙藝術   Twitter熱傳火速售罄
by / on 04/03/2018 at 12:42 pm

【新片速報】日本超靚摺紙藝術 Twitter熱傳火速售罄

日本人嘅設計真係靚到好癲,啱啱Twitter熱傳有呢段片,表面睇係兩張摺平咗嘅咭紙,不過其中一個弓起就會變成圓形球體,入面仲有個少女剪影,超靚!另一個打開係個齒輪,每個仲可以轉動,超勁!樓主問大家鍾意邊款多啲,我就兩款都好鍾意,記住入嚟睇埋段片,會忍唔主嘩嘩聲。價錢方面,每個賣2142円,可惜已經全部售罄。

Read more ›
調轉的藝術 日本學生美術作品Twitter熱傳
by / on 10/02/2018 at 1:07 pm

調轉的藝術 日本學生美術作品Twitter熱傳

有啲嘢調轉嚟擺原來效果可以咁得意。日本網民分享咗呢幾張圖,蒙羅麗莎名畫同解說張圖調轉咗,Uniqlo件衫同介紹牌又調轉埋,效果好特別。睇返原來係上次自製咗紙扇門日曆嗰位多摩美術大學學生嘅新作品,入嚟有回帶。

Read more ›
【圖集】IG超人氣雞蛋藝術 白兵/食鬼乜都整到
by / on 28/12/2017 at 7:32 am

【圖集】IG超人氣雞蛋藝術 白兵/食鬼乜都整到

今朝早餐食咗啲咩?朝早起身可以食份煎蛋係好幸福嘅事,外國呢位食物藝術家Michele Baldini強項係將煎蛋變成藝術品,食鬼、白兵、蜘蛛以至麥當勞薯條都整得出,好強!不過朝早要預多好多時間先食到早餐喎,入嚟有得睇佢嘅作品。

Read more ›

【圖集】超強街頭藝術創作 8bit遊戲角色隨街見
by / on 01/11/2017 at 7:37 am

【圖集】超強街頭藝術創作 8bit遊戲角色隨街見

街頭藝術香港政府一向唔識欣賞,喺外國就隨處可見。住喺瑞典嘅藝術家Johan Karlgren(Pappas Pärlor)好鍾意遊戲同動漫,於是喺街道創作咗好多8 bit圖案,由坑渠到水塘到後花園,都會見到佢嘅傑作,全部都好高質,入嚟有得慢慢睇。

Read more ›
滅火器變藝術作品   印尼機場創作Twitter熱傳
by / on 28/10/2017 at 11:59 am

滅火器變藝術作品 印尼機場創作Twitter熱傳

滅火器周街都見到,不過喺印尼嘅哈達國際機場,有藝術家就將佢變成作品。由潛水員到氣泵,全部都可愛,作品仲熱傳到日本!

Read more ›
日本傳統藝術糖果 超細緻雕功最緊要快
by / on 27/08/2017 at 11:35 am

日本傳統藝術糖果 超細緻雕功最緊要快

記得好耐以前香港都有啲街邊攤檔有伯伯用糖果整鸚鵡,氹到啲小朋友好開心。日本喺江戶年代開始都流行呢類手工藝品,「浅草飴細工」專門販賣呢啲精緻糖果,技師將90度熱溶嘅糖漿喺未凝固前幾分鐘雕出細緻嘅圖案,魚、八爪魚、龍‥‥‥全部都勁靚。喺淺草同晴空塔都有分店,下次見到可以買返件留念吓。

Read more ›
【有片】藝術嘅嘢 威尼斯現水中巨手
by / on 18/05/2017 at 4:41 pm

【有片】藝術嘅嘢 威尼斯現水中巨手

今次我識欣賞,因為真係覺得好有型好有迫力。呢個係2017年意大利Venice Art Biennale嘅作品,製作者係意大利藝術家Lorenzo Quinn。至於個作品名,就係「Support」,想大家留意多啲全球暖化嘅問題,啲水再升高啲,對手都見唔到喇!展期去到今年11月26日。

Read more ›
【連環圖】日本喵星人愛上藝術 想參觀美術館貓展覽
by / on 20/03/2017 at 7:13 am

【連環圖】日本喵星人愛上藝術 想參觀美術館貓展覽

喵星人都可以鍾意藝術嘅!最近廣島縣嘅「尾道市立美術館」搞咗個同貓有關嘅藝術展,加上地下又放咗幾隻黑貓擺設,吸引咗呢位肥肥哋嘅喵星人到訪。官方放咗呢幾張相上Twitter後好多人RT。BTW,話晒出入啲高級地方,喵星人你打返條呔著返對鞋好喎。

Read more ›

神乎其技!日本網民Paper Cut雕超複雜圖案!
by / on 24/06/2016 at 11:15 pm

神乎其技!日本網民Paper Cut雕超複雜圖案!

細個邊有錢買玩具?所以一本《龍虎門》可以玩到好盡,點盡法?睇完,用美術刀雕封面,依龍虎三皇嘅肌肉紋理、五官頭髮、花衫褲腳線條雕呀雕,開開心心又一日,當時雕功都唔錯架。不過點勁都好,都一定勁唔過呢位日本網民「mr_riu」,同樣係雕紙,佢只憑一把美術刀同一把間呎,就可以雕出複雜到齋望都覺得暈嘅幾何圖案同動漫角色,堪稱Paper Cut藝術。手辦眼見功夫啫!其實唔難,我知你實係咁講,咁我都費事同你講,自己睇佢Instagram啲相喇。算你有咁嘅技術,都未必有佢嘅眼水同心機呀。

Read more ›
初音藝術風 印象派好深奧 中秋登陸月球
by / on 27/09/2015 at 1:58 pm

初音藝術風 印象派好深奧 中秋登陸月球

呢位日本初音迷本身畫畫都好靚,最近佢就將藝術同佢最愛嘅初音結合,整咗4張唔同流派嘅初音畫,佢自己形容為印象主義、點描畫法、野獸派同表現主義,效果好特別,喺Twitter好多人狂RT。可能見反應好,佢又有新作,今日我哋過中秋,日本就有「十五夜」,同樣都係賞月,佢就創作咗幾幅初音賞月圖,仲登陸埋月球,嘩!

Read more ›
【咪心邪】裁剪相片的藝術    15張怪相好易亂諗
by / on 26/09/2015 at 1:33 pm

【咪心邪】裁剪相片的藝術 15張怪相好易亂諗

呢輯相好好睇,因為我哋經常都會心邪睇錯嘢,不過好多時其實係比人肯意誤導嘅。例如張相裁剪走咗重點,或者放大縮細某部份,就算好孩子睇到都會誤會啦。網上搜羅咗15張呢類型嘅相,睇完都有少少臉紅。

Read more ›
《Star Wars》高品味生活    法國藝術展覽粒粒巨星
by / on 21/09/2015 at 7:14 am

《Star Wars》高品味生活 法國藝術展覽粒粒巨星

星戰迷今年真係好唔得閒,又電影又game,仲有無限量嘅精品同展覽,如果荷包寬鬆嘅,可以喺10月10日起去法國走返轉,因為當地藝術館Galerie Sakura會搞過《Star Wars》展覽,搵咗35位出名嘅藝術家每人設計一件《Star Wars》藝術品,粒粒巨星,Combo、Sacha Goldberger、Vesa Lehtimäki都會出手玩,暫時睇相都覺得正,例如有加咗對天使翼嘅尤達大師、宮廷look嘅C-3PO、希臘雕塑咁款嘅白兵,仲有比路邊壆位kick跌嘅R2-D2,全部都勁正。另外佢哋仲搵咗13位設計師重新設計白兵嘅頭盔,之前大家都見唔少,個展覽直至下年1月15日,有錢歐遊嘅星戰迷記住去睇睇。

Read more ›