fbpx

Tag: 薯片

日本1:1薯片扭蛋 一式六款仲有經典蝦條

日本1:1薯片扭蛋 一式六款仲有經典蝦條

唔講唔覺,原來呢款T-ARTS出嘅薯片扭蛋已經嚟到第6彈!今次推出6個款式,照舊都係1:1呎吋嘅薯片一塊,今次仲有埋蝦條同埋沙律味薯條,我最想抽中係芝士味Pizza薯片,一粒粒芝士喺薯片面層,睇見都想食!

Read more ›

日本「平成年」最後一包薯片 賞味期限前食用

日本「平成年」最後一包薯片 賞味期限前食用

日本明仁天皇4月底引退,「平成」年號將會終結啦,咁湖池屋就唔放過呢個咁好嘅機會,推出咗呢款薯片「平成最後のポテトチップス 濃いめのり塩」,大大隻字標明賞味期限係「平成年4月30日」,背面仲有好多平成年代發生嘅大事,1月29日推出,全國Lawson便利店有售,每包165円,唔食都要買嚟儲吓或者做手信嘞。

Read more ›
【平嘢貴食】食薯片灑金箔      日本湖池屋奢華「金箔薯片」

【平嘢貴食】食薯片灑金箔 日本湖池屋奢華「金箔薯片」

食薯片都要落金箔咁囂張?日本專出薯片嘅「湖池屋」最近同金箔総合企業「箔一」合作,推出呢款有金箔嘅鹽味薯片,用嘅係金葉製成嘅金箔,普通包裝唔算貴,賣300円一包,而家日本嘅便利店同超市有得買。不過最勁係有貴價禮盒裝,一盒3包薯片再跟多3包金箔,可以好似霆鋒咁chok住灑金箔,諗起都好玩。不過價錢就貴啲,一盒2000円,但係100%日本產,有無興趣買嚟新年拜年送禮用?

Read more ›
【超想食】日本3倍厚度卡樂B薯片      史上最厚地區限定

【超想食】日本3倍厚度卡樂B薯片 史上最厚地區限定

齋睇相已經好想試!日本卡樂B宣佈正式推出呢款特厚薯片,係平時厚度嘅3倍!亦係卡樂B歷史上最厚嘅薯片,有鹽味同黑胡椒味兩款,11月12日推出,賣140円,不過最先只限信越地區(長野縣、新潟縣)限定。有留意Twitter都會發現佢哋由2月開始進行測試,好多人都大讚,而家終於正式推出,去開旅行見到記住買返包呀!

Read more ›
日本神人又出動     品客薯片筒變西裝男

日本神人又出動 品客薯片筒變西裝男

呢位日本神人之前都試過將朱古力紙盒變成一隻船,今次佢再挑戰自己,將一筒品客薯片改裝,變成一個著西裝、model身型嘅品客叔叔,效果超正!雖然個頭都仲係又圓又大。入嚟有多啲close up圖,同埋有得回帶睇返佢其他作品,推介。

Read more ›
日本品客薯片出拉麵 想試「洋蔥酸忌廉味撈麵」

日本品客薯片出拉麵 想試「洋蔥酸忌廉味撈麵」

以聯乘嚟講,今次都幾有創意。最近日本嘅品客同杯麵品牌ACECOOK合作推出「品客薯片杯麵」,聽個名都有啲震驚。味道方面,有最經典嘅洋蔥酸忌廉味,咁諗落呢個味道變成撈麵似乎都幾好味,想試!另一款麵係墨西哥辣椒洋蔥味嘅湯麵,湯底係雞湯嚟嘅,售價200円,10月15日起喺日本有得買。另外仲出咗兩款杯麵味嘅薯片,包括炒麵味同埋雞骨醬油湯麵味,10月23日發售,去開日本記住試吓!

Read more ›

日本卡樂B推出「納豆味薯片」 期間限定Lawson有售

日本卡樂B推出「納豆味薯片」 期間限定Lawson有售

有無人好怕食納豆?唔單止味道,連個質感都好怕。最近日本卡樂B推出咗呢款納豆味薯片,噚日開始喺Lawson有得買,絕對係繼芫茜味薯片之後另一個挑戰,去開日本嘅朋友記住買嚟挑戰吓!相信香港都會好快有嘞。

Read more ›
【新片速報】日本小妹妹偷食斷正    獨食薯片全程被偷拍

【新片速報】日本小妹妹偷食斷正 獨食薯片全程被偷拍

3歲定80,呢位小妹妹大個咗相信都會係咁為食架喇。日本Twitter最近熱傳呢段片,片中嘅小朋友扮晒睇電視,對腳仲冚住張被仔。不過原來被入面收埋咗包薯片!睇片見佢得閒攞兩嚿食吓,之後又收返埋,動作流暢,演技一流,臨尾仲扮撥頭髮,好明顯係慣犯。可惜全程已經俾人拍低咗,喂,有好嘢食要分埋俾其他小朋友架喎。

Read more ›
日本網民食薯片新方法     方便易拎Twitter熱傳

日本網民食薯片新方法 方便易拎Twitter熱傳

呢個日本網民分享嘅食薯片方法好值得參考!平時食薯片最怕要伸晒成隻手入個袋度,黐到成手都係薯片碎。將個袋摺成一半就唔同嘞,放喺枱面輕輕鬆鬆就可以隊晒成包薯片,爽!好啱星期六日試呀。

Read more ›
【有片】冇得賣自己整 日本專家教自製卡樂B「ピザポテト」

【有片】冇得賣自己整 日本專家教自製卡樂B「ピザポテト」

又係Pizza味薯片,呢隻日本將會暫時停產嘅「ピザポテト」。咁既然好快冇得賣,就算炒價入都治標唔治本啦,所以佢就拍埋片俾大家睇,教大家炸薯片,製作呢隻「ピザポテト」!

Read more ›
【整齊成咁】日本便利店超強整理術      網民:「咁整齊唔好意思買。」

【整齊成咁】日本便利店超強整理術 網民:「咁整齊唔好意思買。」

日本人嘅整理術有幾強?睇吓佢哋便利店擺薯片嘅層架就知。最近有網民放咗呢張相上Twitter,吸引勁多人討論。有人仲分享自己屋企附近便利店嘅層架圖,有Lawson有Family Mart,一樣整齊到癲。不過有眼利網民就發現原圖其實係3年前嘅舊圖,當時有人喺Family Mart影咗呢張相,之後仲有網站報導,估唔到而家仲有便利店維持呢種整潔度,不過當然唔係間間都得啦。BTW,有網民就話擺得咁整齊可能會降低購買意慾,因為啲客唔好意思整亂佢‥‥‥日本人果然係好有禮貌嘅民族。

Read more ›

$450得5塊 全球最貴薯片加松茸松露

$450得5塊 全球最貴薯片加松茸松露

真係尊貴,賣45.68歐元一盒,即係約$450港幣啦,而且個盒入面只係得5塊薯片!由瑞典啤酒廠St Erik製造,呢5塊薯片分別加咗「Matsutake mushroom」、「Truffle seaweed」、「Crown Dill﹞「Leksand onion」、「India Pale Ale Wort」嚟製作,威得好交關。不過一盒得5塊,仲要第一批只生產100盒,係咪要用刀叉食?我都係食番薯片叔出品算喇。

Read more ›
日本網民玩命變玩人 搵到10年前薯片成包食晒?

日本網民玩命變玩人 搵到10年前薯片成包食晒?

呢個喺2ch出現嘅post真係幾高質,首先,有網民影咗張圖,話搵到一包10年前前嘅薯片,而佢決定食咗佢!圖中嘅薯片好似變黑又發咗霉咁,而佢仲影埋相,真係放入口咬碎晒,仲食晒成包!有網民話以為係未開封嘅,但佢就話係已經開咗嘅,仲影埋自己成個垃圾崗嘅房出嚟,話啲薯片就係喺嗰度發現……當大家都想佢繼續更新健康狀況嘅時候,佢就講出震驚1兆億人嘅真相……

Read more ›
【唔食得】日本薯片1:1超像真扭蛋 1式8款波浪紋都有

【唔食得】日本薯片1:1超像真扭蛋 1式8款波浪紋都有

日本嘅扭蛋出名古怪,薯片扭蛋都算係其中一種嘞!之前Takara Tomy都同Calbee合作出過,最近エール又宣佈推出1式8款嘅薯片扭蛋,有鹽味、清湯味、紫菜味,連波浪紋薯片都有!而且1:1超像真,掛喺身得閒拎用嚟呃吓人都好玩。預計9月推出,每扭一次200円。我最想要都係波浪紋,因為睇落最好味。

Read more ›
掉轉再嚟 日本Namco夾獎品機 今次玩「薯片味可樂」

掉轉再嚟 日本Namco夾獎品機 今次玩「薯片味可樂」

之前上年12月推出過「可樂味薯片」嚟宣傳夾獎品機,仲喺日本街頭搵咗好多外國人試食,睇吓食唔食得出係咩味,大部份人都食到。嚟緊3月18日又有新嘢夾,今次就係「ポテトチップス味コーラ」薯片味可樂,真係好難想像到可樂點樣係薯片味呢?咁飲呢支可樂係咪即係唔駛送薯片?

Read more ›