fbpx

Tag: 薄餅

有片:當Pizza撞上Butt,好彈好彈!

有片:當Pizza撞上Butt,好彈好彈!

Slow motion短片係可以好無厘頭嘅,唔需要帶出乜嘢訊息,滿足到視覺效果就OK。正如呢次玩當Pizza撞上Butt,養眼度值十粒星,薄餅高速撞向靚女渾圓屁股,喺慢鏡頭下股肉好似漣漪咁起伏震動,隔住個Mon都Feel到有幾彈手,當真賞心悅目。為乜?使乜為乜啫,好睇咪得囉,我Loop咗三次喇。

Read more ›

霸氣嗌Pizza  按掣即call即食

霸氣嗌Pizza 按掣即call即食

何謂霸氣?我覺得呢種嗌pizza方式絕對稱得上係霸氣盡現。外國公司iStrategy Labs最近研發咗一項新科技,整咗粒掣放喺枱頭,按一按就會即時幫手打電話去Domino’s Pizza,肚餓時唔駛再打電話搵電腦,係咪型先?佢仲預設咗五款pizza,扭去1-5號任何一格再按掣就可以揀埋pizza款式,吹漲。我最鐘意都係佢個名,叫PiePal,擺明食PayPal字,入嚟有片睇示範。

Read more ›
C朗/李小龍變pizza  明星級廚師名人讚好

C朗/李小龍變pizza 明星級廚師名人讚好

打機食Pizza真係人生一大樂事,可惜今日只係星期一‥‥‥睇吓當食咗,英國廚師Domenico Crolla出名在於用名人嘜頭整pizza,李小龍、老佛爺Karl都有份,而且連球星C朗、Beyonce、Rihanna都回覆多謝佢個pizza,威到呢。所有pizza只係用最簡單嘅芝士同埋蕃茄醬整成,睇樣我覺得味道一般,不過像真度真係好高。

Read more ›
官方新片   Domino’s直昇機送Pizza    唔包送到

官方新片 Domino’s直昇機送Pizza 唔包送到

直升機送Pizza,會唔會串咗少少?Domino’s最近喺YouTube發放咗一條新片,直擊用遙控直升機DomiCopter(佢自己改嘅新名) 將兩盒pizza送到英國某戶人家,而又似乎真係成功送到,短片一星期已經有過百萬點擊。好喇,問題嚟嘞,咁個pizza到咗邊個去敲門?途中遇到曳爆嘅o靚仔撞爛架機再偷走件pizza點算?可能呢堆問題都未解決,所以呢個服務都未正式開始, 不過計我話,實在用途不大,條片根本係曲線宣傳,大家無須太認真。

Read more ›
Pizza Hut香水  只限facebook粉絲有得噴

Pizza Hut香水 只限facebook粉絲有得噴

星期五收工,天寒地凍,有咩好得過喺屋企嗌個Pizza開機打《人中之龍》?怕肥又掛住Pizza Hut陣香味,就可以諗吓買支Pizza Hut香水止癮。呢支香水「Eau de Pizza Hut」真有其事,由加拿大Pizza Hut一手炮製,聲稱噴咗陣味好似你打開盒Pizza咁香噴噴。我諗即係有啲辣肉腸加芝士加蕃茄加蘑菇嘅味啩。不過呢支香水只限送比之前like咗佢哋facebook呢個idea嘅粉絲,官方仲好搞笑咁安慰買唔倒嘅粉絲,可以訂返盒Pizza,打開都有一樣嘅香味,嬲到我呢。

Read more ›