Post Tagged with: "葉明發"

葉明發出Post割席 撐警圖不代表我
by / on 20/08/2019 at 2:33 pm

葉明發出Post割席 撐警圖不代表我

有啲席,一定要割,仲要割得有咁快得咁快。擒日面書專頁「動漫Bubble」出撐警圖,自稱代表「一班生於香港熱愛香港的漫畫家」,一眾有良知有公義懂是非明黑白嘅真正香港漫畫家紛紛聲討,今日葉明發率先出Post話:「『他』──不代表『我』」、「不同流合污,絕不被誣蔑」,並認真署名「真‧香港人──一個香港漫畫家葉明發」。無錯,啱就啱,錯就錯,涇渭要分明。葉明發兄,Salute!

Read more ›

有片:葉明發畫石黑龍賀2019年
by / on 31/12/2018 at 9:20 pm

有片:葉明發畫石黑龍賀2019年

睇高手畫畫,從來都係賞心樂事,葉明發畫興大發,新鮮滾熱辣剛剛喺面書掟咗條實時作畫短片,畫嘅係《龍虎門》三皇之一嘅石黑龍,仲順便留言補多句「Happy New Year」。Fine,大家大可當2019新年賀圖咁睇,如果可以送呢幅畫板畀我就好咯。

Read more ›
葉明發x《漫畫Buddy》推出月曆
by / on 27/12/2018 at 10:30 pm

葉明發x《漫畫Buddy》推出月曆

無錯係遲咗啲,但遲到好過無到,葉明發聯乘《漫畫Buddy》出2019座檯月曆,Size係14cm x 17cm,收錄10幅《漫畫Buddy》賀圖同兩幅全新作品,每個$78,限量100個,有買趁手。

Read more ›
網圖分享:葉明發為《漫畫Buddy》作者們畫賀圖(二)
by / on 18/12/2018 at 9:15 pm

網圖分享:葉明發為《漫畫Buddy》作者們畫賀圖(二)

呢排葉明發畫興大發,不停作畫,致《漫畫Buddy》第五期最後三位主筆嘅賀畫亦完成,絕不偏心,無一遺漏。唔只呀,佢仲登咗兩幅《西遊》賀圖、一幅華英雄、一幅人設,張張都係功力所在。畫多啲,畫多啲,我代廣大港漫迷講嘅。

Read more ›
網圖分享:葉明發為《漫畫Buddy》作者們畫賀圖
by / on 06/12/2018 at 9:30 am

網圖分享:葉明發為《漫畫Buddy》作者們畫賀圖

好熱鬧,氣氛著實唔錯,講緊係《漫畫Buddy》第五期,大抵葉明發都Feel到呢份熱血,所以賜賀圖。唔係一幅半幅喎,而係為作者們逐一畫賀圖,仲要幅幅都咁高質。無吹水,雖則唔係畫畀我,但我睇到有少少毛管戙,輕輕地,有啲感動。

Read more ›
機會來了!誰想成為葉明發入室弟子?
by / on 09/11/2018 at 9:00 pm

機會來了!誰想成為葉明發入室弟子?

葉明發手畫有幾掂,我諗唔使多介紹喇,佢開「專業實體漫畫班」同「iPad Pro-Apple Pencil專業電繪漫畫班」,各有八堂,觀塘上堂。唔知大家又有無興趣,成為佢入室弟子呢?

Read more ›

有片:激似!葉明發的隨筆Joker!
by / on 18/09/2018 at 9:30 pm

有片:激似!葉明發的隨筆Joker!

  無聊瀏覽面書,見到葉明發面書有以下留言:「第一次畫Joker,簡單隨筆都要半小時。」呢個Joker示範畫作,隨筆屬實,但一啲都唔簡單囉,畫得咁鬼死似,要畀咗手指公佢!

Read more ›
「獅子山羊」Tee不日推出
by / on 19/06/2018 at 9:45 pm

「獅子山羊」Tee不日推出

「獅子山羊」有精品就……快推出,Tee是也,阿傑多話暫時只印起小量,只會留俾自己同葉明發個女,如果質素無大問題就會正式量產同開訂。大家唔好心急,面相登咗相,有辦你睇可以止住咳先。我就覺得幾正嘞,個圖案好適合黑色Tee,唔知到時賣幾錢呢?

Read more ›
「獅子山羊」出Tee 出齊十二星座
by / on 22/05/2018 at 4:32 pm

「獅子山羊」出Tee 出齊十二星座

由阿傑多同葉明發扯頭纜嘅「獅子山羊」又有新點子,今次係出Tee,黑底,前幅有大大幅靚畫,後面有個小Logo,雖然講明「coming soon」,暫時只睇到嘅係相而非實物,但整體感覺係型嘅,絕對著得出街唔會嬲嗰隻。阿傑多透露如果搞得成,會出齊十二星座,一套十二件,又係值得珍藏喎,不過唔知賣幾錢呢?

Read more ›
面書專頁「獅子山羊」頭砲 阿傑多x葉明發開漫畫班
by / on 02/05/2018 at 3:28 pm

面書專頁「獅子山羊」頭砲 阿傑多x葉明發開漫畫班

大家Like咗由阿傑多同葉明發扯頭纜嘅面書專頁「獅子山羊」未?未就唔該快手支持吓。而創業第一砲呢,就係呢個「爆熱漫畫創作班」,保證「將整個漫畫製作過程完全教學」。學費?無言明。「爆熱」呀,你仲有無一顆投身或認識漫畫嘅爆熱之心?唔好咁多藉口,仲有嘅話,WhatsApp佢哋喇。

Read more ›
阿傑多x葉明發搞工作室 即Like面書專頁「獅子山羊」
by / on 28/04/2018 at 4:51 pm

阿傑多x葉明發搞工作室 即Like面書專頁「獅子山羊」

之前報導過阿傑多會同葉明發會搞甚麼《天戰.幻戰.超擊戰》,家陣有啲眉目嘞。話說兩位開咗個工作室兼面書專頁「獅子山羊」,嚟緊會專注製作漫畫、海報同遊戲人設,估計《天戰.幻戰.超擊戰》就係是次成立工作室重頭計劃之一嘞。佢哋仲透露遲啲會招收會員,搞漫畫課程同交流會等等。一切尚在開初階段,大家依家需要做嘅除咗係拭目以待外,就係即刻加佢哋面書,唔該。

Read more ›

葉明發x阿傑多《天戰.幻戰.超擊戰》係乜?
by / on 17/04/2018 at 9:00 am

葉明發x阿傑多《天戰.幻戰.超擊戰》係乜?

好一句「Coming soon」,真係好吊人胃口呀,講嘅係葉明發面書留言:「天戰.幻戰.超擊戰——IPMINGFATxAGITO 2018」,係得咁多個字架咋,葉明發聯乘阿傑多,究竟會出啲乜書呢?港漫已經買少見少,純個人意願,不過我相信都係好多港漫迷心聲,最好就出廿蚊薄裝啦,仲希望係長篇咁隻。拭目以待,加油呀。

Read more ›
葉明發幫拖《西遊》!美術主筆負責乜?
by / on 25/08/2017 at 9:00 am

葉明發幫拖《西遊》!美術主筆負責乜?

剛睇完今期《西遊》,無意中望到封底多咗個人名──葉明發!銜頭係「美術主筆」,原來佢畫完《嗱喳俠》後幫緊和仔大人手。不過睇番全期,感覺變動不大,或者心理作用,線條係密咗啲精細咗啲嘅,但人物面相同實景都無乜點轉變。真心Mode請教各位師兄,究竟美術主筆實際負責啲乜?Anyway,有葉明發呢位高手加盟,《西遊》質素一定越來越好,我話嘅。

Read more ›
葉明發x阿傑多《爆煉RX》 高水準之作
by / on 14/08/2017 at 10:00 pm

葉明發x阿傑多《爆煉RX》 高水準之作

葉明發喺面書發表咗新作《爆煉RX》,此故事仍係同阿傑多合作,總共十頁,零對白Bubble,零旁述,畫功細膩固然要讚,齋用畫面都講到如此充滿溫情嘅古仔,足見功力所在。最尾一頁有「My Hero」字眼,唔知有無諗多咗,關唔關嗱喳俠事?出新書?出新漫畫連載?出乜都好,拭目以待。

Read more ›
有獎問答遊戲 葉明發送《嗱喳俠》親筆畫
by / on 06/08/2017 at 10:00 am

有獎問答遊戲 葉明發送《嗱喳俠》親筆畫

唔廢話,想講你知有著數,葉明發送出《嗱喳俠》親筆畫三大幅,只要答啱問題即有機會中獎,問題係:「《嗱喳俠》結局篇最後一頁,出現咗幾多位野士Hero?」有買書嘅一定識得答,我都有買書,所以我知答案係……都係等大家自己諗喇。記住,截止日期8月8日23:59pm,中獎者要帶埋《嗱喳俠》去「野士創工」領獎,明白未?

Read more ›