Tag: 葉偉青

葉偉青+馬學偉11月開班 教黑白畫風

葉偉青+馬學偉11月開班 教黑白畫風

一藝雙傳,葉偉青同馬學偉11月又開班了,想拜佢哋為師請報名。不嬲覺得黑白畫風係好型的,有時間我都想學呀。

Read more ›

周五啟播 撐格子Podcast《漫畫家睇啲乜》

周五啟播 撐格子Podcast《漫畫家睇啲乜》

記得牛佬講過除咗《古惑仔》外就唔多睇其他漫畫,咁呢一輩漫畫家又睇唔睇嘅呢?如果睇,又睇邊類型漫畫多呢?想知,可以留意面書專頁「格子」即將推出嘅Podcast《漫畫家睇啲乜》。暫定連續四個禮拜五開Band,1月15日嘉賓有葉偉青、Jack Lee、Man僧;1月22日嘉賓有姚希麟、YANAI、周小某、柳廣成;1月29日嘉賓有草日、江記、黎達達榮;2月5日嘉賓有阿柱、肥佬、Walter from童創文化,請大家多多捧場。

Read more ›
索取港漫畫家簽名畫板加海洋明信片 手快有手慢無

索取港漫畫家簽名畫板加海洋明信片 手快有手慢無

喺馬來西亞舉辦嘅Comic Fiesta 2019圓滿結束,咁關香港動漫Fans乜事?都關架,事關鄺志德、曹志豪、葉偉青、謝森龍異、梁偉家同Nekori為是次交流活動,各自畫咗一幅簽名畫板,另加海洋出版社製作嘅明信片,依家統統都可以送畀大家。很想要吧?老例都係要幫手開心Share帖子、寫低點解想得到獎品嘅原因之類大路嘢,手快有手慢無,大家識做喇。

Read more ›
馬學偉+米奇+葉偉青+司徒劍僑開班 教特撮畫風

馬學偉+米奇+葉偉青+司徒劍僑開班 教特撮畫風

又開班嘞,今次重量級導師多咗一位,除馬學偉、米奇同葉偉青外,司徒劍僑都決定落場露兩手。而主題呢,就係「動漫‧特撮畫風聚」,大家有心學嘢嘅,快啲報名喇。

Read more ›
米奇+馬學偉+葉偉青開班 教特撮畫風

米奇+馬學偉+葉偉青開班 教特撮畫風

又有港漫人開畫班喇,今次導師有馬學偉、米奇同葉偉青,主題係「特撮畫風」,教畫風同上色技巧,此所謂「畫風聚,著色技」也。張宣傳海報都已經靚到啪啪聲,到時有真人教學肯定更精采,手痕未?手痕就PM佢哋喇。

Read more ›
葉偉青《香港重機》玩具化第一彈 廢箱重機+垃圾俠$800

葉偉青《香港重機》玩具化第一彈 廢箱重機+垃圾俠$800

有實物買喇!好精緻呀!啲舊化效果做得好正呀!葉偉青《香港重機》玩具化第一彈動漫節首賣,正式名稱叫廢箱重機+垃圾俠,20cm高,每盒盛惠$800。心心眼呀!好葡萄呀!葉偉青送咗一盒畀插畫家李香蘭呀!因為李香蘭生日呀。李香蘭生日快樂呀,我都好想有人送畀我做生日禮物呀,但我有排未生日呀。

Read more ›

Lego版葉偉青《香港重機》 貨車機械人可變身

Lego版葉偉青《香港重機》 貨車機械人可變身

且容我大大大大力地拍掌!真係佩服到五體投地!亦可喜葉偉青《香港重機》系列畫作可以受歡迎成咁。話說面書專頁「銀芽騎士團」釋出一輯相片,有高手依住葉偉青創作嘅貨車機械人,用Lego重新演縯一次。實體化已經夠難,仲要顏色襯得番,兼可以變身,再兼可以坐人,裡面真係坐咗個Lego Minifigure,問你服未?

Read more ›
葉偉青《香港感染‧旺角站2》8月1日見街

葉偉青《香港感染‧旺角站2》8月1日見街

  今年葉偉青真係好紅,又Figure喇,又畫集喇,又TinBox喇,仲有呢本《香港感染‧旺角站2》喺嚟緊8月1日正式見街,動漫節首賣,每本$48。老實呀,我驚過呢本漫畫爛尾架,計番,第一期都應該係足足一年前嘅事,依家知道有第二期,我係好好好開心嘅,拿拿臨攞番第一期出嚟翻煲先。

Read more ›
葉偉青《Robox Sketchbook》打孖買送畫版

葉偉青《Robox Sketchbook》打孖買送畫版

相信今年葉偉青推出《香港重機》後,會吸納更多Fans,其實唔只呢本係好嘢,之前漫道出版嘅機械人作品集《Robox Sketchbook》第一及二期都係極品。講明先,係舊書,不過今年書展「今日出版社」攤位有售,各原價$150,書展價$135;如果第一及二期套裝咁買呢,會送埋畫版,售$260。信我,係值得入手嘅。

Read more ›
葉偉青《香港重機》商品化 垃圾蟲+垃圾桶曝光

葉偉青《香港重機》商品化 垃圾蟲+垃圾桶曝光

記得6月中,葉偉青宣佈會出《香港重機》精品,家陣真身終於曝光喇。一如所料係垃圾蟲加四腳垃圾桶,聯乘單位叫Unknownz Creative,預計書展之後嘅2018動漫節推出,價錢未知,報告完畢。

Read more ›
葉偉青書展推出《香港重機》 每本$100必撐

葉偉青書展推出《香港重機》 每本$100必撐

Felix Ip土炮機械作品集《香港重機》,已列入我今年書展必買Item之一,「一群冠名『香港』二字的自家機械人,重裝登場」,隻隻機械人都有香港元素,睇落份外有親切感,亦不得不佩服Felix Ip嘅無限想像力。原價$128,書展價$100,大家識做啦。

Read more ›

Felix Ip《香港重機》 7月書展推出

Felix Ip《香港重機》 7月書展推出

仲記唔記得之前介紹過Felix Ip充滿香港元素嘅可變形機械人系列畫作?家陣又好消息,就係畫作將會輯錄成畫集《香港重機》,喺嚟緊7月推出。正喇喂,隔住Mon得個齋聞同拎上手睇完全係兩回事,逐頁揭逐頁慢慢欣賞先係王道嘛。建議Felix Ip將畫集出得大Size啲,賣貴啲都唔係問題,我話嘅。

Read more ›
漫畫版《今晚打喪屍》封面曝光 6月23日見街

漫畫版《今晚打喪屍》封面曝光 6月23日見街

千呼萬喚始出來,漫畫版《今晚打喪屍》封面曝光,主角揹住個高達盾牌背囊好鬼死型呀喂,余兒喺面書話:「葉Sir今次風格大變,一睇個封面就知有別於以往嘅香港漫畫。」又話:「……之前葉sir同小弟都講過,今次想搞一本唔太港漫嘅港漫,風格同包裝上要求變,但故事同對白就要本土。」對白係點未睇到,但封面用色同構圖係有啲驚喜嘅,感覺有啲似電影海報,而非一般港漫封面。一期完,《今晚打喪屍》場景設定喺油麻地,而非原著小說嘅旺角同富山村,但書中角色用番小說人物,獨立成漫畫睇一樣睇得明,每本$98,6月23日見街。不厭其煩講多次,請支持本土創作,呢一舊水,唔好慳。

Read more ›
葉偉青開首個機械人畫展 買原稿返屋企

葉偉青開首個機械人畫展 買原稿返屋企

大家有無撐葉偉青漫畫版《武道狂之詩》?有無買佢有強烈個人風格嘅大作《Robox Sketchbook》?Like佢畫風的話,依家有機會畀大家見見偶像兼影相簽名嘞。喺嚟緊「Toys Collector Market玩具收藏+販售展」,葉偉青會舉行個人機械人畫展,一連兩日駐場同讀者交流創作心得。鍾意嘅,臨場仲可以買埋佢嘅原稿返屋企,收益扣除成本會作慈善用途。

Read more ›

《今晚打喪屍》漫畫化 誰是主筆等余兒開估

拿,余兒呢個Post係11月3日出嘅,曰:「好耐無搞漫畫,今次有啲啲壓力,因為⋯⋯《今晚打喪屍》漫畫化決定!主筆犀利嘞,大家估下係邊個?」而我遲遲都唔報呢單News,係因為等開估,點知等到今日11月8日,余兒都仲未肯爆料邊個畫,有人估夏偉義,有人估牛佬,洪永仁、伍永新、白金龍、上官小明、葉偉青、胡紹權、甘小文、上官小寶、上官小威、黃水斌甚至連黃玉郎同馬榮成等等都有人估……余兒,究竟幾時開估?幾時出?乜形式推出?好期待。諗諗吓,一本純本土創作嘅小說先電影化再漫畫化,都咪話余兒唔叻仔,讚!

Read more ›