Post Tagged with: "萌"

牙醫診所都萌? 東京戶外廣告牌Twitter熱傳
by / on 17/12/2018 at 7:58 am

牙醫診所都萌? 東京戶外廣告牌Twitter熱傳

日本人一向「萬物皆可萌」,包括牙醫診所。最近喺東京荻窪車站附近出現呢個廣告牌,大家以為有新動畫上映,其實佢係一間牙醫診所嘅廣告。搵咗動畫《KILL la KILL》負責角色設計嘅人氣設計師sushio_石崎壽夫親自設計,難怪個角色熟口熟面。網民嘅留言都好正面,有人話最憎睇牙醫,不過睇完呢個廣告想去參觀吓;有人話由今日開始唔刷牙,等自己可以去吓呢間牙醫診所,係咪媒嚟架?

Read more ›

日本C93超可愛艦娘cosplay 小妹妹萌造型Twitter熱傳
by / on 02/01/2018 at 7:47 am

日本C93超可愛艦娘cosplay 小妹妹萌造型Twitter熱傳

今年C93嘅cosplayer好精彩,除咗大隻版大雄、超創意嘅COD封面、東武動物園企鵝「葡萄君」等等之外,其實仲有可愛類型嘅!好似呢對小妹妹就cosplay成艦娘,二人組合配合埋服裝表情,勁可愛。有人仲話好期待佢哋大個咗之後再嚟C93!

Read more ›
【有片】三重縣志摩市「非公認」萌女首條PV 小松未可子聲演
by / on 13/07/2017 at 7:57 pm

【有片】三重縣志摩市「非公認」萌女首條PV 小松未可子聲演

三重縣志摩市之前都已經有呢位非公認「萌えキャラ『碧志摩メグ』」,啱啱仲有第1彈動畫PV公開,女主角嘅聲優係小松未可子。

Read more ›
【連環圖】阿部寛都賣萌      可愛狗仔捐褲浪Twitter熱傳
by / on 07/02/2017 at 7:20 am

【連環圖】阿部寛都賣萌 可愛狗仔捐褲浪Twitter熱傳

阿部寛又高大又有男人味,好難同個「萌」字連上關係喎。不過噚日有網民就cap咗電視節目嘅圖上Twitter,將阿部寛極萌嘅一面顯露出嚟。當時阿部寛抱住一隻出世唔夠一個月嘅老虎狗仔,大大隻嘅阿部寛表現得好緊張,之後隻狗仔仲捐入佢嘅褲浪,阿部寛即刻捉返佢出嚟,仲忍唔住好開心咁笑咗出嚟。幾張連環圖喺Twitter好多人分享,講真真係幾可愛嘅,我指隻狗仔同阿部寛。

Read more ›
【新片速報】日本超可愛萌貓瞓膠盒     勉強塞入Twitter熱傳
by / on 28/12/2016 at 7:15 am

【新片速報】日本超可愛萌貓瞓膠盒 勉強塞入Twitter熱傳

呢隻日本喵星人之前都介紹過,成日賣萌嘅佢儲落唔少粉絲,趁聖誕節佢又派糧嘞,今次示範喺個透明膠盒入面瞓晏覺。睇佢伸縮自如,咁肥美嘅身形都勉強塞得入個膠箱入面,個頭仲托喺盒邊好寫意。單係呢個膠箱片,主人都用唔同角度同佢拍咗三段片,仲有聖誕賀年圖,入嚟有得睇。

Read more ›
日本網友熱傳 萌版《愛麗絲》著橫間長襪
by / on 14/12/2014 at 12:25 pm

日本網友熱傳 萌版《愛麗絲》著橫間長襪

最近翻睇添布頓套電影《愛麗絲夢遊仙境》,Mia Wasikowska做嘅愛麗斯似乎成熟咗啲,比我揀,我都係鐘意呢個萌版愛麗斯多啲。有日本網友@kasunoko喺Twitter最近舖咗呢幾張愛麗斯相出嚟,好多日本網民大讚呢個日本風嘅愛麗斯好正,換咗橫間長襪效果即時唔同晒。不過原來原作者並唔係日本人,而係菲藉嘅Kriss Sison,睇嚟佢應該睇好多日本漫畫。

Read more ›

十月十日「萌之日」 日本網民又要賀
by / on 10/10/2014 at 11:01 am

十月十日「萌之日」 日本網民又要賀

之前一直都冇留意,原來十月十日,咁樣砌係砌成一個萌字,所以今日除咗係台灣假期,仲係「萌之日」。日本網民例牌又放啲賀圖上Twitter,不過今次冇乜特別,反而覺得咁樣砌個字出嚟幾有意思。

Read more ›
萌化電器識傾計 Sharp推出妹妹吸塵機
by / on 26/03/2014 at 4:02 pm

萌化電器識傾計 Sharp推出妹妹吸塵機

Sharp呢部Cocorobo好多人都買咗,喺屋企自動周圍吸塵之餘,之前仲見過有喵星人坐喺上面周圍去,相當霸氣。不過都唔及呢個Sharp’s Cloud Labs研發嘅Premium版,呢個「プレミアムなCOCOROBO」係以「声優×漫画家×家電」為概念,搵嚟漫畫家霜月絹鯊(しもつき・きぬさ)畫出16歲漫畫造型,之後仲有16歲聲優木戶衣吹配音,等用家可以同佢傾計……官方仲搵咗人試用,唔知佢哋會同吸塵機妹妹講啲咩呢?

Read more ›
新片速報 西人製作萌動畫放YouTube 嚇親日本網民
by / on 29/01/2014 at 4:57 pm

新片速報 西人製作萌動畫放YouTube 嚇親日本網民

日本動漫文化近年都喺西方國家好流行,動漫Cosplay活動仲搞得好認真好高質素……但動畫方面……呢位西人就製作咗《Senpai Club!》第1集放咗上YouTube,咁甚麼都可以萌嘅日本就有網民睇到,佢哋好驚,但同時又好期待第2集……

Read more ›
日本滅蟲公司曱甴萌女變攬枕 B賞真曱甴大整蠱
by / on 28/12/2013 at 8:50 pm

日本滅蟲公司曱甴萌女變攬枕 B賞真曱甴大整蠱

日本萌化,任何嘢都可以變萌女,曱甴變萌女唔係咩新鮮事,不過呢位「黒羽いつき」就即將會推出埋攬枕俾用家抽獎,而且同其他攬枕一樣分為表裏兩邊,一邊係整齊制服,另一邊係……好喇,最抵死唔係呢樣,係佢呢個抽獎活動仲有B賞,係印咗真曱甴圖案嘅攬枕……點瞓?

Read more ›
新片速報 秋葉原限定 電鬚刨都賣萌
by / on 13/05/2013 at 3:37 pm

新片速報 秋葉原限定 電鬚刨都賣萌

人類已經阻止唔到日本人將任何嘢萌化。最新就係呢個Izumi出嘅「萌えパッケージシェーバー MOFR-V50」電鬚刨秋葉原限定版。賣7,000円、6月1日開賣、限定600個都唔係最大賣點,最勁係佢製作咗個超萌動畫角色「松本イズミ」,仲拍咗條宣傳片,我以後剃鬚都會好high喇咁。

Read more ›

超萌壽司貓   iPhone/Andriod免費下載
by / on 03/05/2013 at 11:45 am

超萌壽司貓 iPhone/Andriod免費下載

平時放喺壽司上面啲魚呢?唔通比啲貓食晒?貓壽司呢件事本身好殘忍,但呢幾幅圖又真係好得意。呢堆貓壽司由日本公司Tange & Nakimushi Peanuts製作,當然唔食得,但可以買佢嘅印刷品,佢哋仲出咗個免費apps,iPhone、Android都有份,雖然全日文,但見倒呢堆極萌嘅貓貓,心情靚晒。

Read more ›
五顏六色萌到出汁,女你必Like啦。
by / on 13/03/2013 at 8:00 am

免費手機新Game:Kitty泡泡戰

呢排Game Center有好多Hello Kitty遊戲,仲要個個FOC,如果你係標準Kitty迷,咁「Bubble Lover Hello Kitty Edition」一定無走雞,下載都嚟唔切啦。

Read more ›
收到呢張結婚證書,港女一定開心死。
by / on 09/03/2013 at 6:01 pm

萌爆結婚證書

有時真係好佩服日本仔,幾平平無奇嘅嘢,佢哋都可以獻新猷,今次連結婚證書都大玩花臣,一紙婚書再非白紙黑字咁簡單,而係要幾萌有幾萌。

Read more ›
日本新興收費約會 「萌えデート」5粒鐘19,500円
by / on 13/11/2012 at 10:45 am

日本新興收費約會 「萌えデート」5粒鐘19,500円

19,500円,有5個鐘告別寂寞嘅時間,其實唔貴。想慳啲咩?13,550円,3粒鐘。你可能會問,呢啲咪即係援交?錯喇!呢個名叫「萌えデート(Moé Date)」嘅「萌約」,好pure好ture,你可以事先講明想去嘅地方,包括餐廳、卡拉OK或者遊戲機舖,但就唔可以去酒店或者你屋企。呢間公司係嚴禁旗下囡囡同客人有性交易嘅。咁可以做啲咩?行街食飯睇戲,有日本網站派員親身試過,囡囡仲會餵你食嘢,好sweet,夠喇!我滿足喇!留意,官網仲有大量囡囡相你揀,當然,有啲令你心跳,有啲令你呼叫。

Read more ›