fbpx

Tag: 菲律賓

菲律賓快餐店推出LEGO漢堡     4色漢堡仲有雪糕

菲律賓快餐店推出LEGO漢堡 4色漢堡仲有雪糕

鍾意食漢堡,又鍾意玩LEGO,不過無諗過佢哋可以溝埋一齊做LEGO漢堡。呢個LEGO形狀嘅漢堡包嚟自菲律賓快餐店Brick Burger,佢哋自創咗呢款四格LEGO麵包,仲有黃、黑、橙同紅四隻色,入面分別夾住漢堡扒、牛肉、蘑菇同不同醬汁。最近佢哋仲出埋杯裝Oreo雪糕,入面有LEGO朱古力,仲有個唔知食唔食得落肚嘅LEGO人仔。LEGO fans有無興趣試吓?

Read more ›

【超想食】KFC炸雞pizza     炸雞上舖滿芝士辣肉腸

【超想食】KFC炸雞pizza 炸雞上舖滿芝士辣肉腸

堅想食!啱啱睇到KFC呢款叫CHIZZA嘅新食品,底部一塊炸雞,上面舖滿辣肉腸、菠蘿、青椒同半融嘅芝士,勁邪惡!可惜暫時只限菲律賓嘅KFC先有,而我相信自己短期內都唔會去菲律賓旅行‥‥‥據聞澳洲遲啲都有,香港都有個叫「拿坡里 Pizza 脆雞」嘅新產品,不過睇落啲醬料得好少,唔夠呢款咁似pizza咁霸氣喎。BTW,條廣告片喺KFC嘅菲律賓YouTube頻道見到,廣告嘅男主角又彈結他又唱歌,仲好多囡圍住佢,係咪好紅架?

Read more ›
神級男人化乜似乜     扮《格雷》Anastasia/《冰雪》Elsa

神級男人化乜似乜 扮《格雷》Anastasia/《冰雪》Elsa

好勁!呢個菲律賓電視主持Paolo Ballesteros真身係一個男人,但係居然可以化妝成唔同嘅女明星,由近期好紅嘅《格雷的五十道色戒》嘅Anastasia Batungbakal,到啱啱拎咗奧斯卡最佳女主角嘅Julianne Moore,以至性感厚唇嘅Angelina Jolie同埋唔存在於現實世界《Frozen》嘅Elsa都有份,雖然厚妝,但的確有7、8成相似!作為女星,有個男人扮自己,仲要咁似,唔知會唔會有啲傷心呢?

Read more ›
春季特別版!?菲律賓高瘦平Gundam玩轉色

春季特別版!?菲律賓高瘦平Gundam玩轉色

即係你台場隻正版耐不耐都玩吓新嘢,不過最多都係加啲投影,俾人捐吓兩腿之間咁……嗱,呢隻之前都報道過、喺菲律賓嘅高瘦平Gundam RX-78就大膽好多突破好多喇,佢近日竟然玩變色,呢隻咪泰坦版?不過,其實係咪因為見多人報道,驚俾人告所以轉色呢。

Read more ›
日本網友熱傳 萌版《愛麗絲》著橫間長襪

日本網友熱傳 萌版《愛麗絲》著橫間長襪

最近翻睇添布頓套電影《愛麗絲夢遊仙境》,Mia Wasikowska做嘅愛麗斯似乎成熟咗啲,比我揀,我都係鐘意呢個萌版愛麗斯多啲。有日本網友@kasunoko喺Twitter最近舖咗呢幾張愛麗斯相出嚟,好多日本網民大讚呢個日本風嘅愛麗斯好正,換咗橫間長襪效果即時唔同晒。不過原來原作者並唔係日本人,而係菲藉嘅Kriss Sison,睇嚟佢應該睇好多日本漫畫。

Read more ›
有片   菲律賓大蛇按摩    動物園先餵雞肉無意外?

有片 菲律賓大蛇按摩 動物園先餵雞肉無意外?

菲律賓真係一個千奇百趣嘅國家,最近當地一個動物園Cebu City Zoo推出大蛇按摩服務,按摩師傅係4條緬甸大蟒蛇,每條長度6米,總重量達到250公斤!每次按摩前動物園會先餵佢哋食雞肉,等佢食飽啲唔會餓得滯食人肉發生「意外」‥‥‥不過「意外」嘅嘢喺菲律賓經常發生,我哋香港人大把經驗,唔會再信你o架嘞。

Read more ›

有片   菲律賓講衞生    洗手液鬧鐘提示

有片 菲律賓講衞生 洗手液鬧鐘提示

菲律賓政府遲來的歉意真係好遲,拖足三年,老實講有得揀我都唔會去當地旅行。不過如果你咁啱去公幹或者玩嘅話,可以留意吓當地廁所有無裝呢個洗手液鬧鐘。菲律賓可能好多人去完廁所唔洗手,最近當地P&G旗下品牌Safeguard出咗個識響鬧嘅洗手液機 Safeguard Germ Alarm,仲好受歡迎。每當有人去完廁所出嚟,部機就會又叫又閃,直至有人用手撳洗手液出嚟先會停。呢個裝置而家喺當地好多公廁都裝咗,部份麥當勞都有裝。不過要開廁所門先感應到,咁男士小便咪無用囉?

Read more ›
瘋狂假面   整容漂白變Superman   16年狂整19次

瘋狂假面 整容漂白變Superman 16年狂整19次

女人去韓國整容聽得多,不過堂堂大男人,走去同醫生講:「我想整到Superman咁。」真係要相當大嘅勇氣 。呢個菲律賓男仔Filipino Herbert Chavez 5歲開始迷上電視上嘅Superman,35歲終於完成變身,將自己徹底改造成飾演超人嘅明星Clark Kent,手術包 括漂白膚色、隆鼻整下巴等等,總共用咗16年,做咗19次手術!好彩手術費全免,因為醫院決定用佢嚟做生招牌,佢亦樂此不疲著上最愛嘅超人服飾落力宣傳。睇見佢嘅蝦餃下巴,我淨係覺得好心寒。

Read more ›
有片   美人魚訓練班   學擺尾整Bubble Ring

有片 美人魚訓練班 學擺尾整Bubble Ring

喺我心目中,成日幻想自己係美人魚嘅女仔,同有公主病無乜分別,我認我偏激,如果有朋友參加呢個美人魚訓練班,我一定會鬧醒佢。呢間位於馬尼拉,名為「Philippine Mermaid Swimming Academy」嘅美人魚學院,每堂兩個鐘收費港幣$450左右,學啲乜?例如學吓點樣好似美人魚咁擺吓條尾就游倒水唔會浸親、學海豚咁喺水中吐泡泡整Bubble ring,入嚟有片睇,見倒一大班bikini女士上堂嘅畫面,我覺得好詭異。至於怕水嘅小朋友,佢哋一樣會提供美人魚服飾比你齋影相用,睇完我只可以講,菲律賓人真係好叻搵錢。

Read more ›