Tag: 華英雄

網圖分享:鄭伊健版華英雄

網圖分享:鄭伊健版華英雄

鄺志德加袁家寶推出《新著中華英雄》,港漫界瞬即掀起一股英雄熱。面書朋友仔Chang Chin Lim都來湊熱鬧,畫咗幅鄭伊健版華英雄。我覺得著實錯,值得畀讚。

Read more ›

《新著中華英雄》創刊 配《天星孤星》歌詞回顧華英雄一生

《新著中華英雄》創刊 配《天星孤星》歌詞回顧華英雄一生

隔咗咁多日先出呢個Post,應該唔怕俾人話劇透。撇除嗰個為人詬病唔知點解要二斬一封面,我覺得《新著中華英雄》創刊號係唔錯嘅,尤其鍾意袁家寶用頭幾頁粗略交代華英雄一生,配埋《天星孤星》歌詞,一路睇一路好似有聲飄出嚟咁,昔日美好回憶返晒來。總括嚟講,人物面相細緻、實境算做足、旁白對白恰到好處,劇情推進明快,第一期已經出赤劍,第一期已經斬殺萬老爺,整體感覺係睇得好爽皮嘅,其實老讀者如我咪就係需要呢啲嘢囉,平平實實已經足夠,情懷不會倒退吖嘛。真心Mode,希望呢本公仔書可以成功,企得穩陣腳。袁家寶,加油。

Read more ›
《新著中華英雄》宣傳圖二 捽走赤劍Key入華英雄

《新著中華英雄》宣傳圖二 捽走赤劍Key入華英雄

喺今期第1117期《新著龍虎門》書末,鄺志德出咗第二幅《新著中華英雄》宣傳圖了,比起第一幅齋得把赤劍,今次有大大個華英雄現身,仲打出無量神掌一招「大海無量」,氣勢當堂唔同晒,我就覺得著實唔錯嘞。不過呢,明眼人一睇就睇得出,兩幅宣傳圖個大海背景同岩石係一模一樣嘅,即係Key圖囉,略嫌慳水慳力咗啲囉。

Read more ›
《新著中華英雄》10月出版 宣傳圖得把赤劍?

《新著中華英雄》10月出版 宣傳圖得把赤劍?

好了,落實了,今期第1116期《新著龍虎門》出咗正式宣傳圖了,鄺志德亦喺專欄「主編話」透露書名:「團隊新作品《新著中華英雄》,已經開始得如火如荼,工作會議暫時非常順利,暫定10月出版,敬請各位讀友們繼續支持!」我會支持,真心希望可以畫一本出色作品畀大家睇吓喇,要加油呀。另,就呢幅宣傳圖,我朋友咁話:「係咪點都要畫吓華英雄呀?就咁畫把赤劍算數?好求其囉。」我不苟同,下下畫主角邊有癮,赤劍亦屬《中華英雄》Icon,畫赤劍無問題,問題係圖係黑白圖,啲線又多又亂,根本突出唔到把劍,赤劍加番紅色會唔會搶眼啲? 再另,就住上期《新著龍虎門》封面將「火雲七式:火蛇吐信」誤植字為「雷電神腿:火蛇吐信」一事,今期書末重新刊登一次修正圖,不過得罪講句,有啲多餘喎,用文字交代Say個Sorry咪得囉,事關修正圖足足霸咗珍貴的一大頁,留番嚟出多一頁內文好過喇。

Read more ›
網圖分享:張家朗vs華英雄

網圖分享:張家朗vs華英雄

咁都諗得到?佩服!無估錯面書朋友仔Ricky Cheng應該係《中華英雄》迷,佢畫咗幅香港劍神張家朗對戰華英雄,啲劍花畫得好靚呀。春霧迷濛、夏雨點點、秋風捲葉、冬寒刺骨、四季不休,唔知華英雄係咪用緊「四季劍法」呢?又唔知張家朗用緊邊招拆呢?

Read more ›
Kaiju One懷舊風搪膠公仔 華英雄+王風雷+金羅漢+王小虎登場

Kaiju One懷舊風搪膠公仔 華英雄+王風雷+金羅漢+王小虎登場

Kaiju One年尾有好多搞作喎,原來唔只王小龍,另有附黑髪頭部同赤劍等部件嘅天煞孤星華英雄、透明藍紅二色身體嘅冰火五重天王風雷、終極金鐘罩版本金羅漢、附手臂同寶劍嘅紅背心版王小虎都輪流登場,各$580。我四隻都想要,點算?有無人送畀我?

Read more ›

網圖分享:葉明發畫華英雄

網圖分享:葉明發畫華英雄

葉明發畫興大發,作畫兩幅,一幅係送畀朋友嘅畫板,一幅係掟上網公諸同好嘅手痕之作,兩幅都係畫華英雄。一句講晒,很高質,我很想要。

Read more ›
Kaiju One出青年神掌版華英雄Figure

Kaiju One出青年神掌版華英雄Figure

Kaiju One有新貨出,今次有青年神掌版華英雄Figure,頭髮呀、比例呀、姿勢呀、衣飾用色呀等等都無問題,係附送嘅雙眼版本頭顱反而怪怪哋,或者係因為雙眼擘得太大,搞到好似有啲娘娘腔咁,都係戴番眼罩英氣啲。Anyway,當買番個美好回憶都唔錯,如無意外我會入手,每隻$580。

Read more ›
Kaiju One x 梁瑋豪 華英雄Figure今年春推出

Kaiju One x 梁瑋豪 華英雄Figure今年春推出

Kaiju One聯乘梁瑋豪續有新作出,今次係……燈燈燈凳,受盡港漫迷愛戴嘅天煞孤星華英雄呀喂。有關方面剛釋出Figure最後造型監修圖,暫時所見有兩個版本,一,摺起衫袖挺起胸膛Look;二,著短袖衫出無量神掌Look。唔知你鍾意邊個?我鍾意出無量神掌嗰個,有動感啲嘛。補番句,不日推出,一定會推出,預計2020年春推出,大家再畀少少耐性喇。

Read more ›
Kaiju One x 梁瑋豪華英雄Figure 不日推出

Kaiju One x 梁瑋豪華英雄Figure 不日推出

「你命犯天煞孤星,無伴終老,孤獨一生……」無錯,終於輪到《中華英雄》主角華英雄出場喇,Kaiju One繼續同梁瑋豪合作,不日推出華英雄Figure,大家係咪好期待?我係,我很想要。

Read more ›

網圖分享:木頭上的風雲/馬Sir/華英雄 崔成安贈畫馬榮成

心心眼呀!我好想要呀!話說馬榮成喺面書留言曰:「插畫家崔成安夫婦在加拿大一年一度回來旅行休息。他們還送我一個親手繪製,用木去畫的畫板給我。相當之珍貴。另外,他的學生Steven亦是我作品的擁躉,他也親自做了一個給我。他工作時間足足用了一個星期才完成的作品,相當之有心。」華英雄、聶風、步驚雲同馬榮成線條畫得咁細緻,直頭係見得街嘅公仔書內文質素,木製畫板究竟有乜難度呢?用乜嘢筆畫嘅呢?使唔使起鉛筆稿呢?如果要,又點起呢?好想知!

Read more ›

華英雄+阿狗+立花正仁+鐵縱橫 ACG聯乘Figure陸逐有來

如果你係死忠港漫迷的話,一定要巡巡動漫節ACG TOYS攤位,事關該公司繼續聯乘各大港漫角色,而華英雄、阿狗、立花正仁同鐵縱橫已經入晒飾櫃,有辦你睇。記住,是次展出嘅只不過係「商討中」、「待定」、「審批中」嘅未完成品,未完成品已經咁靚,成品有幾精雕細琢可想而知。暫時,我就最Like阿狗Figure,碌砲夠大碌,好有型呀喂。

Read more ›

瓊天又唔使死 肥良接手《新著中華英雄》

講狠,始終係牛佬夠狠,《古惑仔》福田一役夠膽整死八大角色;鄺彬強本《新著中華英雄》呢,第一輯剛剛完結,結局一如所料,瓊天又係唔使死,期望由肥良揸旗嘅第二輯,會有更精彩故事啦。

Read more ›

《新著中華英雄2013》金屬卡封面 拉頁3D效果

講呢期漫畫界,最出位一定係大渡出版有限公司,開山作《新著中華英雄2013》期期都玩唔同花臣,今期第五期玩金屬卡封面特別版,暗紅色型到爆核,正!

Read more ›

《新著中華英雄2013》 凹凸紋封面宣紙跨頁

先投訴,家住油塘,落埋觀塘,都搵唔到甚麼夜光膠片特別版《新著中華英雄2013》第三期,我又唔信一日賣清光呀,一心想睇點夜光法架嘛,家陣算點先?

Read more ›