有片:華弟「Game樣」升呢!向李斯特城致敬!

李斯特城奪英超冠軍,證明咗有錢唔係大晒、名牌唔係玩晒、豪門唔係威晒。點解咁多非李城球迷都咁開心,因為……老土啲都係咁講,呢班波證明咗「只要肯堅持,夢想可成真」呢個老掉大牙嘅硬道理。YouTube頻道「CapTV擷電視」製作咗短片《My name is Jamie Vardy》向李城致敬,短片開首第一句就係「大家好,我叫華弟……」之後交代佢點樣由非聯賽踢到上頂級聯賽,仲自嘲「Game樣」越來越畫得似。總括嚟講,成條片拍得好熱血,Edit得好好,配音位人兄無鳩嗌,但VO寫得實在太好,應記一功。睇完,我好滾動,唔知你又點睇?

Read more ›