好高質！呢款蜜糖樽由莫斯科設計總監Maksim Arbuzov操刀，用咗蜂巢經典嘅六角造型，靚到好似香水樽，仲可以叠埋一齊變成蜂巢，細心留意，底部仲有個突起嘅六角形，超靚超細心！

香港今日開始回暖嘞，不過日本福井縣就落緊大雪，唔好忘記嘅仲有戰鬥民族俄羅斯，莫斯科而家負17度，降雪量仲破咗近60年嘅紀錄！不過攝影師Кристина Макеева就趁呢個機會影咗好多靚相，雪景再配埋宮廷古堡式嘅建築，效果超靚！仲有個靚女model唔怕凍一齊影，入嚟有得睇。

可以移動嘅傢俬之前都介紹過，其實好啱寸金呎土嘅香港地。今次介紹嘅係莫斯科建設公司Ruetemple嘅設計，張床可以分成兩半，平時當梳化用，瞓覺時就將佢二合為一變成一張床，夠晒實用。而且慳返張床位，唯一唔好嘅地方，就係有朋友上嚟都要坐你張床，床單要換得密啲。