Post Tagged with: "荷蘭"

【新片速報】荷蘭聰明手機充電站 發電靠盪鞦韆
by / on 27/06/2019 at 7:55 am

【新片速報】荷蘭聰明手機充電站 發電靠盪鞦韆

用者自付,好合理吖。位於荷蘭烏特勒支嘅車站就有呢個手機叉電站,不過要發電就要靠自己盪鞦韆,現場玩嘅似乎都係小朋友居多,係時候叫自己嘅仔女出一份力嘞!

Read more ›

【日本網民分享】Miffy酒店Lobby圖    大量倒吊Miffy超可愛
by / on 19/04/2019 at 11:16 am

【日本網民分享】Miffy酒店Lobby圖 大量倒吊Miffy超可愛

復活節連放幾日假有無去旅行?日本有網民早前去咗Miffy嘅「家鄉」荷蘭旅行,仲分享咗幾張酒店lobby相,喺Twitter好多人RT。睇相見到大堂天花板掛滿Miffy燈,仲要全部係倒吊,震憾得嚟又好可愛!翻查資料,呢間酒店應該係荷蘭青年旅館Stayokay同Miffy Museum合作嘅主題旅館,入面其中一間4人客房以Miffy做主題,而大堂亦擺放咗大量Miffy燈,住完仲可以去附近嘅Miffy Museum參觀,鍾意Miffy嘅朋友係時候計劃下荷蘭之旅嘞。

Read more ›
【聰明】單車扮電視盒 荷蘭公司減80%送貨損壞率
by / on 26/01/2019 at 2:19 pm

【聰明】單車扮電視盒 荷蘭公司減80%送貨損壞率

大家都知送貨就算貼晒「易碎」、「小心輕放」,件貨都係好易喺運送途中損毁。荷蘭單車公司VanMoof啲單車每架賣美金$3000,佢哋就諗到個方法減低運送損壞率,就係將個紙箱改成電視機嘅設計,令送貨嘅人以為入面係一部電視,果然,用咗呢個方法後送貨損壞率急降80%。不過老闆其實唔想將呢個方法講出嚟,因為越多人學就會越嚟越無效用,不過有記者訂完佢哋嘅貨品後將件事放咗上網,好似佢所講,希望FedEx睇唔到啦。

Read more ›
荷蘭攝影師「東京寫真」 捕捉渋谷街頭靚景
by / on 17/07/2017 at 7:14 am

荷蘭攝影師「東京寫真」 捕捉渋谷街頭靚景

東京大家去過好多次,亦都影過好多靚相,不過出自專業攝影師雙手又完全唔同。荷蘭攝影師Patrick Ebu-Mordi最近去咗東京旅行,仲影咗好多靚相,每張無論色調以至構圖都好有特色,同我手機入面儲落嗰啲好唔同,入嚟有回帶。

Read more ›
【貓奴必買】屬於香港人嘅貓相集 影盡傳統老舖唐貓
by / on 23/10/2016 at 11:35 am

【貓奴必買】屬於香港人嘅貓相集 影盡傳統老舖唐貓

作為一個土生土長嘅香港貓奴,睇呢輯相應該會好有共鳴。長住喺香港嘅荷蘭攝影師Marcel Heijnen,發現香港好多傳統老店例如藥材舖、五金舖、海味舖等等都有養貓,佢覺得好有趣,於是多年嚟走訪好多店舖影落大量喵相,鏡頭下嘅唐貓全部都好可愛,勾起好多香港人嘅回憶,記唔記得你細個落士多或者街口嗰隻貓仔?鍾意佢嘅作品可以follow佢嘅Instagram,或者親身去12月喺Blue Lotus Gallery舉行嘅展覽,再買本佢嘅相集《香港舖頭貓》支持吓!

Read more ›
【新片速報】荷蘭電車抗低頭族  小遊戲學抬頭欣賞風景
by / on 27/06/2016 at 7:12 am

【新片速報】荷蘭電車抗低頭族 小遊戲學抬頭欣賞風景

以前未有智能手機,搭車我哋會聽歌睇風景,不過而家好多人都會選擇做低頭族。荷蘭阿姆斯特丹嘅公共電車為咗鼓勵更多人唔好做低頭族,設計咗一個小遊戲GVBeestje俾搭車嘅人玩,追踪貼喺車窗上嘅可愛恐龍仔食咗幾多個人類,簡簡單單嘅玩法,但就好有意思,入嚟有片睇。

Read more ›

【新片速報】感受明星玩IG的震憾 手機通知瘋狂彈出
by / on 15/01/2016 at 7:13 am

【新片速報】感受明星玩IG的震憾 手機通知瘋狂彈出

有時見啲明星facebook有幾百萬個fans,post張相幾分鐘已經有幾萬個like,真係好想知佢電話不停彈出推播通知時會有幾壯觀(如果佢有set通知的話)。「433」呢個同足球有關嘅Instagram專頁坐擁800萬粉絲,好多球迷都有follow,最近網上就有條片睇到佢哋post嘢上IG後,啲人不停like,手機嘅通知不停彈出嘅實況,原來效果好似黑客入侵電腦咁,好瘋狂!段片由荷蘭足球員Demy de Zeeuw放上網,唔夠5日已經有超過1千6百萬人睇過,超過5萬個分享,我再望吓自己部電話,唔止好耐無響過,彈出嚟嘅通知都只係得幾個垃圾電郵同引誘我課金嘅遊戲通知‥‥‥

Read more ›
新片速報 生物科教師上堂除衫 著內臟緊身衣教書
by / on 11/10/2015 at 1:11 pm

新片速報 生物科教師上堂除衫 著內臟緊身衣教書

點解以前我返學無啲咁生動嘅課堂?呢位喺荷蘭教生物科嘅老師Debby Heerkens對教學好有熱誠,為咗教識一班小學雞生物科知識,例如人體內臟嘅分佈、骨頭嘅架構等,居然上上吓堂企上枱面,然後係枱上突然除衫,最後除淨一副內臟。原來佢總共買咗兩款緊身衣,一款係內臟,另一款係骨頭,雖然課堂上只得幾個學生,但佢依然好認真好投入。呢條片放上網幾日已經接近200萬點擊,睇完我只係想講,如果個Miss再靚啲肯定不得了。

Read more ›
新片速報    荷蘭花海靚到震     媲美日本富良野
by / on 25/04/2015 at 7:12 am

新片速報 荷蘭花海靚到震 媲美日本富良野

賞完櫻花,好快又到其他地方嘅賞花季節。一提起賞花好多人都會即時諗起北海道富良野嘅薰衣草田,又或者英瑛嘅四季彩虹之丘,其實,荷蘭嘅花海一樣靚到震!網上見到呢條短片,由高空影落去荷蘭Keukenhof Gardens附近嘅花海,面積勁大勁整齊,配埋悠揚嘅音樂,令我好想即刻買張機票合埋部電腦走人,不過我都係諗吓啫。

Read more ›
網圖分享:中看中吃的香蕉畫
by / on 17/02/2015 at 10:45 pm

網圖分享:中看中吃的香蕉畫

係,食物唔應該用嚟玩嘅,但如果玩完又可以食番落肚,咁又唔同講法。講緊嘅係荷蘭藝術家Stephan Brusche,佢有嘅係天馬行空嘅想像力,以蕉皮作畫布,創作出一系列別出心裁嘅香蕉畫,不論動物、人類、建築物、魔鬼、風景等等,全部都可以喺蕉皮上面清晰顯現,線條仲好密吓添。香蕉畫有乜好?畫完,影完相,可以食埋落肚囉,中看中吃,唔係咩呀?

Read more ›
現實版《真人Show》    老人村250個職員全部做戲
by / on 09/02/2015 at 7:20 am

現實版《真人Show》 老人村250個職員全部做戲

好詭異!呢條位於荷蘭嘅老人村Hogeweyk,入面住咗152個老人家,但係生活喺村入面嘅另外250人,上至餐廳老闆下至超級市場嘅收銀員,全部都係由醫生護士假扮而成,just drama!十足十占基利套電影《真人Show》。住喺呢條村嘅老人家全部都患有老人痴呆症,喺呢度居住可以比佢哋過返正常生活,又有護士24小時秘密照顧,如果老人家問起,職員都會如實答佢住緊嘅地方係療養社區。不過老人痴呆症嘅特徵就係只記得遠嘢唔記得近嘢,所以就算答咗佢哋都會好快唔記得。其實呢條村2009年12月建成,不過最近好多網友推返呢單新聞出嚟,好多外國人留言都話好欣賞呢個設計,讚佢夠人性,仲話老咗都想入去住。

Read more ›

新片速報   賣樓新招   新興過山車睇樓團
by / on 07/12/2014 at 12:41 pm

新片速報 賣樓新招 新興過山車睇樓團

睇見呢間house,我就諗起觀月‧樺峰80呎睡房買家嘅慘況。外國啲屋不嬲大,不過大到可以起過山車路軌,係咪串先?呢間位於荷蘭嘅大屋想放售,地產經紀就諗咗條絕世好橋,喺間屋入面搭建咗條過山車軌,吸引多啲買家坐車遊勻全屋。呢個新招睇樓團吸引好多人一家大細去參觀,坐車途中仲有揚聲器簡介間屋嘅所有設施,連二樓睡房、廁所都可以直達,好過癮。BTW,相信間屋都唔平,否則點冚返起過山車條數?

Read more ›
facebook like符號棺材   反對無建設性亂比like
by / on 17/09/2014 at 7:20 am

facebook like符號棺材 反對無建設性亂比like

對於FB嘅呃Like行為你有無睇唔過眼?會唔會激到整個like符號嘅棺材發洩不滿?荷蘭阿姆斯特丹最古老嘅教堂Oude Kerk整咗副好特別嘅棺材,大大個like符號喺棺材頂,好搶眼。棺材由幾個壯丁運送去教堂,再進行莊嚴嘅儀式,目的係叫大家關注現實,話網上嘅like其實並無實際意義,亦無建設性‥‥‥好喇,睇完你會唔會like我哋呢個post?

Read more ›
惡搞荷蘭贏波英雄 雲佩斯飛頂PS圖集 飛越耶穌山
by / on 14/06/2014 at 4:28 pm

惡搞荷蘭贏波英雄 雲佩斯飛頂PS圖集 飛越耶穌山

今日最勁話題,一定係噚晚荷蘭贏西班牙5比1呢件事!卡斯拿斯被一沉百踩當然慘情,但另一邊雲佩斯(Van Persie)就啱啱相反,唔係佢臨完半場前嗰頭禁區頂飛頂,荷蘭下半場命運係點都未知!不過佢呢個邊跑邊插邊頂嘅動作就引嚟網民發揮創意,瘋狂改圖,有人將佢變超人、Flappy Bird,仲有人將佢key入大自然、打摔角……最後有片睇,堅好笑!

Read more ›
街燈變咪高峰    生活小品減戾氣
by / on 24/02/2014 at 7:01 am

街燈變咪高峰 生活小品減戾氣

香港人谷到爆戾氣越嚟越重,其實生活上仍然有好多歡樂,只有你肯用心發掘就得。荷蘭插畫家Tineke Meirink就將日常見倒嘅景物,加少少想像力,再透過電腦加工,成為一幅幅別出心裁嘅作品,例如一盞街燈變成咪高峰、垃圾筒變青蛙,睇完心情會唔會好返少少?

Read more ›