fbpx

Tag: 草日

格子推出11款Art Print 周六有簽繪會

格子推出11款Art Print 周六有簽繪會

呢個禮拜六又有好節目,「格子」搵來五個插畫家推出總共11款Art Print,各限量100張。邊五位?黎達達榮、馮展鵬、OIC親子丼、草日、文地貓Manycat是也。禮拜六會搞簽繪會,屆時會提供埋Art of faminik特別設計嘅Art Print信封,方便簽繪,即係又係獨一無二更加珍貴咁囉。

Read more ›

草日出書《惡疫退散吧!》+《小小怪異集2》+《大食貓王爭霸戰(下)》

草日出書《惡疫退散吧!》+《小小怪異集2》+《大食貓王爭霸戰(下)》

雖則無喺書展擺檔,但食住書展檔期,草日今年都推出咗三本新書。一,《惡疫退散吧!》,書名極啱聽,呢個係全世界人嘅願望,希望可以快啲脫離帶口罩嘅日子;二,《小小怪異集2》,原來第一期攞過香港出版雙年獎,斷估第二期唔會令大家失望;三,《大食貓王爭霸戰(下)》,(上)我肯肯定有買的,但時間實在太久遠,老實唔記得劇情講乜了,如無意外都會買埋(下)的。

Read more ›
周五啟播 撐格子Podcast《漫畫家睇啲乜》

周五啟播 撐格子Podcast《漫畫家睇啲乜》

記得牛佬講過除咗《古惑仔》外就唔多睇其他漫畫,咁呢一輩漫畫家又睇唔睇嘅呢?如果睇,又睇邊類型漫畫多呢?想知,可以留意面書專頁「格子」即將推出嘅Podcast《漫畫家睇啲乜》。暫定連續四個禮拜五開Band,1月15日嘉賓有葉偉青、Jack Lee、Man僧;1月22日嘉賓有姚希麟、YANAI、周小某、柳廣成;1月29日嘉賓有草日、江記、黎達達榮;2月5日嘉賓有阿柱、肥佬、Walter from童創文化,請大家多多捧場。

Read more ›
網圖分享:Cuson露點 插畫家們接龍致敬

網圖分享:Cuson露點 插畫家們接龍致敬

一切應該由Cuson一個含打情罵俏意味嘅放閃式四格漫畫開始,由於各大中小插畫家包括賤人新世紀、東尼電機、DDED、草日、Plastic Thing同另類漫畫等等,唔抵得Cuson太過美化自己,明明大肚腩卻畫出健碩胸膛、明明大叔臉卻畫出精緻五官、明明矇豬眼卻畫出凌厲眼神,所以紛紛作畫致敬。而亮點中的亮點,絕對係Cuson胸前兩點,經演化後居然有圓形、心形同閃電形,且與「豐乳同露協會」甚有關連,感覺非常獵奇。睇走勢,一眾大中小插畫家會繼續接龍賜畫,大家可以買定花生半噸。

Read more ›
又到聖誕 草日X’mas Postcard套裝$68

又到聖誕 草日X’mas Postcard套裝$68

草日雜貨依舊好多雜貨,仲有個零月就到聖誕節,梗係要推出聖誕卡啦。Meow Meow X’mas Postcard Set每套$68,限售80套。係幾靚嘅,就算買嚟唔寄,齋儲都好合理。

Read more ›
草日掛曆+月曆開訂 消費滿$200送年曆卡

草日掛曆+月曆開訂 消費滿$200送年曆卡

埋嚟睇吓呀喂,草日推出嘅2021年月曆有實物睇喇,有兩款俾大家記擇。一,喵喵Acrylic掛曆$108;二,喵喵座檯月曆連貼紙套裝$120,10月28日截單,頭200位消費滿$200送年曆卡一張。收到未?

Read more ›

期待中 草日「NEVER GIVE UP!」手袖

期待中 草日「NEVER GIVE UP!」手袖

可以用「花多眼亂」嚟形容,草日雜貨真係有好多雜貨的。呢期我睇中咗呢隻手袖,大黑主調色,上書簡簡單單白色三個英文字「NEVER GIVE UP!」,帶上手肯定好醒神,唔知賣幾多錢呢?講得好,最緊要有Never give up呢個信念,做人做事做乜都好,千其咪輕易放棄呀。

Read more ›
草日防疫套裝$138 肥手指匙扣幫手㩒?

草日防疫套裝$138 肥手指匙扣幫手㩒?

草日好多產,最新有防疫套裝,價錢$138,包Mask Folder、萬用布、獨立濕紙巾同肥手指匙扣。個人認為匙扣最實用,君不見家陣搭?,大家都係好願意㩒?咁嘅咩?呢個匙扣真係幫到手。

Read more ›
草日繪本《春十二物語》 《庚子年賀年市集》首賣

草日繪本《春十二物語》 《庚子年賀年市集》首賣

草日有新作《春十二物語》推出,喺《庚子年賀年市集》首賣,全書28頁,內容講過年習俗同忌諱,全家大細都啱睇,當親子讀物都唔錯。

Read more ›
格子辦《庚子年賀年市集》 畫揮春+新Product發佈

格子辦《庚子年賀年市集》 畫揮春+新Product發佈

格子又搞市集喇,開心!喺過農曆年前嘅周六,CK Keung、Felix Ip、黎達達榮、Man僧、Pen So、Tubbyfellow、小豆丁漫畫、草日、貧友呀將同謝森龍異會出席《庚子年賀年市集》,到時會有新書同新精品開賣,揀啱邊樣買邊有喇。And,為應節,特備寫……吖,唔係,係畫揮春活動,不過講明先,由於係畫,畫嘢要時間同成本,所以畫揮春係要收費架。入場會送限定貼紙一張,少少心意不成敬意咁喇,大家記得捧場喇。

Read more ›
幫襯草日任何產品 即送有請小鳳姐襟章

幫襯草日任何產品 即送有請小鳳姐襟章

由於建制派大敗,何妖伏誅,鼎鼎收皮,所以今日小鳳姐都應該好攰吓。草日都決定賀一賀佢,只要今日內幫襯佢任何一樣產品並完成付款,即送有請小鳳姐襟章一個,呢鋪真係熱烈地彈琴熱烈地唱,歌聲多奔放個個喜氣洋洋……呢半年嚟,我最開心係今日呀喂。

Read more ›

草日眼鏡布 Stop Eating Or You Will Be Fat

草日眼鏡布 Stop Eating Or You Will Be Fat

夏天,太陽油,Bikini,無36-24-36完美身材都唔緊要,但至少唔可以一身肥肉,頂住個大肚腩,點對得住陽光與海灘?所以草日推出嘅呢塊眼鏡布,大家可以買嚟警惕吓自己,上寫「放低食物,否則會肥」,每塊廿蚊,抵玩。

Read more ›
草日書展出《十分【】的貓》 福袋形式售賣包眼鏡布

草日書展出《十分【】的貓》 福袋形式售賣包眼鏡布

書名係幾有心思嘅,草日新書叫《十分【】的貓》,「【】」係乜,相信各貓奴可以因應自己主子性格填入。而更有心思嘅係,今次新書會以福袋形式售賣,書展會場價$138,包紀念布袋、《十分【】的貓》同三款限定眼鏡布其中一款。咁當然,有得揀,一定揀「黃手套大叔的愛」眼鏡布,畢竟好多讀者都同我一樣,諗番起之前嘅「黃手套之亂」,依家都笑得出。

Read more ›
草日推出黃手套特集Tee 早訂送匙扣

草日推出黃手套特集Tee 早訂送匙扣

我睇到嘅係無限商機呀,拜「黃水套之亂」之賜,造就草日推出黃手套特集My Cat of Tee 4.0,分黃心漢堡包同漢堡包x小肥兩款,兩款各有黑白灰三色,各售$248。首50位訂購者,送多個限量版黃手套匙扣。成件事真係長玩長有,唔好畀佢停,可以衍生出更多相關精品就好咯。

Read more ›
撐草日新書《大食貓王爭霸戰》 《香港插畫及文創展2019》有賣

撐草日新書《大食貓王爭霸戰》 《香港插畫及文創展2019》有賣

多謝草日,同Cuson來個如此蕩氣迴腸嘅Crossover,我哋先可以剝住花生欣賞如此可歌可泣嘅「黃手套之亂」,所以,我覺得大家有必要撐一撐佢本新薄裝漫畫《大食貓王爭霸戰》。新書將喺《香港插畫及文創展2019》有賣,對談會後有簽名會,大家識做啦。

Read more ›