Tag: 英文版

日本網民Twitter熱玩    「死亡時間測定器」有英文版

日本網民Twitter熱玩 「死亡時間測定器」有英文版

想唔想知道自己嘅死亡時間?最近日本Twitter好多人玩呢個測驗「寿命測定器」,答20條問題之後就可以得出你嘅預計死亡年齡,仲有倒數計時器,好多網民都喺Twitter分享佢哋結果,有人仲得返幾個鐘頭命,好刺激!個測驗有英文版,大致都係問一啲日常生活問題,例如食唔食煙、飲唔飲酒、有無家族遺傳病等等,試完有無少少驚? 

Read more ›

【PlayStation遊樂園】《Watch_Dogs》早買早享受 《Freedom Wars》中文版又要等

聽日就係《Watch_Dogs》出game之日,可惜中文版要等多一個月,係咪早買早享受自己決定喇。我哋聽日都有試玩片出,仲有潛咗水一排嘅Eminleo親身示範,仲諗緊買唔買可以上嚟睇完再諗。買嘅話,除咗普通版仲有個跟藍牙Keyboard($500)嘅版本同埋跟figure($688)嘅版本,老實,跟keyboard嗰個有少少吸引。另外PS Vita隻《Freedom Wars》都宣佈咗中文版8月推出,比日文版嘅6月26日又遲足兩個月,玩中文版嘅玩家真係要特別好耐性先忍得住唔掟掣。

Read more ›

【PlayStation遊樂園】《GT6》「向Ayrton Senna致敬」免費更新

傳奇賽車手冼拿係好多人嘅偶像,《GT6》最近都宣佈5月27日會推出「向Ayrton Senna致敬」嘅免費更新檔案,可以挑戰冼拿喺伯蘭士赫治同埋蒙札賽車場嘅賽車紀錄。另外今個月嘅大作《Watch_Dogs》英文版5月27日推出,中文版就要等到6月26日,同步會出埋PS4同捆裝,有心買機嘅6月6 日起可以落舖預訂。不過差成1個月,真係好難忍手唔打英文版。最後等咗好耐嘅射擊大作《Destiny》有新片,PS3射擊潛入遊戲《Rambo: The Video Game》聽日推出(售價﹕HK$257),有伏味,《第一滴血》fans有無膽量下載?

Read more ›