Post Tagged with: "英國"

【多圖】英國人遇雪「淪陷」    網民瘋狂出圖恥笑
by / on 03/03/2018 at 2:14 pm

【多圖】英國人遇雪「淪陷」 網民瘋狂出圖恥笑

英國一向好少落雪,所以啱啱寒流「東方猛獸」(The Beast from the East)侵襲,就令到當地學校關門、火車停駛、超市貨架清空。不過對於身處經常落雪嘅國家例如加拿大、挪威、俄羅斯嘅網民嚟講,就覺得英國落嗰區區幾粒雪就「淪陷」實在太誇張,好似世界末日咁,仲喺網上瘋狂取笑英國人小學雞。網上有大量改圖改片,好刻薄,但又好好笑,例如話英國人連恐襲都唔驚,但就驚嗰1吋唔夠嘅雪;又用小貓雪地腳印嚟形容英國嘅微雪,入嚟有得睇。

Read more ›

【有片】PS4手掣揸真車 日產GT-R轟到211km/h
by / on 11/10/2017 at 6:43 pm

【有片】PS4手掣揸真車 日產GT-R轟到211km/h

唔係講緊玩《GT Sport》呀,而係真車呀!用DualShock 4嚟揸真正嘅GT-R呀!日產整咗呢部GT-R/C出嚟,車尾有6部電腦操控車內嘅油門、軚盤、Brake等等,之後搵嚟2011年GT Academy勝出者Jann Mardenborough坐喺架直昇機上面,「玩」英國Silverstone賽道上呢部GT-R!

Read more ›
「超級市場喵」不幸離世 顧客籌錢造紀念銅像
by / on 14/09/2017 at 7:41 am

「超級市場喵」不幸離世 顧客籌錢造紀念銅像

仲記唔記得呢隻「超級市場喵」Brutus?住喺英國弗林特郡嘅佢,每日都會行200米去附近嘅超市,嗰度就好似佢嘅office咁,佢會巡查業務,同人打招呼,仲會偷懶瞓覺。可惜今年年頭佢過咗身,大家都好唔捨得佢,最後超市嘅顧客合共籌咗4千英磅,即係大約4萬零蚊港紙,用嚟為佢製作咗個18寸高嘅銅像,而家安放喺級市場入面,就好似吉祥物咁守護住大家。

Read more ›
【睇到心寒】諷刺現實插畫集 現代人病態生活一覽無遺
by / on 04/06/2017 at 12:42 pm

【睇到心寒】諷刺現實插畫集 現代人病態生活一覽無遺

好多人都覺得自己生活緊嘅社會好病態,英國插畫家John Holocraft嘅作品好有警世作用。無論係每日要戴住面具返工、對住自以為是嘅老闆同客戶嘅「打工仔」;定係每日上網為咗呃like而生存嘅「網民」;以至到每日不停食麥記然後肚腩越嚟越大嘅「吃貨」,睇完都會好有共鳴,仲有少少心寒。入嚟有大量插畫慢慢睇,睇完聽朝都係早啲起身返工嘞。

Read more ›
Google街景拍到「殺人現場」    日本網民:「以為係GTA!」
by / on 07/10/2016 at 7:13 am

Google街景拍到「殺人現場」 日本網民:「以為係GTA!」

Google街景成日拍到離奇嘢,今次到英國某條街道疑似拍到殺人現場。馬路上有個男人背部朝天攤咗喺地,另一個人就企喺車前面不知所措,另一張仲拍到佢好似諗住搬屍。不過件事已經證實咗係惡作劇,以惡作劇嚟講都玩得好徹底吓。件事就傳到去日本2ch討論區,有人話:「以為係GTA!」、「應該喺現場唧啲蕃茄醬」,好多網民回顧返Google街景其他搞笑場面,好正,入嚟有回帶。

Read more ›
【有片】英國奧運選手機場好無奈    行李全部一樣認唔到
by / on 25/08/2016 at 7:13 am

【有片】英國奧運選手機場好無奈 行李全部一樣認唔到

里約奧運完滿結束,各國選手係時候返屋企嘞。不過英國一班運動員就遇到一大難題,因為每個運動員嘅行李都係一式一樣嘅紅色背包,好嘞去到機場等行李,一大堆紅色包入面點搵返自己件行李呢?體操運動員Becky Downie拍咗段片放上Twitter,自我安慰話好好玩,其他運動員都爭相留言。其實呢個安排究竟係邊個諗嘅呢?

Read more ›

【圖集】日本網民瘋傳「戴利」相集 最強小鮮肉名草有主
by / on 10/08/2016 at 7:13 am

【圖集】日本網民瘋傳「戴利」相集 最強小鮮肉名草有主

又到體育時間,呢兩日大家都狂睇中國隊傅園慧嘅GIF圖,另一邊廂,日本網民就對戴利(Thomas Daley)呢塊小鮮肉好瘋狂。呢幾張圖喺Twitter被瘋傳。呢位英國跳水運動員啱啱拎咗奧運銅牌,最重要係雙眼又大又圓,笑起上嚟好陽光,喺IG已經有140萬粉絲,香港都有好多豬妹fans。其實佢喺6歲已經開始跳水生涯,今年22歲嘅佢最擅長十米跳台,另外佢已經名草有主,上年宣佈同金像編刻男友Dustin Lance Black訂婚,夠晒true。

Read more ›
【成功上樓】流浪喵星人進駐英國白宮 幫財政部捉老鼠
by / on 31/07/2016 at 7:13 am

【成功上樓】流浪喵星人進駐英國白宮 幫財政部捉老鼠

又有喵星人成功上樓!不過今次呢隻勁啲,佢由流浪貓成功進駐英國白宮,成為英國財政部嘅新住客。只得18個月大嘅Gladstone之前喺倫敦街頭流浪,之後俾動物之家收養咗,最近因為英國財政部辦公室一直有鼠患,所以就收養咗呢隻喵星人嘞。不過Gladstone似乎仲未正式開工,見佢主要都係瞓吓玩吓,應該仲未知道自己有捉老鼠呢個重要任務喎‥‥‥

Read more ›
【公僕】英國喵星人「公務員」 進駐外交大樓twitter爆紅
by / on 28/05/2016 at 1:31 pm

【公僕】英國喵星人「公務員」 進駐外交大樓twitter爆紅

做貓做到可以有公職,真係威威豬。外國呢隻喵星人Palmerston近來好紅,因為佢進駐咗去英國外交及聯邦事務部。由於大樓有鼠患,經商議後佢哋決定領養一隻貓返嚟,仲俾咗個職銜佢叫Chief Mouser。佢個Twitter用咗兩日,follower已經超過主人Simon McDonald,而家勁過唔少政要,好巴閉。不過納稅人唔駛驚,佢哋講明呢隻喵星人嘅開支唔會計落納稅人度,呢方面外國人就夠晒均真,唔似香港咁特事特辦。

Read more ›
【新片速報】50萬塊LEGO砌超巨型Death Star    仲識發光!
by / on 26/02/2016 at 7:14 am

【新片速報】50萬塊LEGO砌超巨型Death Star 仲識發光!

50萬塊LEGO,單睇數字都覺得不可思議。LEGO一向神人輩出,最近英國LEGOLand就展出咗呢個超巨型Death Star,完成品重1900磅,仲識發光,難怪要動用15個LEGO神人花3個月時間先完成倒。個Death Star嚟緊3月11日起會喺英國Windsor展出,入嚟有片睇,真係幾勁。

Read more ›
【多圖】英國動漫節coser圖集 星戰角色最受歡迎
by / on 24/02/2016 at 7:12 am

【多圖】英國動漫節coser圖集 星戰角色最受歡迎

啱啱過咗嘅星期六日英國有動漫展London Super Comic Con,外國網站Geeks Aare Sexy嘅攝影師Nick Acott喺場內影咗大量coser,絕大部份嘅水準都好高。外國人高頭大馬,最啱cos Marvel嘅超級英雄,另外Star Wars都好多人cos,個個女仔都想做Rey或者Leia公主,男仔就想做Kylo Ren或者Luke Skywalker,唯一係估唔到《侏羅紀公園》嘅人都有人cos‥‥‥

Read more ›

【洋貓】英國喵星人火速走紅 長駐超市監視人類
by / on 09/01/2016 at 2:56 pm

【洋貓】英國喵星人火速走紅 長駐超市監視人類

最近呢隻喺倫敦超級市場Sainsbury’s被發現嘅6歲肥喵Olly Oliver好紅,最先係上年11月佢被發現喺超市入面周圍巡遊,之後俾職員趕走咗,不過佢無放棄,之後每日都要去超市行一次先安樂,有時會居高臨下企喺貨架頂監察人類買嘢,有時又會跳入貨架休息,職員都無佢符,而當地顧客亦習慣咗佢嘅存在。好嘞,咁究竟肥肥白白嘅佢喺邊度嚟?後來有人發現原來佢係有人養嘅,主人屋企就喺超市旁邊,屋企仲有隻灰色毛嘅喵星人兄弟。唔,果然外國嘅空氣係自由啲,唔止人類,連貓都生活得自由自在,好羨慕!

Read more ›
激罕「三耳貓」被遺棄車房      獸醫:「行醫30年第一次見」
by / on 15/11/2015 at 10:54 am

激罕「三耳貓」被遺棄車房 獸醫:「行醫30年第一次見」

三色貓成日見,三耳貓都係第一次,呢隻喺英國諾福克郡被發現嘅喵星人,居然擁有三隻耳仔,連當地獸醫都話30年工作以嚟從來未見過!呢隻喵星人估計4-8歲,眼大大好得意,而神秘嘅第三隻耳仔就收埋喺佢嘅左耳後面。佢係喺當地一個工業村嘅車場內被發現,而家喺收容所Feline Care Cat Rescue暫住,本來執到佢嘅主人想幫佢改名做《Star Trek》入面嘅 Mr. Spock或者Captain Kirk,不過最後車場主人叫佢做Brian,唔,其實叫Mr. Spock型好多喎! 

Read more ›
【滿18歲貓奴必去】英國貓酒吧     15隻喵星人陪飲酒
by / on 14/11/2015 at 11:10 am

【滿18歲貓奴必去】英國貓酒吧 15隻喵星人陪飲酒

貓cafe去得多,估唔到有人諗到開間貓酒吧,招待一班鐘意飲酒嘅貓奴。呢間位於英國Bristol嘅酒吧The Bag Of Nails,入面住咗15隻喵星人,44歲嘅店主Luke Daniels話之前有24隻,不過實在太多,所以而家縮減到15,仲話所有貓都係喺呢間酒吧度出世。當客人飲飲吓酒,啲貓會跳上客人大脾嗲吓人,諗起都爽。不過班喵星人就唔可以飲酒,就算夠18歲都係咁話。

Read more ›
有片熱播 英國狗狗「紙箱控」 寧願撞牆都要咬住行
by / on 21/09/2015 at 7:08 am

有片熱播 英國狗狗「紙箱控」 寧願撞牆都要咬住行

唔係最新,不過呢隻狗狗真係超得意,好想分享吓。大家都知喵星人鍾意紙箱,估唔到狗狗都有愛好者,呢隻住喺英國嘅狗狗Diesel由片頭一開始就咬住個紙盒蓋,好笑在佢咬住唔放仲周圍走,主人越叫佢越走,由於個紙箱蓋遮住佢塊面,佢就一路行一路撞板,但點都堅持唔肯放低個蓋,好固執。條片一個月已經過咗百萬點擊,有網友留言話唔應該比隻狗狗喺停車場入面周圍走,都啱嘅,擋住塊面係有少少危險嘅。

Read more ›