【囡囡尖叫】日本全國男高中生選舉 金毛MK仔跑出

我都明大家比較想睇日本女高校生選舉多啲,不過有時知己知彼,知道日本囡囡鍾意乜嘢類型,就算自己個樣唔似,都可以執執個髮型或者造型嘛。講返正題,日本啱啱有個全國男高校生選舉「男子高生ミスターコン2015‐2016」喺Zepp Tokyo舉行,結果由茨城縣高校3年級生「若槙太志郎」奪得冠軍,睇返佢個樣,其實即係MK類型,再睇埋三甲嘅合照,原來而家日本真係興呢啲金毛仔MK造型,各位香港男仔有無諗住越洋發展?另外現場真係有超多日本高中生囡囡,個個都表現得好興奮!

Read more ›