Tag: 芝士漢堡

【不要玩食物】芝士漢堡薯條加可樂 榨成汁一杯隊晒

外國人專玩變態嘢,啱啱呢段片真係睇完都飽。外國YouTube頻道「BAD THINGS FOR BAD PEOPLE」將9個芝士漢堡加大量薯條塞入攪拌機榨成膏狀,為咗稀釋呢嚿嘢,主持人再加咗杯可樂,出嚟嘅嘢就好似屎一樣,勁核突。最後當然唔少得親身隊咗佢。雖然食晒落吐其實都係攪埋一堆嘢,但睇住佢飲,我居然有想嘔嘅感覺,仲有,呢幾日我都唔想食麥記。

Read more ›

新片速報 芝士漢堡擺放30日 麥當勞完好無缺?

今朝早餐有無食老麥?外國有人將7間快餐店嘅漢堡包,分別放喺玻璃瓶內,然後放佢30日睇吓會變成咩樣。最後Burger King變咗灰包、WENDY’S包面出晒霉菌,我哋最鍾意食嘅麥當勞呢?居然接近完好無缺!驚過見到佢腐爛。

Read more ›

執汽水罐換麥記 20個罐換1個芝士漢堡

喺香港地執罐汽水罐嘅通常係老人家,瑞典斯德哥爾摩嘅麥當勞就唔同,鼓勵年青人執多啲汽水罐嚟換麥記食物。事緣每到夏天,附近嘅戶外公園同埋音樂祭都會製造大量垃圾,於是當地麥記就諗到呢個計劃,20個汽水罐就可以換一個芝士漢堡,40個罐就可以換巨無霸,戶外廣告牌仲變埋汽水罐收集箱,夠環保,好過送半價板燒雞腿包優惠券喎。 

Read more ›

有片 麥當勞芝士漢堡 消化後變黑色爛泥狀

最近麥記搞到滿城風雨,我哋最鐘意食老麥嘅編輯錢無義都戒咗一排,睇嚟影響真係好大。無老麥食不妨翻睇吓之前有科學家做嘅實驗。佢哋將一個芝士漢堡放入同人體一樣嘅胃酸液體裡面,睇吓浸佢一排之後會變成點。結果?就係變成一堆黑色好似污泥嘅物體,我唔知係咪任何食物落肚之後都係咁,如果係,呢個實驗者都幾大整蠱。不過,溶溶爛爛都幾核突吓,睇完希望可以暫時抑制到錢編輯嘅食慾啦。

Read more ›

芝士漢堡結婚蛋糕 前衞新人切飽慶祝

早幾日報導過pizza混合漢堡飽嘅終極肥食物,今日喺網上就見倒呢個更大膽嘅設計 ─ 漢堡飽結婚蛋糕,好明顯佢哋兩位都係性情中人,好鐘意食漢堡包,分分鐘當年嘅定情信物就係芝士漢堡,更令人羨慕兩個人都好纖瘦。老實,平時婚禮上嘅結婚蛋糕齋切無得食,但如果一對新人切呢個蛋糕,我希望自己都可以分倒一件。

Read more ›

Wendy’s 推出9層扒芝士漢堡 挑戰食肉獸極限

如果你係80後或者更大,應該記得當年香港有間好味漢堡店Wendy’s,可惜已經絕跡香港。最近喺網站見倒佢學人推出T-REX芝士漢堡,數埋有成9塊漢堡扒,分開食三餐都嫌飽,只限加拿大Brandon嘅Wendy’s有得食,價錢美金$21.99,外國嚟計,算係幾平。食完一次,應該一個月都唔想再食肉。

Read more ›