fbpx

Tag: 船橋市

杯緣子 X 梨精 X Hello Kitty    杯邊掛飾12月推出

杯緣子 X 梨精 X Hello Kitty 杯邊掛飾12月推出

日本杯緣子(コップのフチ子) 長期人氣爆燈,仲帶動《One Piece》、《Naruto》個個學佢出杯邊掛飾。繼之前同人氣王梨精Funassyi合作出杯邊掛飾之後,終於到最近忙到嘔嘅Hello Kitty。Kitty貓同杯緣子又揹又抱又倒掛,一式六款玩具各有不同動作,好好玩。不過要我揀嘅話,我都係只會買梨精Funassyi。兩個系列都係12月出,記住出去睇實,我嘅目標係儲齊一套!

Read more ›

梨精Funassyi瘋狂彈跳到香港   今日1點再出場

梨精Funassyi瘋狂彈跳到香港 今日1點再出場

船橋市梨精Funassyi喺日本紅到爆,涉谷間cafe長期排滿人龍。估唔倒香港都有商場獨具慧眼請咗佢嚟玩,噚日佢嘅本尊就親身由日本飛咗去將軍澳嘅東港城搞見面會,同場仲有台灣藝人邱勝翊(王子)同埋張甯兒,不過完全比梨精搶晒鏡,梨精出場嘅時候引嚟大量少女瘋狂尖叫,仲多過王子!據知今日下午1點至2點梨精會再去東港城搞搞震,唔知會唔會表演佢嘅神技瘋狂跳躍?喂,今日星期五要返工返學,點算好呀?

Read more ›
船橋市朵精彈跳王版 理想與現實的肉包

船橋市朵精彈跳王版 理想與現實的肉包

喺噚日(28日),Family Mart就推出咗呢個中華肉包「ふなっしーまん」,限定100萬個。咁出得呢啲肉包,日本網民都離唔開嚟個理想與現實比較,其實近幾次都冇乜出事,不過今次,隻彈跳王好似伸咗條脷出嚟咁,係咪特登呀?係咪萬聖節呀?呢個星期有兩個朋友喺日本喎,有冇人買嚟試呀?

Read more ›
船橋市梨精玩運動    金色隱藏版激罕

船橋市梨精玩運動 金色隱藏版激罕

日本嘅船橋市梨精紅到開巷,喺香港都越嚟越多fans。最近佢又有新扭蛋出,第三彈嘅主題係「運動之秋」,睇見梨精乖乖哋學人打棒球、哥爾夫球、網球同足球,好健康,好唔襯佢,因為佢最叻嘅運動應該係跳高或者跨欄。吖,另外仲有一款金色嘅錢罌隱藏版,齋坐無做運動,不過由黃色變金色,一樣吸引。扭蛋10月發行,每扭一次200円。我最想係扭佢塊面。

Read more ›
日本人氣王杯緣子 X 船橋市梨精  年底合作出玩具

日本人氣王杯緣子 X 船橋市梨精 年底合作出玩具

嘩嘩嘩,強勢聯乘呀!杯緣子同埋船橋市非官方吉祥物梨精,呢兩個係日本紅到開巷嘅角色終於聯乘,梨精出名曳,杯緣子出名奔放,兩個拍埋一齊好有火花。由奇譚推出嘅呢款玩具コップのフチ子とふなっしー,預計年尾12月底先有得買,每盒680円,有朋友去開日本過聖誕一定要叫佢幫手買幾盒!

Read more ›
日本最紅吉祥物   彈跳王梨之妖精變ROCK

日本最紅吉祥物 彈跳王梨之妖精變ROCK

近期日本最紅吉祥物,一定非船橋市非公認吉祥物彈跳王梨之妖精「ふなっし(Funassyi)」莫屬!去日本就知,周街都係佢嘅周邊產品,紅到開巷。日本玩具商奇譚今個月都有佢嘅新產品推出,1式6款嘅吊飾,今次梨之妖精轉行ROCK路線,拎住結他崩崩跳,當然唔少得雙手撳面嘅經典騎呢動作,睇見好難忍住唔笑出聲!

Read more ›

吉祥物欺凌事件 金爆鋤扁船橋市彈跳王

吉祥物欺凌事件 金爆鋤扁船橋市彈跳王

  日本電視台噚晚播放嘅「ベストアーティスト2013」節目,有AKB48有嵐有金爆,當中金爆就喺表演前後同呢隻日本勁紅嘅船橋市非公認吉祥物彈跳王梨之妖精「ふなっし(Funassyi)」玩,不過佢哋似乎玩得好開心,你睇吓彈跳王喺毫無反抗能力之下,俾佢哋搓圓撳扁,我覺得係欺凌事件……入嚟可以睇到金爆喺台上嘅演出。

Read more ›
新片速報 日本整人節目 炸爆船橋市彈跳王

新片速報 日本整人節目 炸爆船橋市彈跳王

呢隻船橋市ふなっしFunassyi,成日彈彈吓,紅到日本度度都有佢啲精品賣。咁《Uwa! Damasareta Taishou!》呢個整人節目最近就請咗佢同佢啲朋友上去,突然,附近有個箱爆炸,之後……嗚!好似拍動作片咁,爆炸唔駛擰轉頭,加油呀!拯救地球就靠你喇!

Read more ›