Post Tagged with: "船梨精"

【多圖】日本麥當勞 x 船梨精 扮麥當勞叔叔超搞笑
by / on 11/09/2016 at 12:44 pm

【多圖】日本麥當勞 x 船梨精 扮麥當勞叔叔超搞笑

香港麥當勞都有nanoblock,不過如果有得自己砌埋就更好嘞。日本呢,最近就同出名玩得癲嘅「船梨精」合作,推出開心樂園餐玩具系列,8款造型超吸引!最正一定係船梨精扮麥當勞叔叔嗰款,零違和。另外俾漢堡包夾住嗰款都超得意,其餘仲有扮店員、外賣速遞員同‥‥‥做自己,9月7日至19日買餐就有玩具送,去開日本嘅fans記住換嘞!

Read more ›

【驚喜便當】日本高校生便當Twitter熱傳 比卡超變船梨精
by / on 28/01/2016 at 7:14 am

【驚喜便當】日本高校生便當Twitter熱傳 比卡超變船梨精

日本嘅畢業季節喺三月,四月櫻花開就係新學年開始,最近有位網友放咗個比卡超便當上Twitter,標題係高校生活最後一個便當,張相放上Twitter後有超過4萬個RT,唔係因為比卡超飯盒好得意,而係因為打開飯盒之後,入面居然係船梨精便當!真係好驚喜呀。亦都可能見證咗樓主由鍾意比卡超到鍾意船梨精嘅過程,明嘅,讀書時期係特別花心嘅。好懷念讀書嘅日子呀!

Read more ›
船梨精涉谷Parco主題餐廳 忽然爛面刨冰崩壞
by / on 22/08/2015 at 2:35 pm

船梨精涉谷Parco主題餐廳 忽然爛面刨冰崩壞

出名百厭嘅船梨精Funassyi,鋒頭最近比hea爆嘅蛋黃哥搶晒,不過喺日本佢仲有好多fans,最近官方就喺涉谷Parco再搞期間限定嘅主題餐廳「THE GUEST cafe&diner」,記得之前同一位置都搞個主題cafe「ふなっしーのFUNAcafe」,日日喪排長龍,今次時間長啲,由9月4日至11月3日,有嘢飲有嘢食,好多新菜式,除咗好襯船梨精嘅班戟之外,仲見到爛面版嘅沙律拼盤‥‥‥同埋刨冰?

Read more ›
殺入寵物界 彈跳王船梨精騎狗登場
by / on 11/06/2015 at 4:57 pm

殺入寵物界 彈跳王船梨精騎狗登場

船橋市嘅彈跳王出精品已經出到咩都有咁濟,但係,你屋企隻毛孩冇喎!於是,嚟緊就照顧埋你隻狗狗(其實係玩埋你隻狗狗),因為佢會出狗仔衫,除咗一般襯色圖案衫外,仲有幾款係狗狗著埋船梨精上背脊,好似俾佢騎緊咁……可以幻想到狗狗應該唔會太鍾意,不過主人就會好開心大聲嗌好得意……6月尾至7月喺日本推出,2917円至4621円不等。

Read more ›
【大量產品】Hello Kitty x 船梨精 瘋狂彈跳扮cute
by / on 10/06/2015 at 7:11 am

【大量產品】Hello Kitty x 船梨精 瘋狂彈跳扮cute

Hello Kitty同船梨精,兩個都係瘋狂出產品搵銀,但又好多人(包括我)爭住買嘅成功案例,最近佢哋決定合作食大茶飯,公開咗大量合作產品!睇見Hello Kitty瘋狂跳我唔驚呀,但係船梨精咬手指扮cute,仲紥條辮仔‥‥‥真係嚇一跳,但係又忍唔住笑。千祈要留意埋佢哋嘅搞笑動作,好細緻好正!今次合作好大規模架,有file、袋仔、tee、公仔、襪,諗得到嘅都幾乎會出,產品由7月開始逐步發售,等fans慢慢儲錢慢慢買。唉,我唔爭氣,又想駛錢嘞。

Read more ›
船梨精亂坐杯邊    手幼幼單手吊起玩拱橋
by / on 05/06/2015 at 7:08 am

船梨精亂坐杯邊 手幼幼單手吊起玩拱橋

之前杯緣子已經同人氣王船梨精合作過出玩具,今次終於到船梨精自己擔大旗!繼續都係玩杯緣子帶起嘅掹杯邊玩具,今次主角變咗出名曳到爆嘅船梨精,睇佢手幼幼學人掹杯邊吊起自己,又單手又用腳夾杯邊,睇落好危險。最正最想要都係佢喺杯邊玩拱橋嗰款,瘋狂搞笑,6月頭出喎,好想儲齊一套呀!

Read more ›

船梨精出「劍玉」      本尊親自示範瘋狂彈跳
by / on 25/05/2015 at 12:56 pm

船梨精出「劍玉」 本尊親自示範瘋狂彈跳

呢個小玩具我諗咗一陣叫咩名,終於搵到佢嘅本名,就係「劍玉」嘞。作為好識出產品搵銀嘅船梨精,估唔到連劍玉都出埋,最正係搵埋本尊親身示範點玩,佢當然係用佢最擅長嘅瘋狂彈跳嘅方式嚟玩啦,咁跳法,當然挑戰失敗啦!睇完佢示範,我都有啲想玩,賣2700円唔貴,網上仲有貨。

Read more ›
船梨精出迷你figure     扭手指撳面好好玩
by / on 02/05/2015 at 3:33 pm

船梨精出迷你figure 扭手指撳面好好玩

人紅真係特別忙,好似日本嘅非官方吉祥物船梨精,經常都有新產品推出,最新有呢隻由BANDAI出品嘅迷你figure,唔止條腰扭得,連對咁短嘅手都做咗個關節位可以扭動,做出少少活力嘅動作,不過最正都係用嘅軟膠質地,令到大家可以用手指撳佢塊面,做返佢最經典嘅表情,好過癮!7月開賣,賣810円,呎吋20.5 x 15 x 6.4 cm。

Read more ›