fbpx

Tag: 航拍

有片:福島核災六年後係點樣?航拍一片綠!

有片:福島核災六年後係點樣?航拍一片綠!

時光飛逝,福島核電廠事故原來已經係六年前嘅事,日本人撤離後嘅福島依家荒廢成點?細路仔時代曾經喺福島縣生活十年嘅朝日新聞攝影師Tetsuro Takehana,上個月就親身去咗一趟影相加航拍──車、屋、馬路、遊樂場、檯檯凳凳、球場、電纜、停車場、路軌等等,全部都俾植物覆蓋,望落去就係一片綠,大自然嘅復修能力好強,畫面係荒涼,係廢墟,但無想像中咁鬼域,相反有處處洋溢生機嘅感覺添,希望以後呢個世界少啲天災人禍就好咯。

Read more ›

日本相機食先新玩法 「ドロ写」航拍高炒影拉麵

日本相機食先新玩法 「ドロ写」航拍高炒影拉麵

食飯之前影幅相,成為好多人嘅習慣,不過近排似乎悶悶哋,所以有人就諗到咁樣玩,喺拉麵店入面用航拍機高炒拉麵?會唔會冇乜邊間舖肯俾你咁玩呀?到時俾人放上網鬧就慘啦?不過呢個「ドロ写」玩法喺Twitter都好多相睇,有網民就懷疑係咪用自拍棍影o架?有人就話唔好企上張凳影整污糟張凳喎……

Read more ›
【有片】空中飛狗!日本狗仔航拍機「雪丸」腳識郁

【有片】空中飛狗!日本狗仔航拍機「雪丸」腳識郁

之前有人用自己隻已故貓貓做標本再變成四軸航拍機,有啲恐怖。呢隻就可愛得多啦!係日本奈良縣王寺町官方製作嘅,隻「雪丸」一路飛,四隻腳仔仲識一路郁,好似喺空中散步咁!講多少少,「雪丸」係日本歷史人物聖德太子嘅愛犬,而呢個地方就係聖德太子之町,好靚呀!

Read more ›
有片:日本超型Drone有機械臂 最高負重44磅

有片:日本超型Drone有機械臂 最高負重44磅

係型嘅,日本ProDrone公司推出無人駕駛航拍機PD6B-AW-ARM,型在有兩條可以Total負重44磅嘅機械臂,實際用途好大,包括投擲救援物資例如水泡、救生衣等等畀遇溺人士、搜索危險物料、切割高壓電纜等等。強硬物料製作,有七個螺旋槳,聲稱無懼風雨,可以續航半粒鐘。就影片所見,PD6B-AW-ARM兩臂一夾,大一大張鐵凳都拎得起,加上黑橙二色,成隻飛天蜘蛛咁欯,好型棍呀。

Read more ›
【有片】荷蘭警方訓練大鷹 專擒航拍機

【有片】荷蘭警方訓練大鷹 專擒航拍機

航拍機越嚟越多人玩,不過一多人玩問題就出嚟喇。點樣阻止喺唔俾玩嘅地方亂放亂玩呢?之前報過嘅就係日本出動大架啲嘅機,吊住個網「捉」機;而最近荷蘭警方亦諗到新方法,就係訓練大鷹飛埋去擒住架機「捉」佢落嚟……不過咁喎,咁咪好易會整傷隻大鷹?暫時仲係測試階段,當局都要考慮清楚呢個問題喇。

Read more ›
【有片】手提電話玩航拍 自動追縱Apple Watch操控

【有片】手提電話玩航拍 自動追縱Apple Watch操控

有冇興趣平平哋玩航拍?如果可以用到你部電話嚟拍,只係裝上細細部機度就掂,而且最緊要係價錢唔貴,咁係咪好似幾吸引?呢部「PhoneDrone Ethos」就係咁喇,可以裝上iPhone或者Android電話,唔駛識玩航拍機,部機就可以依你set嘅高度跟住你,而且除咗用另一部裝置操控,如果你有Apple Watch都一樣得。飛行時間約15分鐘至20分鐘,網上集資緊,有冇得諗?

Read more ›

【有片】無線電波狙擊槍 遠程擊落航拍機

【有片】無線電波狙擊槍 遠程擊落航拍機

大陸有富二代用籃球擊落航拍機,但其實邊駛咁暴力吖?航拍機漸普及,令到好多政府部門都擔心出現偷拍、保安問題,於是,就發明咗呢支用無線電波干擾航拍機接收遙控指令嘅狙擊槍!只重10磅,可以狙擊到400米外嘅航拍機,呢支「DroneDefender」,感覺實在有型喎!點解我好似喺MGS入面見過咁?

Read more ›
有片:真係咁鬼橋 大鷹撞飛機

有片:真係咁鬼橋 大鷹撞飛機

俗語有謂「真係咁鬼橋,飛機撞紙鳶」,今次一樣咁橋,不過係大鷹撞飛機。鷹者,楔尾鷹是也,飛機者,放心,唔係坐人嘅飛機,係航拍用Drone。話澳洲有人玩航拍,Drone飛到高一高,咁啱得咁橋遇到一隻兩米長楔尾鷹,楔尾鷹以為Drone係獵物,有理無理就一個大鵬展翅撞埋去,好彩,最後機毀,但鷹未亡。

Read more ›
【有片】超勁堅抵玩 防水航拍機一拋即飛 唔駛操控追住你拍

【有片】超勁堅抵玩 防水航拍機一拋即飛 唔駛操控追住你拍

  我有時都會心郁郁想玩吓航拍,但係又驚麻煩又驚唔識操控有排學,所以見到呢部「Lily」,真係想買番部!佢勁在除咗一般玩法外,仲可以唔駛操控,只要你戴住個控制器喺身,佢就可以喺一定距離追住你嚟拍,即係如果你去玩snowboard或者滑水甚至跑步踢波都可以自動幫你拍!有防水功能,每次充2小時電可以飛20分鐘,而且可以拍到1080p/60fps影片,或者720p/120fps嘅超慢鏡影片。最後,最重要係佢第一個月只係賣$499美元(之後$899)!嘩$4000港幣左右!

Read more ›
日本雜誌送航拍遙控機 買齊57期組合起飛

日本雜誌送航拍遙控機 買齊57期組合起飛

之前都已經有ROBI週刊,日本第1期出到第三版,香港都有得買中文版,唔知有幾多人儲嚟砌個機械人?之後,仲有《週刊 マイ3Dプリンター》,買齊就砌到部3D Printer。其實呢個概念都幾好,等於逐少逐少供啲嘢,到齊晒之後砌起嚟玩,應該都幾滿足。好喇,最新呢本《週刊 スカイライダー・ドローン》都捉正個潮流,就係「Sky Rider Drone」航拍機,創刊號特別價格999円(通常價格2,290円),買齊57本就齊晒可以起飛拍嘢喇!而且本書內容仲會一教你航拍點玩,入嚟有片睇!不過話時話,睇晒57期砌好之後,可能都係時候要upgrade部機咯……

Read more ›
【有片】電話咁大遙控直昇機 輕鬆玩航拍

【有片】電話咁大遙控直昇機 輕鬆玩航拍

如果要玩航拍,都幾大陣象,起碼都要有部直昇機,仲要搖控、Go Pro,不過如果你對畫質要求唔太高,呢個集資緊嘅產品可能啱你玩。收起嘅時候細到同部電話差唔多,可以袋喺衫袋,而且用電話就可以遙控。如果真係可以變埋做電話殼就正喇。

Read more ›