fbpx

Tag: 至Goal Club

至Goal Club送2021年曆卡 歡迎免費索取

至Goal Club送2021年曆卡 歡迎免費索取

又一年,烏煙瘴氣嘅2020年快啲走唔該,「至Goal Club」維持優良傳統,今年繼續免費派年曆卡與眾同樂,2021年希望大家都可以過一個好年。物輕情意重,我覺得係一份心意來的,得閒就上去攞番張喇。另,負責人開Post話:「日前突然間忽發奇想,想定期每星期定一日休息,暫停營業,…….除咗因為我哋有感身心疲累,事實上真係時間唔夠用,好多同客人聯繫、宣傳、採購、找數、稅務等等瑣碎工作,根本唔夠時間處理!」其實唔使考慮喇,人唔係鐵鑄,休息好應份。一於周休一日喇,有得回氣,先有力Keep住向前衝,係咪咁講先?

Read more ›

賀經營廿年 至Goal Club出月曆$78

賀經營廿年 至Goal Club出月曆$78

「至Goal Club」原來經營咗20年,厲害!為慶祝呢個里程碑,推出《G.Goal Club 2021年座檯月曆》並開訂。月曆由積奇繪製,甘小文有份供畫,單個買$78;另有Boxset選擇,包月曆、聖誕卡、小文繪製A5年曆卡同小文繪製彩色畫板各一,售$138。為咗封面嗰個為香港付出咁多嘅勇敢女孩,我覺得真‧香港人有必要買,請多多支持。

Read more ›
《香港故事──我們的漫畫家》啟播 至Goal Club送Postcard

《香港故事──我們的漫畫家》啟播 至Goal Club送Postcard

香港電台製作嘅《香港故事──我們的漫畫家》11月14日起逢周六播映,有我哋非常非常喜愛嘅甘小文出場,大家無理由唔捧場啩?為咗宣傳,有關方面印製咗一批Postcard同Poster,家陣喺「至Goal Club」免費派發,大家行開旺角嘅,不妨親臨攞番張留念。咁當然,有其他幫襯就更佳啦。

Read more ›
至Goal Club派甘小文年曆卡

至Goal Club派甘小文年曆卡

開心!真心講句多謝!「至Goal Club」今年繼續免費派甘小文2020年曆卡。留意番,畫嘅係化身記者嘅哨牙珍、化身勇武嘅肥婆四……大家,千祈唔好當佢哋Condom呀,無咗記者,無人發掘真相,無咗勇武,香港晨早已經成為疫區。勿忘初心,抗完疫,要繼續抗爭呀。

Read more ›
黎達達榮《十六樓油雞》簽名版$90

黎達達榮《十六樓油雞》簽名版$90

黎達達榮「18樓系列」第三部曲開賣,有請《十六樓油雞》出場,「至Goal Club」有簽名版賣,每本都黎達達榮都畫埋公仔,保證獨一無二,每本$90。撐開《十八樓燒肉》同《十七樓叉燒》,無理由唔撐埋《十六樓油雞》,係咪咁講先?

Read more ›
《澳門漫畫家巡禮》$48 送Postcard+六合一杯墊

《澳門漫畫家巡禮》$48 送Postcard+六合一杯墊

唔吹水,我唔熟澳門漫畫家,所以曹長雄、陳培、胡智杰、湖水藍、AC、葉雄、余志雲、蓮生、老作、梁祐桐、排骨仔、0°C同ST等一眾《澳門漫畫家巡禮》作者當中,我只識蓮生同胡志杰。認識蓮生,係因為睇過佢嗰本《濠鏡春華》,而胡智杰呢,無記錯應該係《中國拳王》作者。如果大家都同我一樣,想了解刻下澳門漫畫文化,不妨買本《澳門漫畫家巡禮》睇睇,每本$48,送Postcard同六合一杯墊。

Read more ›

《第38屆香港電影金像獎頒獎典禮特刊》$98 兩封面任擇

《第38屆香港電影金像獎頒獎典禮特刊》$98 兩封面任擇

唔知你點睇喇,我就仲當香港金像獎係本地盛事嚟嘅,之所以呢本《第38屆香港電影金像獎頒獎典禮特刊》,我都係好有興趣據為己有。有「最佳男主角候選演員」同「最佳女主角候選演員」兩個封面選擇,各$98。係,我都知書局有售,但可以的話咪幫襯吓小店囉,「至Goal Club」有售。

Read more ›
至Goal Club甘小文年曆卡  2019年繼續免費派發

至Goal Club甘小文年曆卡 2019年繼續免費派發

Good呀,「至Goal Club」秉承優良傳統,今年繼續派年曆卡,而年曆卡亦繼續搵甘小文賜圖印製,美少女戰士版肥婆四加哨牙珍賀2019年,醒神喇喂。一如以往,免費派發,咁當然,有幫襯的話成件事會更圓滿喇。

Read more ›
鄭健和《三國誌異》創刊 簽名版限量100本

鄭健和《三國誌異》創刊 簽名版限量100本

今日下晝開始,陸續見到好多面書朋友仔Post《三國誌異》創刊號相片,非常心心眼。點解嘅?唔係聽日先出版咩?我睇文嘉宏喺面書話創號刊會出現「壹本軍團」個Post,明明仲寫住1月3日出版喎。Anyway,如果未買到書如我者,不妨考慮幫襯「至Goal Club」,限量100本有和仔大人親筆簽名嘅創刊號等住你買,不過就要等到1月8日先返貨。等唔切的話,咪有無簽名嘅版本都買各一囉,用實際行動即係雙倍課金,支持和仔大人吖嘛。

Read more ›
鄭健和親筆簽名《西遊》完結號 至Goal Club有售

鄭健和親筆簽名《西遊》完結號 至Goal Club有售

鄭健和《西遊》大結局喇,我畀90分,故事無敵,對白精彩,如果公仔可以畫得番《殺道行者》咁細緻就更加Perfect喇。唔捨得嘅唔只廣大讀者,連文嘉宏都作畫一幅以示不捨之情,而「至Goal Club」呢,亦搵咗鄭建和喺第183期完結號封面親筆簽名,限30本。吓?早兩日已經買咗書?我都係,不過唔緊喇,經過開MK嘅,咪買多本撐撐場,當一個美麗終結囉。

Read more ›
第二輯《火武耀揚》豪華珍藏本 至Goal Club開訂送親筆簽名

第二輯《火武耀揚》豪華珍藏本 至Goal Club開訂送親筆簽名

邱瑞新喺今期第999期《火武耀揚》專欄,登咗第二輯《火武耀揚》豪華珍藏本嘅首期封面相,依舊係男一火武掛帥,背托大大個「忠」字,係型嘅。提提你,此書一套九期完,每本$48,鐵定12月19日出版,家陣去「至Goal Club」落訂,可以有埋瑞新親筆簽名,係咪爽皮先?

Read more ›

黎達達榮《十七樓叉燒》11月24見街

黎達達榮《十七樓叉燒》11月24見街

我有買黎達達榮《十八樓燒肉劇場》,所以無可能唔買埋姊妹作《十七樓叉燒》,新書將於本周六推出,309頁,每本$90。「至Goal Club」有售,老闆新哥嘗試安排黎達達榮親臨現場為大家簽名,希望成事。

Read more ›
謝志榮《鬼妝》 至Goal Club返書有售

謝志榮《鬼妝》 至Goal Club返書有售

謝志榮復刻作《鬼妝》聽講口碑同銷情都唔錯,之前無去「收藏家港漫專區」參加發佈會嘅朋友,可以去「至Goal Club」補書,全部有親筆簽名,一期完,每本$20。

Read more ›
周勝新作《醒獅》 邱福龍賀圖加持

周勝新作《醒獅》 邱福龍賀圖加持

久違了的周勝,有新作《醒獅》推出。故事講乜?只有以下短短簡介:「改編自舞劇、講述南拳與醒獅故事,以傳統港漫高質素方式製作,將香港漫畫風格特色輸出!發揚光大!延續港漫文化!」即係點?即係好老實要睇過先知點,不過一來有邱福龍賀圖加持,二來封面又畫得幾靚仔,三來「周勝」兩個字對我嚟講始終有號召力,所以如無意外都會撐一撐。《醒獅》有兩個版本,劇場版$98、普及版$40,限量500本,「至Goal Club」開售,有買趁手。

Read more ›
周勝推出《醒獅》 至Goal Club預訂

周勝推出《醒獅》 至Goal Club預訂

久違了的周勝呀,好耐都見有作品推出的周勝呀,早個禮拜佢喺面書Post張正圖,話「爲畫展準備」。擒日,佢又出Post話將會推出《醒獅》,呢本係廣州歌舞劇院創新舞劇漫畫,題材係南拳乘醒狮,有心捧場的話,可以向「至Goal Club」預訂。

Read more ›