Tag: 自動

日本Google搜尋功能 自動計算年齡橋本環奈過千歲

日本Google搜尋功能 自動計算年齡橋本環奈過千歲

Google搜尋有好多便利功能,最近有日本網民就發現咗呢個,快速查閱藝人大泉洋嘅年齡,輸入「2019年の大泉洋」,就會睇到佢今年46歲,貪玩啲輸入「2571年の大泉洋」,人中會見到「598歲」嘅搜尋結果!之後好多網民一齊玩,橋本環奈變咗過千歲,好好笑,入嚟有得睇。可惜試過用同一方法喺Google香港搜尋,似乎無得玩。

Read more ›

日本首部Tenga自動販賣機 唔怕尷尬24小時買到

日本首部Tenga自動販賣機 唔怕尷尬24小時買到

要嚟嘅終於嚟嘞,講緊嘅係全日本首部Tenga自動販賣機,以後24小時唔駛怕尷尬都可以買到。地點位於北海道札幌市嘅薄野,係著名嘅紅燈區,門口有塊細細嘅布簾,減低尷尬感,不過同日本嘅煙酒自動販賣機一樣,都裝咗年齡識別系統,8月1日開始啟用,官方話反應好嘅話會陸續喺其他地區開設。順帶一提,除咗不同款式嘅Tenga之後,部機入面仲有能量補充飲品,好貼心。

Read more ›
【新片速報】日本網民天才級發明 香腸自動篤芒器

【新片速報】日本網民天才級發明 香腸自動篤芒器

有無方法可以代替人手不停篤手機芒?日本有網民設計咗呢個裝置,喺100円店買兩包奶一條腸,之後將部手機綁實,然後啟動摩打裝置‥‥‥香腸不斷撳個芒,慳返好多手力,打機一流。樓主仲話條腸之前已經煮熟咗,撳完芒之後可以食埋佢唔好嘥,天才!

Read more ›
【有片】日本LEGO神人超強創作    扶手電梯Twitter熱傳

【有片】日本LEGO神人超強創作 扶手電梯Twitter熱傳

成日都覺得LEGO嘅高手在民間,日本仲特別多,最近有日本網民分享咗佢嘅創作,係一條扶手電梯呀!雖然條梯短短哋,但就裝咗摩打真係識郁,好正,而且應該好安全。除咗電梯之外呢位網民仲分享埋其他作品,都係電動嘅,超勁,入嚟有片睇。

Read more ›
自動販賣機有得買Like $8蚊港幣買到100個

自動販賣機有得買Like $8蚊港幣買到100個

啲page買假Like呢啲都見唔少,即係你見有啲page有過10萬人讚咗,但啲post就十幾廿幾like都未必有,咁……好喇,不過佢哋買like都係鬼鬼祟祟咁,冇呢部機咁公然啩?有遊客就喺俄羅斯莫斯科見到呢部機,可以幫你喺instagram買like,50 rubles,即係唔駛$7港幣就買到100個like,之後佢仲發現有套餐,只要$850美元,就可以買到150,000 followers,保證每個post會有1500個Like!好啦我o依家玩命,我決定如果呢個post唔夠10個like,我就漏夜買機票飛去俄羅斯……咦但我呢個係facebook專頁嚟喎?

Read more ›
【有片】自動旋轉燒章魚丸工具      唔怕燶懶人必買

【有片】自動旋轉燒章魚丸工具 唔怕燶懶人必買

燒章魚丸諗起都想食,市面上都有好多款工具可以整到,不過就無呢款「自動たこ焼き器」咁全自動咁方便嘞!全個過程靠蒸氣操作,中間個蓋不斷打開,輸出嘅蒸氣令到每粒燒章魚丸自動旋轉,話咁快就食得,唔駛手忙腳亂逐粒轉驚佢燶喎。

Read more ›

【有片】點飛都中紅心!飛鏢靶自動移動

【有片】點飛都中紅心!飛鏢靶自動移動

如果玩飛鏢下下都中紅心,玩就未必好玩,但有型囉。前NASA所屬工程師Mark Rober就研發呢個裝置,只要唔好飛太離譜,個靶都會追蹤自動移啱位俾支鏢插中紅心,點飛都得。

Read more ›
損傷太誇張 日本自動售賣機大破壞

損傷太誇張 日本自動售賣機大破壞

早兩年都見過有人燒機,今次仲誇張,唔知用咩先可以做到呢個損傷。漫畫家「山本さほ」喺Twitter出咗幾張圖,就係日本最多嘅「自動販売機」被破壞……呢啲情景,係咪末世先會出現?好口渴呀!

Read more ›

【新片速報】日本Amazon貨倉直擊 最新引入自動運輸儀器

大家喺日本Amazon訂嘢訂得多,究竟佢哋嘅貨倉係點運作嘅呢?呢段片有位靚女職員親身介紹,俾大家深入Amazon嘅日本貨倉,原來佢哋最新引入咗一個圓形盤嘅新儀器,呢個裝置有啲似自動吸塵機,可以抬高貨架再運送去指定位置,離遠睇成個貨倉嘅貨架自動走嚟走去,整齊得嚟好奇妙,喺入面做職員都輕鬆啲。

Read more ›

【有片】喵星人坐私家車順便吸塵 打晒喊露勁囂張

咩事?點解呢隻喵星人咁囂張,坐喺張私家櫈度打喊露?其實佢係試緊之前好多喵都玩過嘅自動吸塵機,不過人哋企喺度玩,佢就型啲,有貓奴為佢準備咗個紅A膠箱改建嘅貓車。睇佢坐得咁穩,撞牆都完全唔怕,但係坐到反晒肚楝晒腳會唔會太霸氣外露?

Read more ›

【有片】日本電車自動升降坐椅 繁忙時段有櫈坐

呢個日本「京阪電車5000系」電車裝置,之前都介紹過,啱啱有日本網民又拍咗片放上Twitter,片中見到列車車門嘅位置頂原來有個神秘裝置,打開之後有張長櫈自動降落,用完又可以升返上去。有網民留言話未見過好新奇,樓主話主要係繁忙時段降落等多啲人有位坐。不過張櫈其實唔知坐幾耐會升返上去,唔識日文聽唔明廣播坐上去就驚驚哋嘞。BTW,好多網民反而對後面馬賽克咗嗰兩個男士好有興趣‥‥‥

Read more ›

【新片速報】3個月研發自動早餐機 烘多士/烚蛋全自動

放假起身梗係想食返個早餐,不過無人煮俾你食?外國兩個男人Peter Browne同Mervyn Huggett為咗解決朝早要煮早餐俾老婆食呢個難題,一齊用3個月研發咗呢部自動早餐機。可以自動烚蛋、烘多士同沖茶或咖啡。仲會跌埋份報紙落嚟,食完又會自動移走去垃圾桶。你話佢唔係幾實用?佢哋講明今次製作主要目的係令大家笑吓。如果以氹老婆嚟計?好肯定係滿分嘞。

Read more ›

日本售賣飲品機 神秘飲品竟然係……

大家都可能試過,就係去到便利店或者飲品機前,諗唔到飲咩好……咁如果飲品機有一欄係「なにかな?」等大家唔知飲咩,由售賣機幫你決定,你會唔會試?呢位日本網民就走去試喇,結果出嚟嘅係……燒肉醬汁。有人話咁樣做根本就係犯規,亦都有人話今晚食燒肉就得啦,仲有人好認真咁提醒佢,一口氣飲晒應該會危害健康……

Read more ›

有片 自動縛鞋帶《回到未來》波鞋等量產

《回到未來》嗰對識得自動縛鞋帶嘅鞋,我都好想要返對,啱啱喺Kickstarter見倒真係有得買,而家集緊資等量產,名為Powerlace,唔駛用電,可以自動縛足20萬次。20萬次,斷估都夠用,咁如果過咗20萬次之後點算好?到時你對鞋底都爛咗,係時候換個對識自動著自動縛鞋帶自動行嘅新波鞋。

Read more ›

古惑巴打專用App 自動發送冧女訊息

好古惑!有女朋友嘅都試過比BB豬問你做乜呢排少咗send message比佢,呢個叫BroApp嘅應用程式,可以幫你定時定候自動send訊息比女友,sweet爆訊息唔駛自己諗有得抄,仲可以設定幾時send出去,最貼心係為防你同女友一齊時唔覺意send咗訊息穿煲,程式比你預先設定女友屋企嘅Wi-Fi網絡,一接收倒就會停止send訊息。不過想用嘅話,首先要識返個鬼妹女朋友先‥‥‥

Read more ›