fbpx

Tag: 胡智杰

買《2018澳門漫畫家巡禮月曆》=做善事救貓狗

買《2018澳門漫畫家巡禮月曆》=做善事救貓狗

令人喘不過氣來嘅2017年就快過,2018年月曆又係時候出籠。Fine,如果未有新月曆嘅,不妨考慮買番個《2018澳門漫畫家巡禮月曆》,內有十位澳門漫畫家作品,包括胡智杰、陳文、少權、蓮生、戴鈺珺、尹泰利、老作、張和燦、占美同葉雄。係,我孤陋寡聞,除咗尹泰利同胡智杰外,其餘八位漫畫家大名,我一個都唔識,但但但,由於收益會直接捐畀「澳門毛孩守護舍」,所以值得一撐,每本$50。老實,一啲都唔貴,依家向「至Goal Club」購買,仲可以得《澳門漫畫家巡禮》一本同神秘禮物一份,如此有意義嘅善事,我諗大家都會出一分力,呢五條草,無得慳嘞啩?

Read more ›

胡智杰打得又畫得 《中國拳皇2》開賣

胡智杰打得又畫得 《中國拳皇2》開賣

利申,雖則偶像福龍推介過,但我係無睇過《中國拳王1》嘅,記得創刊號以作者胡智杰身兼漫畫家同拳擊手雙重身份作招徠,正宗打得又畫得,內容應該好真實,情節應該好有說服力,我都係無買。不過我認我膚淺,諗嘢好直線好理所當然,咁家陣出到第二期嘞,即係證明創刊號有番咁上下銷量喇,又既然有番咁上下銷量咯,咁即係本書應該好睇喇,嗯……搞到我依家想一次過買晒兩期慢慢煲,每本$78,唔知大家又點睇?

Read more ›
福龍推介《中國拳王1》 拳擊手胡智杰編繪

福龍推介《中國拳王1》 拳擊手胡智杰編繪

畫得又打得,又係厲害喎,講緊嘅係前澳門拳擊代表胡智杰,佢出拳叻,估唔到揸筆都有番咁上下,繪畫《中國拳王1》,拳手畫拳擊漫畫,夠內行,估計內容唔會差得去邊,宣傳海報幅構圖都畫得唔錯。最重要係連邱福龍都幫拖宣傳,佢喺今期《鐵將縱橫》「福龍周記」話:「胡智杰既係漫畫家又係拳擊手,由佢將中國首位奧運冠軍鄒市明嘅奮鬥經歷寫成漫畫自然最有真實感同說服力,呢部《中國拳王》,風格獨特有別一般漫畫,好有新鮮感。」至Goal Club現已接受訂購,每本$78,撐唔撐睇你嘞。

Read more ›