Tag: 肯德基

日本熱烈討論「肯德基上校」  蝴蝶結定短手短腳?

日本熱烈討論「肯德基上校」 蝴蝶結定短手短腳?

KFC大家食得多,呢個肯德基上校嘅標誌大家都見慣見熟,不過有日本網民就發現上校頸部嘅蝴蝶結,其實可以睇成係佢縮細咗嘅手手腳腳,最恐怖嘅地方係一旦你用咗呢個睇法之後就回不去了‥‥‥網民出咗好多圖回應,入嚟有回帶。

Read more ›

日本網民夜媽媽嚇爆 爛面肯德基叔叔街頭奸笑

日本網民夜媽媽嚇爆 爛面肯德基叔叔街頭奸笑

夜媽媽見到呢啲情景真心驚!日本呢位網民夜晚踩單車,途中見到呢一幕,有隻肯德基叔叔嘅1:1雕像喺正馬路旁邊,笑笑口塊臉仲要爛爛哋,嚇到佢想尖叫。睇返資料,其實呢隻恐怖肯德基喺3年前已經有人分享過,當時嘅位置係喺日本嘅岐阜,估唔到事隔咁耐,佢依然屹立不倒。之後其他網民都分享佢哋夜晚見到嘅恐怖嘢,入嚟有回帶。

Read more ›
KFC推出「斷絕上網帳篷」 專心食炸雞天價賣8萬蚊

KFC推出「斷絕上網帳篷」 專心食炸雞天價賣8萬蚊

一萬蚊美金夠買幾多件KFC炸雞?所以呢個官方出嘅KFC帳篷Internet Escape Pod相信都係gimmick嘢,應該無乜人買。個帳篷聲稱可以坐到4個人,最正係肯德基爺爺爬喺帳蓬頂伸長晒啲手手腳腳包圍住你,門柄都係炸雞嚟嘅。而且因為用咗特別物料,入咗去就會隔絕網絡,上唔到網就可以專心食炸雞嘞。又因為美國Black Friday之後就到網站瘋狂減價嘅Cyber Monday,所以上唔到網即係慳到錢啦。BTW,唔講唔知,原來肯德基爺爺係著Loafers鞋架。

Read more ›
日本女裝褲神似KFC炸雞 潮流嘅嘢無人明

日本女裝褲神似KFC炸雞 潮流嘅嘢無人明

潮流嘅嘢有時真係好難明,有日本網民最近喺樂天網站見到呢條褲,佢話即時聯想起KFC嘅雞。之後網民不停放圖,有人話應該要配煲呔,有人話其實似紅蘿蔔。不過睇完依然好想買嘅,入嚟有Link,賣9200円,送俾鍾意食KFC嘅女仔朋友都唔錯。

Read more ›
食KFC拆骨大法 日本網民分享食雞圖Twitter熱傳

食KFC拆骨大法 日本網民分享食雞圖Twitter熱傳

印象中喺KFC無睇過呢張新手指南,都有可能因為近年通常都係嗌外賣居多。講返正題,最近有日本網民放咗幅KFC教食雞嘅圖文指南上Twitter,原來食唔同嘅部位都有唔同嘅貼士,最估唔到係食腰部位置時,原來可以伸手拎走啲大腿骨出嚟先,好多網民都係第一次見,仲有人出圖表達佢嘅心情‥‥‥‥

Read more ›

【係咪寒酸?】日本女友用KFC炸雞殘渣煲湯 樓主:「有啲想同佢分手」

肯德基炸雞大家都鍾意食,咁KFC雞骨湯呢?最近有位日本網民喺2ch討論區訴苦,話女朋友將食完嘅肯德基炸雞殘渣拎去煲湯,佢覺得好寒酸,有啲想同佢分手。好多網民留言都同意咁做好污糟,樓主補充話女朋友有拎啲骨去洗,但都覺得好嘔心。不過亦有網民持相反意見,認為女朋友知慳識儉幾好喎。而且重點係煲湯嘅骨只係佢哋兩個食過,而唔係屋企人或者朋友食剩嘅。大家點睇?BTW,其實日本都有唔少影片同媒體試過用KFC煮食,甚至係將食剩嘅骨攞嚟煲雞湯,入嚟有回帶。

Read more ›

【有片】KFC雞桶變即影即有相機 雞迷很想要

KFC都幾活躍,之前又出雞型手鍊,又出Pizza版炸雞,最新有呢個60周年活動,平時家庭裝外賣個大雞桶變咗即影即有相機,都幾突兀。睇官方短片見到,雞桶底部多咗幾粒掣,用手機影完相再傳送到雞桶,撳粒掣就會彈張印好嘅相出嚟,最啱成班friend圍埋一齊食雞時玩,官方暫時未公佈詳情,估計係會留幾部送比幸運兒咁啦,可惜似乎只限加拿大雞迷有份玩。

Read more ›

肯德基唔係雞? 直擊製作過程10個工序

成日有人質疑肯德基用嘅唔係真雞,繼日前麥當勞拍咗條直擊製作工場嘅片之後,KFC肯德基啱啱都玩直擊工場,今次去咗佢哋路易維爾嘅廠房,原來要製作炸雞需要經過10個工序,不過講真又同阿媽喺屋企炸雞嘅程序相差無幾,入嚟有GIF睇。唯一發現係我哋唔會喺屋企整倒家鄉雞,因為佢哋用嘅係特製調味料,另外佢哋用嘅真係雞(似乎係),最後就係嗰度嘅員工Lunch真係可以日日免費食炸雞,不過佢哋唔制。

Read more ›

有片 KFC炸雞襟花 $20隻火速售罄

唔係講笑,呢個KFC炸雞襟花唔係fans made,而係美國KFC嘅新產品,每隻盛惠美金$20。推出幾日超好賣,第一批100個火速售罄,而家開始有第二批,手快有手慢無!今次係美國KFC同一間花店合作,限量供應炸雞襟花,KFC仲好認真拍埋短片推廣,不過提供網上訂購嘅花店講明隻炸雞要自備,唔,或者咁先顯出你嘅盛意啦。下次有飲宴,記住全場兄弟姊妹一人一隻,包唔會餓親。

Read more ›

日本KFC肯德基 X Hello Kitty 聯乘出套餐

Hello Kitty真係乜都夠膽!聖誕節喎,梗係食炸雞啦,啱啱日本KFC肯德基宣佈同呢隻貓合作,出新年限定嘅「重箱」套餐,跟餐有紅色盒送,上面印有肯德基叔叔攬住Hello Kitty嘅溫馨圖案,一個套餐三件雞三隻雞翼三包薯條好飽肚,賣2200円,12月26日至1月8日數量限定推出。1月1日仲有肯德基福袋賣(2000円),有浴巾、毛巾同埋利是優惠券,另外仲有賀年利是袋(1000円),入面有兩張雞券加一張薯條券,食完仲可以換條毛巾抹嘴,叔叔變咗肥版cute樣,好有福氣。

Read more ›

KFC炸雞蠟燭 聞咗當食咗

話咁快仲有兩日又放假,有咩開心得過邊打機邊食KFC炸雞?如果掛住炸雞但係又怕熱氣,不如買呢盒KFC炸雞味蠟燭,聞咗當食咗。設計師Kathy Werking擺明係炸雞之友,因為除咗KFC蠟燭,佢仲將會出埋外國KFC嘅必嗌飲品Ale-81嘅香味蠟燭,全部都係限量版。試幻想夜晚一邊打機一邊聞住炸雞香味,係咪好肚餓呢?

Read more ›

邊揸車邊食雞 KFC兩年時間研發雞杯套餐

兩年時間,你食咗幾多次KFC,幾多隻巴辣香雞翼?不過呢兩年KFC就發明咗呢個叫KFC Go嘅杯,用嚟裝住一件件雞,呎吋啱啱好可以插喺車入面嘅飲品架,等車主可以一邊揸車一邊食雞,係咪好偉大好細心好感人?一杯賣美金$2.49,不過睇落size好細,當下午茶就差唔多!有齊雞翼、雞件、雞飽同埋我最鐘意嘅薯角,香港會唔會引入呢?

Read more ›

肯德基變雞頭骷髏頭 玩嘢設計超傳神

呢個究竟係咪肯德基叔叔?手上面揸住隻雞槌捧住桶雞,好傳神,最正係除低個頭之後,叔叔竟然變咗雞冠頭,勁玩嘢!西班牙設計師Frank Kozik出名鐘意惡搞名人,之前玩過毛澤東同埋布殊,最近居然連肯德基叔叔都唔放過,同設計公司Bigshot Toyworks合作出骷髏頭肯德基。暫時只得幾張圖,未知呎吋同埋幾時賣,雞迷要密切留意喇。

Read more ›

懶人食粟米 掃一掃零痛苦

我好鍾意食塞米,但係又成日嫌麻煩怕黏牙。以前有朋友教我,先逐粒拔出留一行空隙,之後就可以逐行啪出嚟食,我而家想介紹返呢個粟米冬甩機比佢。將粟米垂直,由上至下搭一次升降機,就可以將所有粟米跌晒落個貌似冬甩嘅容器入面,好科學化好高科技。我諗住下次去肯德基表演,諗起都型。

Read more ›

肯德基 X 《龍珠 Z 神與神》 叔叔變悟空計劃正式始動!

肯德基變孫悟空,算係Crossover?定係Cosplay?定只屬惡搞?睇番幅相嘅背景,成個公仔又正正經經戙喺日本某間KFC大門口喎,唔似玩嘢喎。其實之前都報導過,不過今次就有肯德基高清圖,由2月15日起,叔叔將會打扮成孫悟空造型,拎住總共七粒龍珠,喺日本七間KFC分店出現。另外仲會推出龍珠特別版套餐,跟餐有有水樽送,個水樽頂仲有粒識發光嘅龍珠,幾精緻,一式七款有齊笛子魔童、莊子等角色,仲計劃整埋特製外賣袋。除此之外,仲加咗啤牌同龍珠棋等精品,官網仲有兩張3月30日上映嘅新劇場版《龍珠Z 神與神》Wallpaper俾大家下載!

Read more ›