fbpx

Tag: 肥良

肥良拍片Sell 3D打印海虎Figure 動漫節送復刻手稿

肥良拍片Sell 3D打印海虎Figure 動漫節送復刻手稿

話說肥良都好積極地參與今年動漫節,會推出海虎3D打印1:12元祖復刻版Figure,每隻有獨立編號,首批截訂日期7月26日,講明45日後取貨,售$1680。另外,為咗谷起個勢,佢唔單止搞笑地扮魚將自己Key入宣傳片,仲搞咗個小抽獎添,獎品係三張復刻手搞,7月24號截止,得獎者可以喺7月26日動漫節攤位領取獎品。Very fine,好事,硬係覺得有番肥良呢一號人物,港漫界將會熱鬧起來。

Read more ›

肥良來了 海洋漫畫登陸bilibili

肥良來了 海洋漫畫登陸bilibili

肥良強勢回歸港漫界?苟如是,應該係好事。話說YouTube頻道「Ocean Channel海洋頻道」同面書「OceanComics」同步宣佈,海洋系漫畫將會陸續上載至平台「bilibili」,第一套上載作品係《海虎》系列,之後到《武神》系列,大家可以留意吓,希望唔係簡體字喇。

Read more ›
肥良影相加持 《賓治Buddy漫畫集》1月27日見街

肥良影相加持 《賓治Buddy漫畫集》1月27日見街

雖然今朝返工巡樓下書報攤暫未見書,但《賓治Buddy漫畫集》正式創刊日期係1月27日即係今日呀,個封面咁搶眼,斷估一定吸引到你眼球,每本$30。喂,創刊號仲得肥良加持添呀,有相為證,佢拎喺手笑容滿面爭在未豎起手指公。希望大家多多支持本地創作,買番本睇睇喇。

Read more ›
有片:肥良自編自導電影《母夜叉》 搵大佬孝拍鬼片

有片:肥良自編自導電影《母夜叉》 搵大佬孝拍鬼片

就他媽的真的估不到吧,肥良就並給了我一個究極驚喜的了。無聊Loop YouTube,驚覺肥良原來有套自編自導電影《母夜叉》,綜觀整條電影預告,擺明係一個「做鬼都唔會放過你」的鬼片來的。而Cast方面,暫時我只認識一個大佬孝,即邵仲衡。而片中最深刻對白,亦係出自飾演發財哥嘅邵仲衡之口:「惡有鬼用呀?呢個世界,你惡唔惡得過錢吖?」肥良說得對一半而已,查實比錢更惡的,係發窮惡呀。《母夜叉》喺嚟緊7月2日上映,你會唔會撐?我肯肯定會。

Read more ›
《海虎》廿週年 出水晶眼骷髏頭皮帶

《海虎》廿週年 出水晶眼骷髏頭皮帶

《海虎》手遊,我感覺麻麻,但呢條為慶祝《海虎》廿週年推出嘅水晶眼骷髏頭皮帶,我反而有啲興趣,唯一要考慮嘅係──價錢唔平,每條盛惠$2000。皮帶由海洋同潮物品牌wavewoo聯乘推出,肥良親自設計,骷髏頭兩個深陷眼洞鑲滿swarovski水晶,睇落總算貴得有道理。依家訂購,即送原價$1200嘅Yin或Yang(太極)皮帶,兼送多一張特別證書。你問我買唔買?唔,老實,Still考慮緊,又或者過埋呢個禮拜三有定案,睇吓啲馬仔生唔生性喇。

Read more ›
《海虎2.5末世曙光》創刊 點解賣貴一蚊?

《海虎2.5末世曙光》創刊 點解賣貴一蚊?

為手遊《海虎》做宣傳,推出《海虎2.5末世曙光》實屬無可厚非嘅,手遊我無玩呀,書我就有撐,但可惜,我真係唔多睇得明內容想講乜。內文公仔質素靚到爆,格格都精雕細琢,但旁白說明同人物對白,唉,Sorry,暫時真係Get唔到,可能係創號刊關係啦,希望第二期可以交代得清楚啲。有無失望?都無好大失望嘅,睇得肥良作品就預咗係咁嘅Feel,唯一吊詭之處係賣貴人一蚊,暫時貴絕薄裝港漫。一蚊,唔多,但背後原因卻令我摸不著頭腦,肥良喺專欄咁解釋:「……雖然那一元可能因為讀者朋友『條氣唔順』而大大影響銷量,但當之前自己話過當行家朋友不想和我一起加價,到他們加價後我會多比他們貴一元,我最少也在廿週年的海虎2.5裡守這承諾……」老實,呢種承諾有乜好守?喺讀者如我眼裡面,呢個……個人認為,肥良迷不喜勿插呀,只不過係不成藉口嘅加價藉口。

Read more ›

四封面版本+海報  《集結號》創刊繼續玩影射

四封面版本+海報 《集結號》創刊繼續玩影射

    擒日下晝三點,踎茶餐廳煲剛創刊嘅《集結號》,我睇得好留心,煲咗足足一粒鐘。點解咁留心?因為《集結號》一如肥良接手嘅《新著中華英雄》繼續玩影射,不過今次影射嘅係大渡八大主筆本身,淨係估邊個主角影射緊邊個主筆,已經好過癮。好唔好睇?我中肯答──OK好睇,唔討厭,表達嗰股誓死搞好港漫嘅熱血豪情,作為死忠港漫迷,係撐得過嘅。

Read more ›
《海虎The Beginning》6月6日創刊

《海虎The Beginning》6月6日創刊

絕對係期待之作呀,肥良決定再編寫《海虎》,新書叫《海虎The Beginning》,鐵定6月6日創刊,依舊行大渡精裝書形式,每本$35,一期完,我撐硬。

Read more ›
《末世北斗》創刊 唔玩影射講人性

《末世北斗》創刊 唔玩影射講人性

呢條News係遲咗一日,不過無計,大渡唔知搞乜鬼,派書嚴重不均,油塘一帶書報攤總係遲一日兩日先見書。入番正題,今次肥良做番齣好戲,《末世北斗》好睇過《2014新著中華英雄》N倍。

Read more ›
《新著中華英雄》續刊 「便」來「並」去好煩

《新著中華英雄》續刊 「便」來「並」去好煩

《新著中華英雄》續刊見街嘞,故事好正,封面好靚,但價錢好貴,內文同旁白說明好煩,肥良始終係肥良,有說故事能手當之無愧,但嗰種十年不變嘅海虎味,套落《中華英雄》,未必人人都受。

Read more ›
瓊天又唔使死 肥良接手《新著中華英雄》

瓊天又唔使死 肥良接手《新著中華英雄》

講狠,始終係牛佬夠狠,《古惑仔》福田一役夠膽整死八大角色;鄺彬強本《新著中華英雄》呢,第一輯剛剛完結,結局一如所料,瓊天又係唔使死,期望由肥良揸旗嘅第二輯,會有更精彩故事啦。

Read more ›