Post Tagged with: "肥仔"

【新片速報】肥仔食麥記開心到喊 疫情後重開太驚喜
by / on 31/05/2020 at 7:17 am

【新片速報】肥仔食麥記開心到喊 疫情後重開太驚喜

鍾唔鍾意食麥記?新加坡呢個肥仔好誇張,媽咪買咗麥當勞餐返去俾佢,佢竟然開心到大喊,仲攬住嚿麥樂雞當寶。段片喺網上熱傳,原來呢位肥仔Adam最鍾意嘅食物係麥樂雞、薯條同雪糕,可惜疫情下新加坡嘅麥記由4月19日開始關閉,5月11日重開當日佢媽媽為咗俾個驚喜Adam,偷偷買咗麥記返屋企,當肥仔Adam發現時就開心到喊,段片超好笑,入嚟有回帶。

Read more ›

日本奇譚「肥仔動物」系列扭蛋 兇惡鱷魚變大肚腩
by / on 28/05/2020 at 7:11 am

日本奇譚「肥仔動物」系列扭蛋 兇惡鱷魚變大肚腩

日本扭蛋公司奇譚最近同台灣嘅RBen Studio合作,推出呢款超肥仔動物系列扭蛋「アニマルフィギュアマスコット」,每款動物都頂住一個大肚腩,有北極熊、大象,連平時好惡嘅鱷魚都變咗肥肚腩版本,超可愛。預計9月發售,鍾意嘅記住留意返嘞。

Read more ›
肥仔都是潛力股?變瘦仲要京大法學部畢業 網民發現時空扭曲
by / on 25/03/2020 at 3:30 pm

肥仔都是潛力股?變瘦仲要京大法學部畢業 網民發現時空扭曲

首先,呢位日本網民就喺Twitter出咗兩張圖,同一個背景,肥仔變瘦仔,佢仲話自己啱啱喺京都大學法學部畢業,呢四年學咗好多法律知識又唔見咗好多脂肪。不過之後就有網民發現佢張靚仔相頸部位置嘅背景出現時空扭曲嘅情況,疑似執過吓……但其實睇其他相,係瘦咗嘅,不過可能嗰張再加工咁解啫。

Read more ›
【有片】日本肥仔5個月減走巨腩     6嚿腹肌不是夢Twitter熱傳
by / on 26/08/2019 at 7:55 am

【有片】日本肥仔5個月減走巨腩 6嚿腹肌不是夢Twitter熱傳

係值得炫耀嘅,有日本網民用咗5個月時間,成功將個巨腩踢走,換成6嚿腹肌,個樣仲變到彭于晏咁,佢話自己只係喺屋企健身,再加埋節食就有咁嘅效果,而張相就係用Apple Watch用同一個角度影嘅,好有鼓勵性!入嚟仲有得睇埋段教做運動嘅短片,6嚿腹肌不是夢呀!

Read more ›
成功混入畢業禮       外國肥仔扮畢業生行禮
by / on 26/05/2018 at 1:27 pm

成功混入畢業禮 外國肥仔扮畢業生行禮

邊個話要讀完大學先可以行畢業禮?外國呢位肥仔Jaron Myers就成功混入畢業禮扮畢業生!佢用38蚊美金買咗件畢業袍同頂畢業帽,仲用Photoshop整咗張學生證,之後就殺入畢業典禮,仲成功上埋台、拎埋證書、握埋手同影埋相!其實佢4年前已經輟學,今次純粹貪玩,網民嘅反應就好兩極化,有人讚佢係天才,有人話佢唔尊重其他畢業嘅人,不過佢本人就留言反擊,話唔係大學畢業唔等於個人唔勤力或者唔會貢獻社會,入嚟有回帶。

Read more ›
【新片速報】日本自信的肥仔 課室跳舞表演Twitter熱傳
by / on 01/06/2017 at 7:58 am

【新片速報】日本自信的肥仔 課室跳舞表演Twitter熱傳

要做一個自信嘅肥仔,首先要有好強嘅表演慾,日本呢個肥仔同學就做到嘞!呢段片喺Twitter熱傳,肥仔同學親身表演點樣肥得嚟充滿動感。即興跳舞嘅佢唔止節奏感超強,睇落仲好輕盈,動作夠晒高難度,後面狂笑嘅同學仔相信都未必做得到。BTW,佢專登開胸嘅造型都為佢加咗唔少分。

Read more ›

【多圖】超可愛鬆毛喵IG大人氣 肥仔愛爬樹
by / on 02/04/2017 at 11:22 am

【多圖】超可愛鬆毛喵IG大人氣 肥仔愛爬樹

呢隻超可愛嘅喵星人Bone Bone各位貓奴要識,佢來自泰國,而家喺當地好高人氣。佢嘅特點係啲毛好霸氣,尤其是下巴,多到好似圍咗頸圈咁,加上佢身形圓潤,佢仲經常揹住個好似龜殼嘅黃色背囊出巡,超搞笑。而家佢每次出街都會俾好多女仔圍住,個個爭住同佢自拍,另外佢仲好鍾意爬樹,入嚟有多啲相睇。

Read more ›
【肥仔手】日本Twitter熱傳BB手   一節節肥到似麵包
by / on 16/04/2016 at 11:45 am

【肥仔手】日本Twitter熱傳BB手 一節節肥到似麵包

好多BB嘅手都肥嘟嘟好似米芝蓮人咁,好得意,最近日本有網民就將佢嘅BB嘅手同麵包做對比,估唔到出奇地相似,輯相仲好多人狂RT。不過呀B個樣似乎唔多滿意。係囉點解會食到咁肥架?

Read more ›
【感人】西非「巫孩」變肥仔 義工悉心照顧重現笑容
by / on 02/04/2016 at 12:52 pm

【感人】西非「巫孩」變肥仔 義工悉心照顧重現笑容

【感人】西非「巫孩」變肥仔 義工悉心照顧「希望」重現笑容 左邊幅圖上個月放上網後好多人瘋傳,圖中嘅2歲小朋友住喺西非嘅奈及利亞,因為被屋企人認為係「巫孩」而遺棄,喺街頭流浪咗8個月後,最終被丹麥義工Anja Ringgren Loven發現,仲幫佢改咗個名叫「Hope」(希望)。之後義工團體悉心照顧佢,經過8星期,而家Hope變咗個肥仔,仲笑得好開心,網民見到佢肥肥黑黑都好覺得安慰,只可惜佢患咗尿道下裂(hypospadias),如果想幫助佢或者其他喺西非當地嘅小朋友,可以去佢哋嘅網站捐款,香港人可以用PayPal捐款,多多益善少少無拘。

Read more ›
【零戰鬥力】肥仔綠兵出扭蛋 坐坦克車揸雙槍食爆谷
by / on 25/03/2016 at 12:26 pm

【零戰鬥力】肥仔綠兵出扭蛋 坐坦克車揸雙槍食爆谷

有頭髮邊個想做綠兵?日本TAKARA TOMY嘅「熊貓的穴(パンダの穴)」系列,之前出過肥仔綠兵,又出過綠兵動物版,最近公佈嚟緊4月仲會有第二彈嘅肥仔綠兵系列,一式6款,有雙槍雄式嘅綠兵;有坐喺彈克車上嘅綠兵;仲有食緊爆谷好high嘅綠兵,全部一睇就知零戰鬥力,不過夠好笑,每扭一次200円。

Read more ›
《TIME》雜誌封面肥仔玩Oculus 網民瘋狂改圖
by / on 14/08/2015 at 7:09 am

《TIME》雜誌封面肥仔玩Oculus 網民瘋狂改圖

呢個係嚟緊8月18日嘅《TIME》雜誌封面,有個肥仔戴住VR裝置Oculus Rift喺沙灘前做出古怪姿勢,封面大大隻字講虛擬實景技術將會改變世界。其實呢個肥仔係Oculus Rift嘅創辦人,22歲嘅Palmer Luckey呢張潛力圖好快被網民瘋狂惡搞,有人key佢落鐵達尼號度,仲有長頸鹿、復仇者聯盟、火箭升空‥‥‥好睇過原本個沙灘背景,仲好夾虛擬實景呢個主題。BTW,PS4都有個玩VR技術嘅Project Morpheus下年推出,有得玩Summer Lesson溝女,算唔算改變世界?

Read more ›

漲爆動漫角色    哥斯拉/悟空食得太飽
by / on 02/06/2014 at 10:58 am

漲爆動漫角色 哥斯拉/悟空食得太飽

連放三日假,又麥當勞又肯德基又Pizza,食得多自然有機會漲爆,唔好話普通人,英雄人物或者動漫角色都一樣會。想警惕自己,可以睇吓喺Instagram好紅嘅設計師Alex Solis嘅作品,由兩個月前開始,佢不停設計漲爆角色,題材好廣泛,由悟空、哥斯拉、Batman、瑪利奧以至LEOG同反串嘅白雪公主都有,效果好正。而且每張圖都見倒主角成手都係食物,係咪好似攤喺梳化上facebook嘅你呢?

Read more ›
卡通人物真人版   衰仔樂園真肥仔
by / on 10/03/2014 at 7:03 am

卡通人物真人版 衰仔樂園真肥仔

比人話個樣好似卡通人物,對當事人嚟講通常唔荒係好事。不過好似呢位似足衰仔樂園角色嘅肥仔又唔同,專登著返似到十足嘅服裝,擺明夠豁達搏比人讚(笑)。外國網搜羅咗一大堆卡通人物嘅真人版,大力水手、孖寶兄弟以至Simpsons都有份。唯一想投訴係似獅子王嘅真獅子‥‥‥喂,hea咗啲喎!

Read more ›
網站遊戲 狂餵薯條 超級英雄變肥仔
by / on 30/11/2013 at 7:11 am

網站遊戲 狂餵薯條 超級英雄變肥仔

超級英雄同女人一樣,唔時刻keep住好易走樣,最近有外國減肥公司,搵咗插畫師將超人、蝙蝠俠、蜘蛛、雷神同埋Iron Man全部變晒爆衫嘅肥仔肥佬,入到網站見倒英雄肥肥哋,旁邊撳掣有得餵佢狂食薯條,食完即刻肥足兩個碼,唔夠喉仲可以再餵,直到佢爆衫為止。睇完心都寒埋諗起自己個大肚腩?旁邊有得撳”Diet”掣,撳完英雄嘅腹肌即時出返嚟,有計喎。

Read more ›