【大時代】中國男人炒燶股 街頭賣草泥馬套現

最近中國股市大跌,好多人輸到傾家盪產,昆明市呢個男人甚至要賣埋屋企隻草泥馬,件事仲傳到去日本。睇相見到隻草泥馬生得高大可愛,個身就掛住大大個牌寫住:「炒股失敗,神獸出售」,據知個男人炒股蝕到要抵押間屋同埋架車,但都唔夠數,最後要賣埋心愛嘅草泥馬,可惜似乎佢開價太高,最後賣唔出。有日本網友就話:「賣咗之後可能會比人食咗喎。」、「似乎草泥馬唔係用嚟食嘅。」、「賣晒所有嘢最後先賣草泥馬,佢都算有良心。」希望佢賣唔出啦,隻草泥馬咁可愛。

Read more ›