Post Tagged with: "聶風"

網圖分享:聶風跳閘機會點樣樣?
by / on 30/09/2019 at 4:57 pm

網圖分享:聶風跳閘機會點樣樣?

側手翻、前空翻、出腳刀直接踢閘、跨欄……呢期興跳閘機,Pen So喺面書問咗個好有趣嘅問題:「如果聶風跳閘機又會係點?」我腦海即刻建構到以下畫面──來無蹤,去無影,風神腿一跨,緊接步風足影而去,之後閘機會結霜……幻想吓啫。

Read more ›

馬榮成「製作私人獨有的表情符號」 幾時有風雲?
by / on 07/12/2018 at 7:45 pm

馬榮成「製作私人獨有的表情符號」 幾時有風雲?

係遲來了少少,但無損港漫迷興奮心情,馬榮成剛喺面書留言曰:「最近發現了一個手機應用程式,可以用來製作私人獨有的表情符號,便急不及待下載並開始嘗試繪畫,覺得非常有趣。」暫時所見,構圖只得Q版馬Sir,喂,幾時畫埋雲師兄同風師弟呀,懷空懷滅絕無神都正啫,我諗好多讀者都好鍾意呀喂。

Read more ›
T-dult《風雲》Tee別注色 聶風握冰藍色雪飲刀
by / on 26/09/2018 at 9:59 pm

T-dult《風雲》Tee別注色 聶風握冰藍色雪飲刀

留意番,9月26日即係今晚十點,T-dult推出嘅《風雲》、《今晚打喪屍》同《新著龍虎門》Tee會上架。《今晚打喪屍》同《新著龍虎門》Tee係舊款,家陣優惠價發售;至於聶風Print嗰件,就算係新嘅,事關係Based on之前風雲結局畫展推出嘅同一款,不過今次就將雪飲刀換上冰藍色,都OK型,值得入手。

Read more ›
有片:超正!聶風火麒麟雕像開箱!
by / on 10/09/2018 at 8:22 pm

有片:超正!聶風火麒麟雕像開箱!

馬榮成喺面書透露,上年10月咁上下開始接受預訂嘅聶風火麒麟雕像,上星期已經開始派貨。家陣有開箱片睇,之前話嘅可拆眼罩普通頭、額頭有麒麟眼嘅入魔頭有找數;揮手刀、反手持刀等姿勢擺到好順滑;頭髮亦做到飄逸感覺,四肢比例唔錯;座下隻火麒麟亦做得好有氣勢,係唔知點解火麒麟身體唔做成火紅色,取而代之卻係類似鱷魚身體咁嘅顏色。整體嚟講,水準係好高嘅,一定吸睛,如果我可以擁有就好咯。

Read more ›
聶風加步驚雲變身單車選手 宣傳博愛籌款
by / on 18/12/2017 at 8:46 pm

聶風加步驚雲變身單車選手 宣傳博愛籌款

「風師弟!」「雲師兄!」「事不疑遲,一早出發,為博愛籌款!」啲對白好似好奇怪咁呀呵?係,我都覺,不過啲公仔同張海報,我依然覺得好靚。講緊嘅係馬榮成為「上海商業博愛單車百萬行」宣傳片,特登貢獻咗幾個動畫Shot出嚟,聶風加步驚雲變身單車選手,加埋啲配音,睇落都幾搞笑。咁即係點呀?即係為善事大家好應該出一分力,單車踩得掂嘅,報名囉。

Read more ›
終於買得起!3D聶風火麒麟海報$200!
by / on 24/10/2017 at 4:59 pm

終於買得起!3D聶風火麒麟海報$200!

終於有啲機會係屬於我架嘞,聶風火麒麟雕像我買唔起,但聶風火麒麟3D立體海報我買得起,每張$200,全港限量200幅,Size係380mm x 580mm,每張都附雷射標貼咁話喎,「收藏家港漫專區」即日公開發售,正呀喂,兩舊水,抵玩呀喂。

Read more ›

服! $8300個聶風火麒麟雕像! 8日賣晒50個!
by / on 07/10/2017 at 11:00 am

服! $8300個聶風火麒麟雕像! 8日賣晒50個!

係不得不服嘅,睇番時間,馬榮成喺9月28日出Post公開訂購聶風火麒麟雕像詳細資料,話限量生產100個,頭50個落訂會送多支酒And乜乜物物云云,每個雕像盛惠$8300。算唔算天價,我唔知,亦唔敢評論,只要真心鍾意,就幾多錢都值,我淨係知我都好想要,但這些機會是不屬於我的。而喺10月5日,馬榮成已經出Post話頭50個雕像已經售罄,感謝讀者支持云云。Wow,頭尾不過8日時間,咁快就有人認頭晒,$415000袋袋平安,果然厲害……嗯,各位,不要去羨慕,不要去妒忌。

Read more ›
聶風火麒麟雕像開訂 $8300你買唔買?
by / on 24/09/2017 at 7:00 pm

聶風火麒麟雕像開訂 $8300你買唔買?

嘩,我諗真係要好有愛,先會考慮買呢個聶風雕像,分兩個版本,第一個係「聶風火麒麟套裝」,包雙頭雕、雙地台及兩組替換手,附獨立編號及證書,頭50位訂購送多支風雲白酒同聶風火麒麟3D立體原作者簽名紀念海報一張,而售價係──$8300,係,我無寫錯你無睇錯,係八千三百大元,呢個價簡真係……Fine,平啲嘅有唔包火麒麟嘅「聶風迎風」版本,售$4200。差啲唔記得講,「收藏家港漫專區」同「天下出版社」家陣開訂,馬Sir迷有買趁手喇,嗯……雖然我好想要,但這些機會是不屬於我的。

Read more ›
網圖分享:笑爆嘴二創 麒麟魔變麒麟球單車
by / on 13/09/2017 at 11:14 pm

網圖分享:笑爆嘴二創 麒麟魔變麒麟球單車

馬榮成剛剛先話推出聶風雕像麒麟魔,好快已經有網友玩二次創作喇。Hoong Moon Goh兄好盞鬼,學足馬榮成喺面書Post出嚟幅解構圖咁,畫咗個「瘋騾、攝封交叉聯乘平行時空特別愛藏版」,聶風變王風雷,麒麟變單車,仲有甚麼「#麒麟球單車」、「#求麟麒異獸」等Hashtag,唔係講笑,我真係笑咗。

Read more ›
有片:《風雲》大總結 郭富城+鄭伊健始終最好
by / on 27/07/2017 at 10:30 pm

有片:《風雲》大總結 郭富城+鄭伊健始終最好

馬榮成喺facebook上咗條片,總結咗《風雲》由原著漫畫衍生出嚟嘅各種項目,包括電影《風雲:雄霸天下》、《風雲II》、電視劇《風雲:雄霸天下》、《風雲》Online Game、《風雲大型舞劇》、《風雲5D音樂劇》同動畫等等。睇完真係不勝唏噓,慨嘆時光飛逝,幾時都話元祖係最好,鄭伊健飾演嘅聶風同郭富城飾演嘅步驚雲始終最討好,首主題曲又好聽,啲甚麼音樂劇同大型舞劇呢……

Read more ›
聶風+步驚雲又出手 馬榮成推出《風雲》威士忌
by / on 18/04/2017 at 10:00 am

聶風+步驚雲又出手 馬榮成推出《風雲》威士忌

瀏覽面書,但見馬榮成有以下留言:「《風雲》即將推出限量威士忌酒,絕對是成人的收藏。」幾錢?幾時推出?點買法?限量幾多?暫時統統未有資料,不過有相睇。齋睇相,個人認為酒盒係好靚仔嘅,純白底聶風加步驚雲,構圖簡簡單單無得輸,開盒,見有風雲招紙威士忌兩支,兼有「金鱗豈是池中物,一遇風雲便化龍」字句,堪稱集體回憶返晒嚟,《風雲》迷一定Like,唔太天價的話,我諗好多港漫迷都會爭住買。

Read more ›

網圖分享:木頭上的風雲/馬Sir/華英雄 崔成安贈畫馬榮成
by / on 11/04/2016 at 10:30 pm

網圖分享:木頭上的風雲/馬Sir/華英雄 崔成安贈畫馬榮成

心心眼呀!我好想要呀!話說馬榮成喺面書留言曰:「插畫家崔成安夫婦在加拿大一年一度回來旅行休息。他們還送我一個親手繪製,用木去畫的畫板給我。相當之珍貴。另外,他的學生Steven亦是我作品的擁躉,他也親自做了一個給我。他工作時間足足用了一個星期才完成的作品,相當之有心。」華英雄、聶風、步驚雲同馬榮成線條畫得咁細緻,直頭係見得街嘅公仔書內文質素,木製畫板究竟有乜難度呢?用乜嘢筆畫嘅呢?使唔使起鉛筆稿呢?如果要,又點起呢?好想知!

Read more ›
【編輯Blog】尉遲一:馬榮成,真有你的!
by / on 11/12/2014 at 10:00 am

【編輯Blog】尉遲一:馬榮成,真有你的!

對馬榮成,很多讀者是又愛又恨的,我則無愛無憎。 看連環圖罷了,覺得好看就買,不好看就罷買,若介乎兩者之間,可以的話就戒買不戒看,一味菠蘿雞靠黐,跳看漏看一期半期沒所謂,而事實上《風雲》我看到絕無神一段也沒有追看了,初頭還會刻意黐看朋友同事的,去到後來連黐看的動力也沒有了,因為故事實在太爛,此之謂無愛無憎。那何謂又愛又恨呢?身邊這類朋友不少,就是邊怨邊買,邊看邊詈罵,每次見書報攤有新一期《風雲》即買,邊揭書邊呻悶,呻完,又會悻悻然將之好好收藏;更有甚者,買書已儼如呼吸般自然,不買會窒息,他們自嘲買的是《風雲》精美封面,買來儲,買來止止心癮,內文根本不看。

Read more ›
《天下》最後一期連載 買番本向馬Sir致敬
by / on 05/11/2014 at 11:00 pm

《天下》最後一期連載 買番本向馬Sir致敬

聶風,鄭伊健;步驚雲,郭富城,不能否認《天下》帶畀我好多睇公仔書嘅歡樂,亦不能否認馬Sir畫功天下無敵,不過又不得不利申,打從絕無神一段起我已經 再無撐《天下》,不過又不過咁,《天下》12月1日出最後一期,為向馬Sir致敬,我都會買埋呢期嘅。

Read more ›
有片:《風雲》合璧 舞台版摩訶無量
by / on 22/10/2014 at 10:30 pm

有片:《風雲》合璧 舞台版摩訶無量

仲記唔記得聶風同步驚雲聯手施展一招無訶無量,先殺敗到天下會幫主雄霸?漫畫版《天下》完結在即,但風雲仲可以喺現實世界施展無訶無量,不過要跳上舞台。舞台?係,大型舞劇《風雲》,你有無興趣睇䏲?

Read more ›