fbpx

Tag: 聲控

搵手機專用聲控app   嗌名識應機

搵手機專用聲控app 嗌名識應機

你同我都試過搵勻成間屋都唔見部手機,偏偏著晒鞋趕住出門口,呢個時候,Matt Wiechec發明嘅手機app「Marco Polo」可能幫倒手。當你大嗌「Marco」嘅時候,你部手機就會大聲嗌返「Polo」嚟回應你,咁你就可以知佢匿埋咗喺邊,唔駛再同佢玩伏喱喱。呢個app喺iTune已經有得下載,開價美金$0.99。如果怕佢嗌得太大聲仲可以設定音量,亦有30個話音設定,等你將唔同裝置set唔同名,唔會嗌佢個名時,部iPhone、iPad、iPod Touch一齊應你。不過話時話,部手機識應你呢件事,諗起都好怪異。

Read more ›

有片   Bandai 電子狗    桃紅新色氹女友

有片 Bandai 電子狗 桃紅新色氹女友

早前Bandai推出名為TechPet嘅iPhone狗仔,玩法似他媽哥池,不過iPhone屏幕會變為狗仔臉部表情。估計呢隻狗仔應該賣得唔錯,因為Bandai今年會推出粉紅新色。狗仔識搖頭擺尾,要餵食、陪佢玩,當真寵物咁養,而且識聽簡單語音指令,開價港幣$450左右,買嚟氹小朋友或者你屋企個女朋友bb都唔錯,但大前提你要有部後備iPhone電話,如果唔係咪無得同時玩WhatsApp或者Candy Crush?

Read more ›
有片   唔駛再記密碼       USB手指指模解碼

有片 唔駛再記密碼 USB手指指模解碼

呢隻叫「myIDKey」嘅USB真係高科技又實用,威到攞埋發明獎。今時今日,你同我閒閒哋都幾十個網上密碼跟身,呢隻USB,可以儲存晒所有密碼,想check密碼用指模加聲控,就搞惦。萬一唔見咗隻手指,除非對方連你隻真手指都偷埋,否則無可能開到入面嘅絕密資料。或者你可以簡單deactivate佢,無後顧之憂。插入PC或Mac機可以自動輸入密碼,同時Bluetooth支援手機,亦可以透過雲端同你信任嘅人share資料。Kickstarter募集資金中,有興趣嘅入去出一份力啦。

Read more ›