Post Tagged with: "聯乘"

《Street Fighter》春麗聯乘Tiger     特別版波鞋遊戲內外都有
by / on 03/05/2019 at 7:40 am

《Street Fighter》春麗聯乘Tiger 特別版波鞋遊戲內外都有

街霸《Street Fighter》經常同不同品牌聯乘,最近就有春麗聯乘波鞋品牌Onitsuka Tiger。跟返春麗套衫嘅主色推出咗白底同黃底兩款波鞋,仿照Mexico 66 D鞋款改良,張宣傳照見到春麗著住都幾靚,而對鞋本身嘅設計亦好含蓄,著咗都未必知你係街霸fans。限量5千對,每對18000円,另外每對鞋會跟多個code可以unlock返《Street Fighter V: Arcade Edition》入面春麗嘅特別服裝,即係買一對,就可以遊戲內外都著到,7月27日起喺全國Onitsuka Tiger店有得買,入嚟有多啲資料。

Read more ›

Pokemon聯乘日本潮牌glamb 大量產品3月底起發售
by / on 19/03/2019 at 7:14 am

Pokemon聯乘日本潮牌glamb 大量產品3月底起發售

日本潮流品牌glamb同Pokemon聯乘之前都報導過,今次主要係提醒大家,發售日會喺3月底陸續開始,今次聯乘好高質,包括T恤,毛毛長袖衫同埋波鞋,售賣店包括全國glamb直營店、全國其他glamb經銷商同網站Zozotown,比卡超迷記住留意返,入嚟有得回帶睇返精選產品。

Read more ›
【新片速報】Pokemon聯乘Kit Kat?超像真fanmade廣告片
by / on 10/03/2019 at 5:35 pm

【新片速報】Pokemon聯乘Kit Kat?超像真fanmade廣告片

Kit Kat終於同Pokemon合作,仲有新CM?呢段廣告片有齊最新公佈第八代Pokemon嘅全新角色Grookey、Scorbunny、Sobble,用嚟代表3款新口味Oran Berry、Cheri Berry同埋Lum Berry,係咪好想知究竟係咩味?可惜嘅係佢只係fanmade作品,唔係真正嘅官方聯乘,製作單位係YouTuber 「Channy and Kimberly」,佢哋之前都整過薩爾達廣告同埋Nikes聯乘Splatoon 2,像真度好高,入嚟有回帶。

Read more ›
日本《龍珠Z》聯乘罐裝飲品DyDo 超正禮品阿樂爆死
by / on 06/03/2019 at 7:13 am

日本《龍珠Z》聯乘罐裝飲品DyDo 超正禮品阿樂爆死

今次呢個聯乘超正,講緊嘅係日本飲品DyDo同《龍珠Z》合作,買指定罐裝飲品,就可以得到龍珠小禮品。一共有六款,除咗悟空、比達之外,最吸引係阿樂爆死嘅萬字夾托,另外仲有餃子同培植人!預計3月11日全國推出,去開日本記住搵吓。另外購物網Lohaco有一套14罐套裝賣,再送多個特製盒,不過撳入去條Link似乎停咗,有興趣可以晏啲試吓。

Read more ›
《多啦A夢》聯乘Paul & Joe 超靚化妝品少女心爆發
by / on 15/01/2019 at 7:05 am

《多啦A夢》聯乘Paul & Joe 超靚化妝品少女心爆發

係多啦A夢呀!日本有網民分享咗,Paul & Joe最新系列聯乘咗多啦A夢,仲有啲紅色花花,設計超靚,4月推出,fans記住買返套。

Read more ›
日本時裝網Zozotown聯乘Pokémon 懷舊8bit產品超正
by / on 29/11/2018 at 7:09 am

日本時裝網Zozotown聯乘Pokémon 懷舊8bit產品超正

有無人玩過第一代遊戲Pokémon Red and Blue?專賣時裝嘅日本網站Zozotown最近同Pokémon合作,雖然目的係慶祝新game推出,不過聯乘系列就用咗懷舊嘅8bit比卡超做主題,hoodie、T恤、帽,全部低調得嚟又表達到對Pokémon嘅愛。不過我最想買其實係特別版Nanoblock,合共3隻,堅正!留意返而家開始預訂,下年2月底到貨,不過唔接受海外訂購,想買就要搵日本朋友嘞。

Read more ›

【超想要】日本貓頭套聯乘Pokémon   最想要卡比獸
by / on 23/10/2018 at 7:00 am

【超想要】日本貓頭套聯乘Pokémon 最想要卡比獸

當貓奴仲煩惱緊買唔買萬聖節貓頭套嘅時候,日本扭蛋公司Kitan又有新款推出嘞!今次仲要係同Pokémon聯乘。嘩,係比卡超呀!鍾意比卡超嘅貓奴,好難唔買齊一套六件,因為入面仲有卡比獸呀。入嚟有得睇款,不過想買都要等到1月中,暫時都係用住萬聖節嗰款先啦。 

Read more ›
【新片速報】日本7-11提款機聯乘Animate       動漫角色識講嘢陪撳錢
by / on 29/08/2018 at 7:10 am

【新片速報】日本7-11提款機聯乘Animate 動漫角色識講嘢陪撳錢

去日本買嘢買到無晒錢?可以撳機吖,最近日本嘅7-11自動櫃員提款機同專賣動漫產品嘅Animate合作,推出特別版提款機,入面有7個動漫角色做主角,每次撳機都有動漫人物同你講嘢,例如叫你等等、提你記住拎錢等,暫時率先喺池袋同新宿嘅Animate裝置,去開買嘢可以體驗吓,唔知幾時會出埋女角色版呢?有網民提議要出AKB,亦有日本網民試咗仲拍埋片,入嚟有得睇。

Read more ›
【有片】密實袋Ziploc聯乘日牌Beams 超驚喜20號網上開賣
by / on 17/08/2018 at 7:17 am

【有片】密實袋Ziploc聯乘日牌Beams 超驚喜20號網上開賣

以聯乘產品嚟講,今次都算幾突破。專出密實袋嘅Ziploc最近同日本時裝品牌Beams合作,推出咗一系列透明產品,最驚喜係個透明背囊,示範影片仲裝咗全袋銀紙,睇見都想要!另外仲有腰包、帽、雨遮、圍裙等等嘅產品,全部都保留返Ziploc嘅透明設計再加密實封口,而家日本嘅Beams已經有得買,網店就8月20日開賣,想買嘅記住留意返嘞。

Read more ›
Uniqlo聯乘Blizzard 《魔獸世界》《鬥陣特攻》出新Tee
by / on 26/04/2018 at 7:18 am

Uniqlo聯乘Blizzard 《魔獸世界》《鬥陣特攻》出新Tee

Uniqlo啱啱同《週刊少年Jump》合作推出特別版Tee,而家仲賣緊,不過啱啱又公佈有新合作,今次同美國遊戲開發商Blizzard合作,仲一連出晒幾款遊戲嘅Tee,包括有《魔獸世界》、《鬥陣特攻》、《爐石戰記》、《暗黑破壞神 Ⅲ》、《星海爭霸 Ⅱ》同《暴雪英霸》,5月18日號始台灣UNIQLO率先發售,據聞香港預計6月頭會有,有幾款都值得入手,到時可以留意返嘞。

Read more ›
【超正】《週刊少年Jump》聯乘Georgia 50款咖啡有排儲
by / on 23/04/2018 at 7:43 am

【超正】《週刊少年Jump》聯乘Georgia 50款咖啡有排儲

日本嘅《週刊少年Jump展》好多人都去咗或者準備去啦,另一邊官方同Georgia咖啡合作嘅產品今日都開始有得賣嘞!今次總共設計咗50個款式嘅咖啡,每個罐身都有一套漫畫嘅一幕經典場面,最勁係罐身有個barcode,scan完可以免費睇返嗰一期嘅漫畫。40個款式有得買,另外10款就留嚟做抽獎,入去官網有得睇晒咁多個款,全部都超正!去開日本嘅記住買返幾罐留念嘞。留意返發售日至到10月31日,以分批形式發售,咁多罐fans有排儲。

Read more ›

《龍珠》聯乘Nike超強FF系列 12款波鞋款款都靚
by / on 05/02/2018 at 7:45 am

《龍珠》聯乘Nike超強FF系列 12款波鞋款款都靚

作為一個龍珠迷,應該會好鍾意呢個Nike聯乘系列。之前有傳adidia今年會同龍珠合作出產品,不過英國設計師Walsh Design已經搶先一步自己構思咗再放埋上IG。成個系列有12款,款款都超正,有齊Nike唔同型號,至於角色方面,有悟空、斯路、比達、菲利,連偏啲嘅莊子同魔人布歐都有,入嚟有得睇,作為fans嘅應該好希望佢可以量產,不過機會應該好微,鍾意嘅可以上設計師官網訂返張poster,都正嘅。

Read more ›
蛋黃哥變貴氣 18K金造型聯乘日本首飾品牌
by / on 24/01/2018 at 7:50 am

蛋黃哥變貴氣 18K金造型聯乘日本首飾品牌

好耐無見嘅蛋黃哥又出現嘞,最近佢身價上升,因為同咗日本嘅首飾品牌The Kiss合作,推出咗戒指同頸鍊兩款新產品。主角蛋黃哥用咗18K金,配埋950純銀,即時貴氣咗。不過蛋黃哥依然係咁懶散。價錢方面,頸鍊同戒指都係賣91000円,即係港幣6千4百蚊右左,留意返個首飾盒係一個蛋殼,好細心,女仔實鐘意。

Read more ›
日本Felissimo超強創意聯乘    「千手觀音」耳環 / 佛手枕
by / on 19/01/2018 at 7:50 am

日本Felissimo超強創意聯乘 「千手觀音」耳環 / 佛手枕

任何嘢落喺日本人手中都可以商品化,今次嘅例子好強,係葛井寺嘅國寶「千手観音菩薩坐像」同雜貨網站Felissimo合作,聯乘推出咗幾款商品。最搶眼係千手觀音耳環同埋觀音手臂咕臣,墊住觀音隻手瞓覺唔知會唔會瞓得特別冧?另外仲有出太陽帽、首飾、貼紙帶等等少女產品,入嚟有得睇。

Read more ›
瑪利奧玩性感     Forever 21聯乘男/女/童裝勁多款
by / on 01/10/2017 at 3:07 pm

瑪利奧玩性感 Forever 21聯乘男/女/童裝勁多款

MINI超級任天堂美版同歐版都出咗,咁值得紀念,任天堂都公佈同Forever 21合作推出聯乘產品。今次種類都幾多,女裝、男裝以至童裝都有,有齊孖寶兄弟、孖寶賽車同薩爾達傳說。最難著應該係鬼妹好興但香港比較少女仔敢挑戰嘅背心泳衣一件頭,多少少肥肉都著唔到,好少見瑪利奧咁性感。另外小妹妹示範嗰件公主粉紅色外套都幾靚,啱晒成日想做公主嘅小朋友。入嚟仲有多啲男裝,慢慢睇慢慢揀。

Read more ›