fbpx

Tag: 聖誕

Lomo透明新款走光   潮友齋擺唔影

Lomo透明新款走光 潮友齋擺唔影

真心想知仲有幾多人有玩Lomo相機?最近官方宣佈會推出透明殼嘅特別版Konstruktor camera。當然,部相機只可以儲唔影得相,因為機身透明,入面嘅菲林走晒光實乜都無晒。不過佢仍然可以裝菲林,等你得閒撳兩下快門掣感受吓個氣氛,潮流嘅嘢‥‥‥開價美金$59,隨時可以上網買,用嚟做聖誕禮物買比BB啦。

Read more ›

香檳界巨人Moët & Chandon平民化    倫敦自動販賣機

香檳界巨人Moët & Chandon平民化 倫敦自動販賣機

自動販賣機都要講時令,之前介紹過大陸有大閘蟹機,倫敦呢?由於臨近聖誕,香檳界巨人Moët & Chandon 都整咗部自動販賣機放喺倫敦大型百貨公司Selfridges賣,每支200ml賣美金$29,即時令呢個貴價品牌親民咗,人哋買可樂你買香檳,係咪型先?講開又講,前兩日介紹過嘅聖誕驚嚇版Barbie都係喺倫敦Selfridges賣,去開英國買啲返嚟比我哋做手信吖唔該。

Read more ›
新片速報  新西蘭航空    空姐機長變《哈比人》

新片速報 新西蘭航空 空姐機長變《哈比人》

新一集《哈比人》12月12日香港上映,聖誕檔必睇!未有戲睇之前可以睇吓新西蘭航空嘅全新廣告片,食正哈比人熱潮,廣告一開始就見倒機長變咗大腳掌著唔倒鞋,靚靚空姐又有對尖耳好嬌俏喎,原來佢哋係搭乘去中土Middle -Earth嘅新航班。條片無論特技、配樂、演員都好正,仲有Dean O’Gorman客串。好喇睇完條片,其實佢想賣啲乜?原來係睇完片答問題,參加抽獎贏機票酒店、電影哈比人嘅戲飛或者去參觀哈比人景點,見你咁有誠意,即管參加吓啦。

Read more ›
騎呢聖誕Barbie   靚女變雪鹿

騎呢聖誕Barbie 靚女變雪鹿

距離聖誕節仲有一個月,有無諗過Barbie聖誕去蒲會著成點?英國設計師Stephen Jones最近設計咗一套五款嘅Barbie聖誕套裝,相當驚嚇!例如將佢變成一棵聖誕樹、水晶玻璃球,甚至係頭頂生角嘅雪鹿!老老實實,你係咪同Barbie有仇?呢幾個古怪聖誕Barbie喺倫敦大型百貨公司Selfridges有售,仲要港幣$2500一隻,嘩,多謝曬。

Read more ›
新片速報  NBA球星入波聖誕歌   5百萬點擊

新片速報 NBA球星入波聖誕歌 5百萬點擊

而家先11月,但係通街已經係聖誕裝飾,不如提早一個月比我放聖誕假啦!今次輪到一班NBA球員賀聖誕,呢條廣告片好勁,放上YouTube五日已經有超過500萬次點擊,無他,有齊Nike球星Kevin Durant、公牛嘅Derrick Rose、火箭隊James Harden、Steve Nash同埋Stephen Curry,每個籃球架上放晒聖誕啷啷,一入波就會噹噹聲,幾個當紅球星輪流射籃,組成一首Jingle Bells聖誕歌,目的就係提大家去買聖誕落場版嘅特別波衫,好喇睇完喇,快啲比錢買聖誕禮物啦。

Read more ›
新城市LED聖誕燈飾 90%慳電 仿15世紀佛羅倫斯

新城市LED聖誕燈飾 90%慳電 仿15世紀佛羅倫斯

  11月喇! 聖誕燈飾又開始登場, 以前多數去尖沙嘴睇/影燈飾, 不過近呢兩年個個話環保, 燈飾真係失色了, 不過今年沙田新城市呢個我幾鍾意, 用逾10萬粒LED整咗個仿15世紀佛羅倫斯文藝復興古典建築群, 據稱慳電率達90%兼0發熱, 最正係全部以紫色同粉紅色做主調, 感覺幾浪漫吓; 由於地方細細、LED極度集中關係, 所以夜拍效果估計會幾正!

Read more ›

LEGO出大人手錶   黃黑款對辦  11月見街

LEGO出大人手錶 黃黑款對辦 11月見街

LEGO終於宣佈推出啱大人戴嘅手錶系列,之前出嚟出去都係小朋友款,今次一次過推出8個款式,唔低B大人戴都無問題。手帶同埋銀圈都可以自由換款,同砌LEGO一樣。個人認為黃色、黑色同埋白色三款都相當對辦,有啲想買。11月開始開賣,價錢大約$600-$1500,仲有50至100米防水,玩開Lego有感情嘅大人聖誕可以有嘢送比自己喇。

Read more ›
EVA 2013聖誕CAKE 玩情景王海綿蛋糕

EVA 2013聖誕CAKE 玩情景王海綿蛋糕

  其實聖誕節點解要食蛋糕而唔喫火雞, 我唔知! 不過見到靚嘅、買一個又無妨嘅; EVA今年個聖誕蛋糕, 真係成個情景模型一樣……不過睇真啲, 原來真係一個情景模型嚟架! 上面條煙囪同聖誕女郎, 係聖誕節EVA盒蛋, 再下面嗰間小木屋, 嘩! 頂! 係紙盒嚟架! 咁個蛋糕喺邊呢!? 咪喺盒入面、只係海綿蛋糕! 係海綿蛋糕呀!!! 個面連生果、鮮忌廉都冇嗰隻呀! 夠膽收我4,500円

Read more ›
《進擊之巨人》cosplay衫    一笠即cos超方便

《進擊之巨人》cosplay衫 一笠即cos超方便

萬聖節係咪一定要扮鬼?其實我想扮《進擊之巨人》去海洋公園搵羅蘭多啲。呢款進搫超大型巨人cosplay服,一套包晒面罩、上身衫同埋長褲,一笠即著,勝在夠方便,質素當然唔好有高要求,美中不足係條褲唔夠貼身。價錢10500円,12月中有得賣,而家開始預訂。咦,12月,唔通要著嚟去聖誕party?有無女仔肯同我跳舞o架?

Read more ›
新片速報 iPad聖誕變魔術 識噴雪亮燈

新片速報 iPad聖誕變魔術 識噴雪亮燈

Cyril一直係我最鐘意嘅魔術師,不過今個聖誕我變心了。因為呢個外國魔術師iSimon(Simon Pierro)真係好厲害,可以將部iPad噴雪;將入面嘅薑餅人啪隻腳出嚟食;甚至插電幫聖誕樹亮燈‥‥‥學識一兩招聖誕節一定唔會lonely。我都想要部iPad做聖誕禮物呀!

Read more ›
伊健 / 美棋 / 魯芬 / Iron Man 祝GameoverHk網友們聖誕快樂!

伊健 / 美棋 / 魯芬 / Iron Man 祝GameoverHk網友們聖誕快樂!

Read more ›