Post Tagged with: "聖誕"

【有片】紐約聖誕老人兵團 街頭霸王圍毆狂打
by / on 23/12/2013 at 4:25 pm

【有片】紐約聖誕老人兵團 街頭霸王圍毆狂打

呵,呵,呵,呵!聖誕老人咁和藹,點會無啦啦打人呢,肯定係嗰位朋友唔聽話唔孝順又或者搶其他小朋友嘅禮物喇……紐約嘅SantaCon一樣有大量穿著聖誕老人裝嘅人出街狂觀,不過呢段片就拍到幾個聖誕老人喺街上面圍攻另外幾個人,佢哋好團結,而且好好打,有個聖誕老人仲偷襲添。點呀?想要咩禮物呀小朋友?

Read more ›

聖誕宿醉救星   的士接送加杯麵
by / on 23/12/2013 at 3:06 pm

聖誕宿醉救星 的士接送加杯麵

聖誕節呢幾日好易玩過籠兼宿醉,有乜好得過第二朝返工有架的士喺正門口等你,再送多個暖笠笠嘅杯麵你嘆咁窩心?呢個Kab-U-To Work的士服務由外國一間杯麵品牌Kabuto Noodles提供,專為宿醉人士而設,除咗喺門口接送兼有杯麵暖肚,仲送多副太陽眼鏡比你遮黑眼圈、一盒必理痛比你止頭痛,仲有幾粒薄荷糖令你口氣清新,司機亦會播啲輕鬆音樂等你休息吓。想book好方便,用email或者twitter就得,不過其實我宿醉嘅話,最想係要一日(詐)病假。

Read more ›
聖誕薑餅Death Star   千二塊薑餅砌成
by / on 23/12/2013 at 7:20 am

聖誕薑餅Death Star 千二塊薑餅砌成

一個人過Lonely Christmas都可以有好多節目,例如重溫返咁多集嘅《星球大戰》,係,呢個係我今年嘅聖誕節目。有閒情嘅,仲可以效法埋呢個外國人,用薑餅砌返個Death Star賀一賀佢。呢個由網友Sillstryparn砌嘅Death Star,贏咗薑餅屋建築比賽,用咗足足1200塊薑餅砌成,而且要有12個朋友陪佢一齊砌‥‥‥唉,我有12個朋友陪我一齊過就唔砌餅咯。

Read more ›
【有片】智能電話連動 冷衫圖案變動畫
by / on 22/12/2013 at 8:44 pm

【有片】智能電話連動 冷衫圖案變動畫

其實冇講得咁高科技,不過又幾好笑,如果聖誕節著出街又幾威咁囉。呢幾款冷衫喺圖案位置都整咗個位俾你放智能電話,咁裝埋個app,你就可以令到冷衫嘅火爐圖案變成動畫,聖誕老人對眼又可以左右郁,隻喵個口仲識得擘擘吓……真係好冇品味,但我鍾意。

Read more ›
新片速報   Apple廣告賣溫情  低頭族都有愛
by / on 18/12/2013 at 7:23 am

新片速報 Apple廣告賣溫情 低頭族都有愛

智能電話,令到一家人圍埋食飯時各自修行無交流,但亦有人開個家人WhatsApp群組分享趣事,你屬於邊一種?始作蛹者iPhone5s趁聖誕出咗條主打溫情嘅廣告片,片中見倒個o靚仔每分每秒都揸住部電話篤篤篤,十足平時嘅你同我,睇到尾先知佢原來用部電話嚟拍家庭短片,最後梗係用AirPlay駁上電視全家分享啦。有啲Hard Sell,不過首歌幾好聽,同埋提醒咗我冬至同屋企人食飯時要放低部電話。

Read more ›
新片速報    Simpsons賤賤格格賀聖誕
by / on 15/12/2013 at 3:49 pm

新片速報 Simpsons賤賤格格賀聖誕

Simpsons又嚟啦!嘻,應該係話我又報Simpsons嘅新聞喇,今次應節嘛,食正最近嘅聖誕主題,網上有新嘅Simpsons片睇,今次主題係White Christmas Blues,閤家總動員出晒嚟,照舊都係咁賤格抵死,星期日無嘢O格,求開心之嘛,睇啦。

Read more ›

新片速報 獻給去世父親 SEGA fans回憶90年代聖誕節
by / on 15/12/2013 at 1:38 pm

新片速報 獻給去世父親 SEGA fans回憶90年代聖誕節

又到回憶時間,各位機迷,記唔記得細個阿爸阿媽送遊戲機俾你哋嘅情景?我記得好清楚,嗰份心思同關懷,真係還唔晒o架。呢位機迷Tyler Esposito.P,佢話佢剪輯呢條片時佢爸爸已經去世,而條片「Christmas Morning with SEGA」就係記錄佢91年至98年每一個聖誕朝早得到遊戲時嘅喜悅時刻。雖然我唔明點解送親都係SEGA,但嗰份親情就好實在感受到,聖誕唔好淨係掛住打機或者去街玩,陪吓阿爸阿媽啦衰仔。

Read more ›
日本KFC肯德基 X Hello Kitty   聯乘出套餐
by / on 11/12/2013 at 9:42 am

日本KFC肯德基 X Hello Kitty 聯乘出套餐

Hello Kitty真係乜都夠膽!聖誕節喎,梗係食炸雞啦,啱啱日本KFC肯德基宣佈同呢隻貓合作,出新年限定嘅「重箱」套餐,跟餐有紅色盒送,上面印有肯德基叔叔攬住Hello Kitty嘅溫馨圖案,一個套餐三件雞三隻雞翼三包薯條好飽肚,賣2200円,12月26日至1月8日數量限定推出。1月1日仲有肯德基福袋賣(2000円),有浴巾、毛巾同埋利是優惠券,另外仲有賀年利是袋(1000円),入面有兩張雞券加一張薯條券,食完仲可以換條毛巾抹嘴,叔叔變咗肥版cute樣,好有福氣。

Read more ›
世界聖誕燈飾巡禮    倫敦東京最浪漫
by / on 08/12/2013 at 3:36 pm

世界聖誕燈飾巡禮 倫敦東京最浪漫

作為香港人,你去咗尖東迫住睇燈飾未?有無陪BB去商場影聖誕裝飾?作為日日匿喺屋企上網嘅新世代,我選擇喺屋企睇聖誕燈飾,仲可以睇晒世界各地嘅唔同佈置。外國網Mashable精選咗世界各地23個地方嘅聖誕燈飾比網民欣賞,東京、法國呢啲浪漫大城市固然之靚,印度、南非都一樣好有特色,不過我最鐘意都係倫敦,唔係佢特別靚,而係因為我鐘意呢個地方,可惜要搭十幾個鐘頭飛機,唯有睇咗當去咗。

Read more ›
Gamer聖誕大餐 一個罐頭9道菜
by / on 07/12/2013 at 7:28 pm

Gamer聖誕大餐 一個罐頭9道菜

有咩重要得過打機?好多,但一定唔係聖誕節囉!更加唔會係食聖誕大餐!講真,好快有新機攞,今個聖誕我真係唔會出街同人迫,喺屋企打機叫外賣先係最高享受!但如果你喺外國,仲多一個選擇,就係呢個聖誕大餐罐頭,第一層係蛋同煙肉,第二層係肉批,第三層係火雞……去到第9層仲有埋布甸做甜品!

Read more ›
西人超市8-Bit聖誕畫 汽水盒堆砌壁畫
by / on 06/12/2013 at 7:54 pm

西人超市8-Bit聖誕畫 汽水盒堆砌壁畫

呢世人最憎睇聖誕燈飾, 人多、又迫、唔環保, 最慘係後生時要影相交功課, 依家同老婆行一樣要交影相功課……影影影! 有乜鬼好影呢!? 哪! 人哋鬼佬就醒喇! 用汽水包裝盒砌, 完全唔使電, 仲環保過你啲乜鬼LED燈; 不過當然, 呢啲汽水8-Bit畫係唔會喺街邊放嘅, 俾我見到, 我都即刻抬兩盒走啦! 所以好明顯只會喺超市見到。聽講原來呢個已經係鬼佬超市好耐嘅傳統, 呀! 唔該! 我想要聖誕老人條脷個盒黑可樂吖唔該!

Read more ›

2013年12月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 30/11/2013 at 9:30 pm

2013年12月出GAME時間表 [PS4 / XBox One / PS3 / Xbox / PC / Wii / 3DS / PS Vita]

聖誕殺到又有長假期,有乜好得過匿喺屋企煲機?今個月香港PS4推出,要訂嘅應該一早訂咗,必玩應該係跟機嘅《KILLZONE》或者《真三國無雙7》,仲有隻可以同女朋友玩嘅《KNACK》;XBoxOne水貨都返咗,唔駛諗梗係玩《Dead Rising 3》。想睇定啲先買新主機嘅,仲有隻PS3嘅GT6同埋真《Gundam無雙》可以玩;再唔係3DS機主都有好多正嘢,《進擊之巨人》、《PAD》都出喇;最後仲有PSV機主,有《Gundam無雙》同《魔法少女小圓》陪住過節。點解唔提等咗好耐嘅《FFX HD》版呢?因為暫時只得日文版確定咗12月26日出,中文版冇講實,唔係唔同步嘛?

Read more ›
Lomo透明新款走光   潮友齋擺唔影
by / on 30/11/2013 at 7:18 am

Lomo透明新款走光 潮友齋擺唔影

真心想知仲有幾多人有玩Lomo相機?最近官方宣佈會推出透明殼嘅特別版Konstruktor camera。當然,部相機只可以儲唔影得相,因為機身透明,入面嘅菲林走晒光實乜都無晒。不過佢仍然可以裝菲林,等你得閒撳兩下快門掣感受吓個氣氛,潮流嘅嘢‥‥‥開價美金$59,隨時可以上網買,用嚟做聖誕禮物買比BB啦。

Read more ›
香檳界巨人Moët & Chandon平民化    倫敦自動販賣機
by / on 22/11/2013 at 10:48 am

香檳界巨人Moët & Chandon平民化 倫敦自動販賣機

自動販賣機都要講時令,之前介紹過大陸有大閘蟹機,倫敦呢?由於臨近聖誕,香檳界巨人Moët & Chandon 都整咗部自動販賣機放喺倫敦大型百貨公司Selfridges賣,每支200ml賣美金$29,即時令呢個貴價品牌親民咗,人哋買可樂你買香檳,係咪型先?講開又講,前兩日介紹過嘅聖誕驚嚇版Barbie都係喺倫敦Selfridges賣,去開英國買啲返嚟比我哋做手信吖唔該。

Read more ›
新片速報  新西蘭航空    空姐機長變《哈比人》
by / on 22/11/2013 at 10:30 am

新片速報 新西蘭航空 空姐機長變《哈比人》

新一集《哈比人》12月12日香港上映,聖誕檔必睇!未有戲睇之前可以睇吓新西蘭航空嘅全新廣告片,食正哈比人熱潮,廣告一開始就見倒機長變咗大腳掌著唔倒鞋,靚靚空姐又有對尖耳好嬌俏喎,原來佢哋係搭乘去中土Middle -Earth嘅新航班。條片無論特技、配樂、演員都好正,仲有Dean O’Gorman客串。好喇睇完條片,其實佢想賣啲乜?原來係睇完片答問題,參加抽獎贏機票酒店、電影哈比人嘅戲飛或者去參觀哈比人景點,見你咁有誠意,即管參加吓啦。

Read more ›