Post Tagged with: "聖誕"

有片:超市收銀嘟嘟聲 奏《Jingle Bell》
by / on 17/12/2014 at 8:00 pm

有片:超市收銀嘟嘟聲 奏《Jingle Bell》

呢啲咪創意囉,做宣傳,唔使下下大名星加億萬元大製作嘅,有心思自然有噱頭,就好似德國呢間連鎖超級市場EDEKA咁,臨近聖誕,特登安排收銀員用條碼感應器奏出《Jingle Bell》,好溫馨好浪漫,哄到全場客人勁開心。

Read more ›

新片速報    16間屋一齊玩燈飾   3百萬人點擊熱播
by / on 17/12/2014 at 7:22 am

新片速報 16間屋一齊玩燈飾 3百萬人點擊熱播

勁!呢條片放上網10日已經有超過3百萬人睇過,因為場面好壯觀!聖誕節就到,外國人好興喺屋企外牆裝啲燈飾,不過今次好大規模,16間屋成條村嘅人一齊玩燈飾,連街上面掛滿燈飾嘅樹都跟住音樂不停閃,好正!首歌喺管弦樂團Trans-Siberian Orchestra嘅作品,好有氣勢。

Read more ›
聖誕節嚇爆她 日本超強聖誕炮 一拉爆出曱由群
by / on 13/12/2014 at 11:34 am

聖誕節嚇爆她 日本超強聖誕炮 一拉爆出曱由群

其實我好驚呢啲拉炮,雖然明知佢會爆,但每次Pop一聲我都會嚇一跳。不過,如果今年聖誕新年聯歡會拉炮慶祝嘅時候,你有呢支炮喺手就堪稱無敵喇!一拉!Pop一聲噴射出嚟嘅唔係紙碎彩帶,而係一群曱甴呀!「嘩黐線o架核突呀嚇死人咩?」FF時間,你身邊件女同學/事會唔會因為咁而撲埋嚟攬住你呢?Single Bell~Single Bell~

Read more ›
新片速報   警察都有好人   送聖誕禮物玩驚喜
by / on 11/12/2014 at 7:12 am

新片速報 警察都有好人 送聖誕禮物玩驚喜

警察喎,唔抄你牌唔用警棍打你,送聖誕禮物比你喎,驚唔驚?美國洛厄爾警察局最近搞咗個活動,比驚喜一班駕駛者。首先有警察截停路上嘅私家車,車主個個以為被抄牌,點知警察叔叔居然同你吹水,仲問你想要乜嘢聖誕禮物,與此同時,有人喺隔籬嘅超級市場偷偷掃貨,當車主準備開車時,警察就送上呢份突如其來嘅聖誕禮物,我仲見倒有最新出嘅Xbox One。個個車主都開心到彈起攬住警察叔叔搖呀搖。睇見呢啲咁溫馨嘅場面,老實我好心嗡。

Read more ›
自己一個更開心 「iPhone Merry Charger」聖誕專用充電線
by / on 06/12/2014 at 6:21 pm

自己一個更開心 「iPhone Merry Charger」聖誕專用充電線

聖誕嚟喇,唔駛一定要整聖誕樹玩到咁大嘅。好似呢條「ThinkGeek」推出嘅燈飾充電線就好啱喇,一邊駁iPhone,一邊駁USB充電,一路閃一路叉……仲有黃、紅、白、綠嘅顏色!賣14.99美元,iPhone 5/5s/5c/6/6 Plus對應,有街出嘅可以駁尿袋,冇街出嘅都有氣氛嘛……

Read more ›
新片速報 今日許願聽日實現 航空公司聖誕送驚喜
by / on 04/12/2014 at 4:19 pm

新片速報 今日許願聽日實現 航空公司聖誕送驚喜

呢間加拿大航空公司「WestJet」,上年聖誕節已經玩到好大,就係喺客戶上機前邀請佢哋許願,睇吓想得到咩聖誕禮物,之後飛機起飛後,就動員去買,到客戶落機時,就會收到佢哋想要嘅禮物!今年就更有意義喇,佢哋去到「多明尼加」Dominican Republic,放低一部鹿車喺街度,上面有個屏幕可以同聖誕老人許願,講出自己想要嘅聖誕禮物……到第二日,團隊加埋聖誕老人加埋假雪,全部嚟到呢個島上,俾島民一個驚喜!除咗玩具、洗衣機之外,有人話想要隻馬都一樣得!所以話,聖誕願望不妨許大啲,隨時實現呀!我想要三個半山單位,一個自住一個收租一個放雜物,唔該,多謝。

Read more ›

聖誕LEGO裝飾   網上免費教學跟住砌
by / on 04/12/2014 at 7:18 am

聖誕LEGO裝飾 網上免費教學跟住砌

未到聖誕,不過周圍已經懶有聖誕氣氛氹我哋鳩嗚。之前介紹過嘅加拿大LEGO設計師Chris McVeigh,最近就整咗呢套聖誕LEGO組合,有火車、聖誕樹掛飾乜乜乜,除咗上佢嘅online store買之外,佢仲好無私咁整咗個menu教大家跟住砌,今個禮拜六日可以跟住砌喎!

Read more ›
【PS遊樂園】《GUILTY GEAR》平安夜出中文版    PS4聖誕套裝優惠
by / on 01/12/2014 at 11:37 am

【PS遊樂園】《GUILTY GEAR》平安夜出中文版 PS4聖誕套裝優惠

外國感恩節,啲嘢好似唔駛錢咁,係人都衝埋去搶。香港無咁好氣氛,不過都有聖誕套裝。講緊係12月5日出嘅「PlayStation®4繽紛節日套裝」,一部機跟4隻遊戲送多一年保養。另外格鬥遊戲系列《GUILTY GEAR》日本版今個星期出,繁體中文版剛剛宣佈12月24日推出,平安夜無街去可以留喺屋企格鬥,好悲。最後今日仲有隻賽車新game《The Crew》推出,玩《DRIVECLUB》玩到炆炆哋嘅會唔會轉軚?

Read more ›
日本聖誕老人馬拉松 1,000聖誕老人參戰
by / on 26/11/2014 at 4:57 pm

日本聖誕老人馬拉松 1,000聖誕老人參戰

12月7日有冇人喺東京旅行緊?如果你咁啱喺東京,可以去睇吓呢個「第2回聖蹟サンタマラソン」聖誕老人馬拉松。約1000人打扮成聖誕老人跑全馬,見識吓都幾開心。地點係「東京多摩市聖蹟桜ヶ丘」。呢啲相係上年嘅。

Read more ›
新片速報 東京Skytree聖誕亮燈 板野友美現身
by / on 03/11/2014 at 12:48 pm

新片速報 東京Skytree聖誕亮燈 板野友美現身

唉講起就慘,要到聖誕先再有長假期。可能因為咁,大家都更期待聖誕嚟臨,喺日本,東京晴空塔Skytree就亮埋燈添喇,有成50萬個LED燈裝飾,由即日至12月25日,每日5點到11點都會著,仲會變3隻色添!而亮燈儀式就搵咗板野友美出場,係咁搖。

Read more ›
杯緣子過聖誕 聖誕女郎裝VS聖誕樹
by / on 16/10/2014 at 7:12 am

杯緣子過聖誕 聖誕女郎裝VS聖誕樹

距離聖誕仲有兩個月,出名識搵錢,喺日本好紅嘅杯緣子玩具又宣佈出新嘢嘞!今次杯緣子好有誠意,唔單止著聖誕女郎裝,仲捐入聖誕襪入面,搵錢艱難。不過最正都係扮聖誕樹,連對眼都變埋星星眼,可惜棵樹彎唔倒,無得好似平時咁坐喺杯邊玩。今次總共有7款新造型,11月中發售,照舊每扭一次300円,無加價。

Read more ›

原力有得賣 ebay開價$13火速沽清
by / on 27/12/2013 at 12:06 pm

原力有得賣 ebay開價$13火速沽清

「May the force be with you」呢個世界乜嘢都有價,估唔倒原力都有價,而且好cheap。呢盒標題「The Force」嘅原力盒,ebay今個月29號上架,即時沽清,梗係啦,開價美金$13.95仲包埋運費,不過要4歲以上先用得,買返去後用唔用得著就要睇你有無大師嘅慧根。勁在ebay都唔可以話佢違反商品說明條例,因為啲原力有個盒裝住。

Read more ›
平衡力狗狗    聖誕特別版   連頂12日
by / on 27/12/2013 at 11:17 am

平衡力狗狗 聖誕特別版 連頂12日

仲記唔記得之前介紹過,平衡力超強嘅得意狗狗Jack?佢可以用頭頂起一部電腦甚至花樽,最近聖誕節嚟到,佢嘅主人點會放過佢?於是Scout又上演咗一套聖誕版娛賓,由士的糖、薑餅、禮物盒、聖誕燈飾以至花紙都有份!最慘係由12月13日起每日一次,頂到12月25號足足12日,好彩最尾一日係頂起一塊兩磅重嘅火腿,吼,呢份重唔係比我嘅聖誕禮物?

Read more ›
新片速報   可口可樂聖誕廣告     開心share搭的士
by / on 25/12/2013 at 11:41 am

新片速報 可口可樂聖誕廣告 開心share搭的士

聖誕節梗係要無私分享,唔係分享自己,而係同人分享的士車位,可口可樂教嘅!呢個最新出嘅廣告背景發生喺羅馬,一架車頂寫住目的地嘅的士,喺聖誕時份嘅鬧市出入,途人可以隨時截停搭順風車,之後梗係例牌開支可樂慶祝。老實,share的士唔算新概念吖,香港日日都有泥鯭的搭,其實我哋一早識得開心share(車費)。

Read more ›
日本網絡專題 喵星人聖誕Look
by / on 25/12/2013 at 11:11 am

日本網絡專題 喵星人聖誕Look

聖誕節,日本人同貓同狗都好重視,於是有網站就做咗個貓貓狗狗聖誕Look嘅專題。著到成身聖誕套裝,擺出一副萌樣,睇到人好肉緊。

Read more ›