Post Tagged with: "聖誕"

【有片】IKEA好玩聖誕新片 自訂裝飾三級制
by / on 14/12/2015 at 7:10 am

【有片】IKEA好玩聖誕新片 自訂裝飾三級制

而家啲YouTube片越嚟越多嘢玩,之前有360度影片,又有AR影片,最近新加坡IKEA嘅呢個聖誕廣告片仲可以click中間個輪盤,即時調節「聖誕氣氛級別」,由「輕量級」一家四口喺只有簡單聖誕佈置嘅屋企唱「We Wish You a Merry Christmas」,到「中間級」一家六口喺豐富佈置下唱歌仔,到「重量級」成家人著晒聖誕裝,一次過將自己嘅聖誕裝飾品晒冷,豐儉由人,有網民就留言話佢係全年最煩膠嘅聖誕洗腦廣告,我比較想知係佈置到「重量級」要駛幾多錢呢?

Read more ›

【有片】這就是專業 商場聖誕老人遇聽障女童 做手語感動200萬人
by / on 11/12/2015 at 6:08 pm

【有片】這就是專業 商場聖誕老人遇聽障女童 做手語感動200萬人

今次唔係玩,呢條片放咗上YouTube唔夠一個星期,真係有超過222萬個Views,感動咗好多人,大量人留言話睇到眼濕濕,有人仲留言話:「Congrats you just made a 40 year old man squee over his 1st cup of coffee. That is ADORABLE!!!」件事係咁嘅,一位英國女童同媽媽去Middlebrough嘅「Cleveland Centre」商場,當呢位商場嘅聖誕老人撩小朋友玩時,佢媽媽就話佢講嘢唔係好好,片段簡介亦提到佢係有聽障。聖誕老人再問佢識唔識手語,之後就用手語同佢溝通,問佢今年聖誕想唔想要個公仔呀?之後小朋友就話佢想要一架滑板車。雖然唔知聖誕老人送唔送到俾佢,不過就證明呢位聖誕老人真係好勁,連手語都識,真正帶到溫暖俾任何人。

Read more ›
【奇遇】喵星人收聖誕郵件 郵局要求出示身份證
by / on 10/12/2015 at 7:17 am

【奇遇】喵星人收聖誕郵件 郵局要求出示身份證

呢單新聞好好笑,英國有位媽咪想寄個倒數聖誕嘅月曆(Advent Calendar)比呀女Brittany Maher-Kirk‥‥‥隻新收養嘅喵星人呀Ted,收件人佢仲寫埋「Ted Maher-Kirk Lindsey」。點知郵差派件當日屋企無人,於是佢哋要落去郵局攞返,但弊在攞郵件要身份證明,但喵星人Ted乜都無。最後呀女失敗而回,要親身打去郵政總局解畫。郵局方面都好幽默,仲問佢點解唔帶埋隻喵落去郵局,呀女就解釋因為喵星人無身份證啦,同埋因為有長期病所以唔適宜出街,最後當然係成功拎返份件啦,喵星人終於收到自己張咭好威威!當事人就將件事放咗上Facebook,吸引好多人討論,郵局之後接受訪問,話無正式統計過過去有幾多郵件係寄比喵星人嘅,不過佢哋就建議寫收件者嘅時候,可以寫埋寵物主人個名,咁主人就可以代收,亦唔駛勞煩喵星人收件嘅時候打手印嘞。

Read more ›
【點洗呀大佬?】閃粉鬍鬚男殺到 聖誕狂野造型好難跟
by / on 24/11/2015 at 7:10 am

【點洗呀大佬?】閃粉鬍鬚男殺到 聖誕狂野造型好難跟

聖誕節就到,之前報導過Instagram好多女士玩閃粉髮型,喺分界位灑滿閃粉,仲可以乘機遮吓啲頭皮,幾正。咁男士方面都有選擇嘅,外國網見到好多男士聖誕閃粉造型,唔係玩頭髮而係玩鬍鬚!舖滿晒閃粉,想玩激啲仲可以連條脷都染金埋,搶眼就夠搶眼嘞,但要洗返乾淨都幾麻煩。不過大前題都係首先你要有咁多鬍鬚。

Read more ›
【有頭髮邊個唔想】有片 聖誕新髮型   中間分界灑閃粉
by / on 13/11/2015 at 7:11 am

【有頭髮邊個唔想】有片 聖誕新髮型 中間分界灑閃粉

有頭皮嘅以後唔駛怕尷尬嘞,最近IG有好多人上載一種新髮型潮流,就係將啲閃粉灑喺分界嘅位置,上IG搜尋#glitterroots就會見到大量相片。玩嘅通常都係囡囡居多,仲有埋片教你點整,睇落幾特別幾靚,嚟緊聖誕節可以玩吓喎,不過洗頭嘅時候應該好大鑊!

Read more ›
【聖誕出GAME表】11月至12月 [PS4 / XBox One / PS3 / Xbox / PC / Wii / 3DS / PS Vita]
by / on 08/11/2015 at 6:05 pm

【聖誕出GAME表】11月至12月 [PS4 / XBox One / PS3 / Xbox / PC / Wii / 3DS / PS Vita]

11月至12月,天氣開始轉涼,仲有個聖誕假,最啱開機打!鍾意射擊game嘅最開心,有打緊嘅《Call of Duty: Black Ops III》,緊接住仲有《Star Wars: Battlefront》,仲未計大家等咗好耐,首次有中文版嘅RPG《Fallout 4》,以為就咁算?12月1日仲有呢隻《Tom Clancy’s Rainbow Six Siege》,差啲唔記得咗仲有11月27日PS4/PS3隻中文版嘅《Metal Gear Solid V: The Phantom Pain》同埋11月10日Xbox One嘅《Rise of the Tomb Raider》。講真,就算有錢買晒都未必有時間玩晒。 至於PS Vita機主11月至12月都有勁多新game,推介嘅有《英雄伝説 空の軌跡 SC Evolution》同《機動戦士ガンダム EXTREME VS. FORCE》,3DS仲有隻《Monster Hunter X》!好喇,今個聖誕節我嘅願望係比多個聖誕節假我。

Read more ›

【又出】日本喵星人奇妙扭蛋 得意頭巾過聖誕
by / on 30/09/2015 at 7:17 am

【又出】日本喵星人奇妙扭蛋 得意頭巾過聖誕

日本嘅奇譚Kitan成日出扭蛋,不過9月份出咗個比真貓用嘅頭巾扭蛋,比喵星人扮泥棒(賊仔),得意到暈,可能見反應好,啱啱官方又宣佈會推出第二彈,今次用聖誕做主題,一樣有真喵做model,個樣都係超不爽。10月8日推出,扭一次300円,總共有5個款式,去開日本扭隻比屋企隻喵做手信啦,雖然我估佢唔想收到。

Read more ›
新片速報 裝Cam偷拍聖誕老人 小朋友當真好緊張
by / on 28/12/2014 at 11:34 am

新片速報 裝Cam偷拍聖誕老人 小朋友當真好緊張

小朋友都係有番啲童真好啲。香港父母細細個就要特訓囝囡考學校,聖誕老人呢啲傳說肯定晨早就篤爆啦!但好似呢位小朋友就好幸福喇,佢家人扮裝Cam夜晚通宵影住大廳,話要拍到聖誕老人,最後梗係俾佢哋拍到啦,而且聖誕老人仲露兩手施展魔法,見到位小朋友咁有童真,睇嚟大家都好開心,所以兩日就有250萬個views喇!

Read more ›
醫院聖誕大禮   25號初生BB瞓聖誕襪
by / on 27/12/2014 at 12:55 pm

醫院聖誕大禮 25號初生BB瞓聖誕襪

雖然lonely Christmas過咗,但係聖誕氣氛依然好濃厚,尤其是上外國網,全部都重係聖誕新聞。啱啱見倒呢張相,美國匹茲堡嘅Magee-Women’s Hospital就將12月25號聖誕日嘅初生嬰兒,全部放喺對聖誕襪入面,頭頂仲加多頂聖誕帽,好可愛。咁又係,對於父母嚟講,有乜禮物好得過25號出世嘅BB?以後每年生日同聖誕同一日,禮物方面可以慳唔少喎。

Read more ›
十大聖誕騎呢車   掛住燈飾周街走
by / on 26/12/2014 at 2:01 pm

十大聖誕騎呢車 掛住燈飾周街走

聖誕節又到假日車出動!揸車嘅或者過馬路嘅都要打醒精神,坐車嘅都要小心唔好亂執街邊嘅錢。抽完水講返正題,外國人好重視聖誕,除咗屋企佈置之外,架車都要全副武裝,網上搜羅咗10架勁爆聖誕車,有正正經經圍晒燈飾嘅、騎騎呢呢將棵聖誕樹楝喺車頂嘅,仲有‥‥‥呢個係咪聖誕老人嚟?

Read more ›
聖誕慘況相集   貓狗最憎過聖誕?
by / on 25/12/2014 at 1:34 pm

聖誕慘況相集 貓狗最憎過聖誕?

平安夜暴風雨過後,你屋企咩情況?我多咗幾包薯片袋、檸檬茶紙包盒同埋無電嘅PS4手掣。如果有養貓狗嘅,情況應該會慘淡好多。網上搜羅咗大量貓主狗主嘅苦況,大部份都係棵聖誕樹中招,成棵撻落地、啲燈飾圍住全身,原來貓同狗都咁鐘意玩聖誕樹。不過都唔及呢個貓主人慘,隻曳貓將全部禮物嘅包裝紙撕爛晒,哼,唔買禮物比我吖嗱!

Read more ›

新片速報   南韓企鵝聖誕cosplay    主題樂園聖誕巡遊
by / on 24/12/2014 at 7:13 am

新片速報 南韓企鵝聖誕cosplay 主題樂園聖誕巡遊

去韓國除咗購物同剪頭髮,仲可以去埋佢哋最大嘅主題樂園,有韓國迪士尼之稱嘅Everland Resort,尤其是如果你係企鵝fans,因為佢哋今年聖誕會有企鵝巡遊!睇片見到班企鵝全部都會著晒聖誕裝,搖吓搖吓出場,可愛得嚟場面仲幾壯觀。至於職員嘛,都係著聖誕女郎服飾,係咪開心先?話時話,呢個樂園原來都係Samsung旗下,南韓仲有無嘢唔係Samsung嘅呢?

Read more ›
【有片】北海道新千歲空港 初音聖誕樹
by / on 22/12/2014 at 12:38 pm

【有片】北海道新千歲空港 初音聖誕樹

呢個亮燈儀式喺12月6日已經舉行咗,不過見就快聖誕,大家都充滿放假心情,於是分享吓!喺北海道嘅新千歳空港,今年有呢棵初音聖誕樹,特別在兩條綠色頭髮囉!而且當日仲有初音黏土人到場亮燈!

Read more ›
狗狗聖誕終極變裝    自己都唔認得
by / on 22/12/2014 at 7:10 am

狗狗聖誕終極變裝 自己都唔認得

聖誕節對屋企嘅寵物嚟講其實無乜特別,除非好似外國攝影師Peter Thorpe嘅呢隻狗仔Raggle咁,每年聖誕主人都玩嘢幫佢變裝。唔係一般換套聖誕服嗰種,而係改頭換面將佢變成另一種動物!佢曾經變過驢仔、企鵝、燒雞、駱駝‥‥‥今年就終極大變身,變咗隻老鼠,好彩,今年喺佢最後一年扮嘢,因為阿爸話佢已經太老而且有心臟病,所以扮埋今年就退休,可能係最後一年,枱面仲有聖誕大餐益佢。

Read more ›
【有片】自製聖誕禮物盒    print完跟住摺超簡單
by / on 19/12/2014 at 7:09 am

【有片】自製聖誕禮物盒 print完跟住摺超簡單

仲有幾日又到聖誕,男女朋友公司party,乜都要聖誕禮物,網上見倒好多自製包裝禮物盒嘅教學,幾實用,袋起佢年年都有用。跟住網上紙樣列印出嚟,之後照住摺就搞掂,慳返買包裝盒嘅錢,而且自製夠心思,仲可以順手用埋公司個printer,物盡其用。(我建議你哋唧,我唔會咁做嘅)

Read more ›