fbpx

Tag: 聖誕老人

日本網民自製聖誕蛋糕 監生土葬聖誕老人

日本網民自製聖誕蛋糕 監生土葬聖誕老人

今年聖誕節要留喺屋企過,好多人選擇自己整蛋糕。日本有網民都挑戰自己,不過完成品好似土葬咗聖誕老人咁,得返個頭,有人仲話諗起北野武套電《全員惡人》‥‥‥‥

Read more ›

Model級數聖誕老人 超型Fashion Santa滑雪籌款

Model級數聖誕老人 超型Fashion Santa滑雪籌款

型到咁真係唔知講咩好,聖誕老人見得多,型成咁真係好罕見。做咗超過30年model嘅Paul Mason有另一個稱號「FASHION SANTA」,有把又濃又厚又似聖誕老人嘅天然白鬚,不過model身型完全無肚腩,而且著衫好型,全身紅色西裝同一般嘅聖誕老人好唔同。近幾年佢都趁聖誕扮Fashion Santa籌款,今年就同Heroesinblack合作,喺多倫多嘅Nathan Philip Square連續滑雪12小時為流浪漢籌款,好有意義。入嚟有多啲佢嘅相睇,記住follow埋佢嘅IG。

Read more ›
日本橫濱街頭驚現聖誕老人      Twitter熱傳事發圖

日本橫濱街頭驚現聖誕老人 Twitter熱傳事發圖

如果係慶典活動見到無咁震憾,但係喺日本街頭夜媽媽見到聖誕老人騎鹿車,呢件事真係幾似發緊夢,難怪張相放上Twitter後勁多人RT。事發地點喺日本橫濱,不過睇真啲係馬車而唔係鹿車嚟嘅。之後有網民留言,原來呢度係橫濱嘅馬車道,慶祝活動時間中都會有馬車喺路上行走。仲有好多網民分享聖誕老人花絮相,以及喺唔同地方見到嘅聖誕車,入嚟有得感受吓節日氣氛。

Read more ›
有片:嘔白泡!蝙蝠俠vs聖誕老人vs耶穌!飲奶飲到嘔!

有片:嘔白泡!蝙蝠俠vs聖誕老人vs耶穌!飲奶飲到嘔!

蝙蝠俠、耶穌同聖誕老人,照計就大纜都扯唔埋,誰料到一樽牛奶,就可以將佢哋聚埋一齊,圍檯而坐鬥餐死。鬥乜呢?好無聊架,就係鬥飲一加侖牛奶,賽事開始,蝙蝠俠依率先領放,倒水咁倒入喉嚨,聖誕老人次之,但都係得個跟之,而耶穌呢,仲削,飲到一半咁上下依家停晒手,最後賽果無人飲得晒,聖誕老人都蝙蝠俠仲嘔添,蝙蝠俠嘔極唔完,呢劑正宗噴泉式嘔白泡,隔住個Mon都戥佢辛苦。

Read more ›
【網民狂轟】中國老闆cosplay聖誕老人    爬300米吊橋送聖誕禮物

【網民狂轟】中國老闆cosplay聖誕老人 爬300米吊橋送聖誕禮物

聖誕流流,好多公司都會搞聖誕party,不過對打工仔嚟講,最實際都係放多啲假加多啲人工。最近中國湖南張家界大峽谷董事長陳志冬,就著埋聖誕老人裝爬上300米高嘅玻璃橋送禮比員工,仲V晒手影合照,不過員工個樣就好無奈,可能佢諗緊份禮物唔知放邊好。啲相傳到去日本,網民亦彈多過讚,有人\狂串呢位老闆:「最好嘅聖誕禮物,應該係比佢哋放假」、「唔帶安全帽唔著安全靴就走上去,社長都唔著重安全,搞錯」。不過都唔夠呢句精警:「應該都係送出年嘅日曆之類嘅禮物呢」。

Read more ›
聖誕老人玩鯊魚    東京水族館有新意

聖誕老人玩鯊魚 東京水族館有新意

又嚟聖誕老人!今次呢個有新意,出沒地點係東京池袋嘅「サンシャイン水族館」(Sunshine Aquarium),人哋聖誕老人騎雪鹿佢就騎鯊魚,好有霸氣!呢個水族館12月份嘅特備節目,參觀者可以睇倒著蛙鞋戴潛水鏡嘅聖誕老人,點樣喺水底餵魚餵烏龜。咁好睇,自然吸引咗大量日本網民影相放上Twitter分享。不過我最想知係聖誕老人嘅白鬍鬚點解可以黏得咁實‥‥‥

Read more ›

聖誕老人惡搞名畫    威到博物館都有得賣

聖誕老人惡搞名畫 威到博物館都有得賣

聖誕老人來了!今次繼續惡搞,不過由攝影師親身上陣,呢位叫ED WHEELER嘅攝影師,將自己cosplay成聖誕老人嘅造型再key入名畫內,總共炮製咗40幾張作品,好受歡迎。勁在每張都好迫真無違和感,連費城嘅博物館聖誕節都賣佢嘅postcard,威威。我最欣賞係佢扮達文西密碼,睇唔倒樣嘛。

Read more ›
新片速報   聖誕老人變刺客   識飛簷走壁

新片速報 聖誕老人變刺客 識飛簷走壁

聖誕老人幾十歲人,真係要逐家逐戶派禮物都幾攰,而且時間可能唔夠駛。外國YouTube頻道Ronnie Street Stunts最近趁聖誕節,拍咗段刺客版嘅聖誕老人短片,片中嘅聖誕老人十足《刺客教條》咁識飛簷走壁,喺屋頂之間跳嚟跳去打晒筋斗,配樂仲係Disco版嘅Jingle Bell,睇到個人好熱血。臨尾仲有劇情。睇完我淨係好想要返份聖誕禮物。

Read more ›
星戰崩壞!尤達變聖誕老人   Chewbacca變鹿

星戰崩壞!尤達變聖誕老人 Chewbacca變鹿

我知聖誕節就到,不過見倒尤達大師變咗做聖誕老人,我個心有啲嗡嗡哋,再睇埋之前被惡搞成《Walking Dead》靚仔Dayrl嘅星戰長毛人Chewbacca,點解個鼻紅紅哋, 頭頂仲多咗對角?噢! 星戰迷見倒會開心定驚多啲?呢輯星戰聖誕咭系列,出自紐約設計師PJ McQuard手筆,入嚟仲有好多款,求求你,千祈唔好送尤達聖誕老人比我,我會用原力彈走佢。

Read more ›
新片速報  KFC新廣告   聖誕老人食炸雞

新片速報 KFC新廣告 聖誕老人食炸雞

邊個話聖誕節一定要食火雞?食KFC炸雞都得,聖誕老人都示範呀!(可惜唔係KFC伯伯扮聖誕老人…….) 講緊係英國KFC最新嘅電視廣告,老實,一班人圍住口嗡嗡唱聖誕歌,仲要笑住唱表現得好雀躍,對於習慣一個人匿喺屋企打機過聖誕嘅我嚟講係會打冷震嘅。睇完笑完,仲可以上官網玩遊戲,就係用Twitter留個言講吓最想同邊個過聖誕同點解,答得好有機會喺最後一輯廣告度客串,吓?點解唔係獎我食一世炸雞o架?

Read more ›
一槌又一槌,舂到聖誕老人爆晒缸。

免費手機新Game:當聖誕老人CY咁打

好想問遊戲製造商,聖誕老人究竟有乜地方踩親你條尾?要「Kill Santa!」咁大鑊?明嘞,因為香港人充滿戾氣,要搵人發洩,既然最想打嘅特首打唔到,咁聖誕老人你注定唔好彩啦。

Read more ›