fbpx

Tag: 聖誕節

網圖分享:祝大家聖誕快樂(三)

網圖分享:祝大家聖誕快樂(三)

好很冷清的聖誕節,條街無人嘅,不過無乜所謂喇,約埋班Friend在家慶祝好過,出街見住班一身制服嘅人形物體盞篤眼篤鼻。祝你聖誕快樂,希望大家可以笑多啲。明就明,講完。

Read more ›

幫襯「音樂屋」 米奇送聖誕禮物

幫襯「音樂屋」 米奇送聖誕禮物

米奇送禮呀喂,都係物輕情意重喇,最緊要大家開心。家陣幫襯「音樂屋」,即送米奇貼紙、Postcard,面書個Post係咁講:「不用pm不留。小量。有幫襯。可即取。」大家收到未?Merry Christmas。

Read more ›
網圖分享:祝大家聖誕快樂(二)

網圖分享:祝大家聖誕快樂(二)

今日係平安夜,我開心咗少少,因為有多一個香港人可以返屋企過一個溫溫暖暖的聖誕,不過代價係一千萬。祝你聖誕快樂,希望大家可以笑多啲。明就明,講完。

Read more ›
網圖分享:祝大家聖誕快樂(一)

網圖分享:祝大家聖誕快樂(一)

好很難捱的2020年,無論你抱住乜嘢心情過今年聖誕節,都祝你聖誕快樂,希望所有人都可以笑多啲。明就明,講完。

Read more ›
再次多謝Pen So送Postcard 飛出太空過聖誕

再次多謝Pen So送Postcard 飛出太空過聖誕

物輕,但絕對情意重,擒日預告過Pen So今日會送聖誕Postcard,好快地25個名額已滿。Postcard係點嘅樣,大家睇相喇。今次張Postcard好有Message,構圖係聖誕老人全副太空人裝備上太空,送禮物畀外星人,兼帶多句:「The Earth is in danger, let’s go to outer space in Christmas.」,觀之有感亦不無唏噓,如果可以,我都想飛出太空靜一靜,唔想喺刻下嘅香港過聖誕。再次,多謝Pen So,祝你聖誕快樂,新年進步。

Read more ›
《戇男筆記2》搞地攤日Sell書 聖誕節搵戇男吹水

《戇男筆記2》搞地攤日Sell書 聖誕節搵戇男吹水

哈哈,笑了,戇男出書心聲:「繁榮鬧市的燈火闌珊,創業路上的一抹淒涼……」有幾淒涼?淒涼到要擺地攤囉。以上當然純屬搞笑,不過搞地攤就珍珠都無咁真,而所謂地攤者,係借到朋友Steven Chui嘅上樓工作坊作營銷《戇男筆記2》之用,即係話有個靚靚打躉位,方便大家上去買書兼同戇男吹吓水影吓相,Remind番,地攤日日期係12月25日,佢仲為宣傳整咗個搶眼易拉架㖭。入番正題,戇男話新書「盡可星期一發書」,漫畫書屋有售,等唔切聖誕節就早買早享受喇。在此,祝戇男新書一紙風行,恭喜恭喜。

Read more ›

啊羊繪記x十萬個激嬲女友的理由 聖誕節搞展覽

啊羊繪記x十萬個激嬲女友的理由 聖誕節搞展覽

大家有無睇面書專頁「十萬個激嬲女友的理由」?啲男女拍拖小故事都幾高質的,啲互寸對白都好啜核,幾乎次次都睇到我笑;嚟緊聖誕檔期,該專頁會聯乘另一專頁「YeungDraw啊羊繪記」搞小型展覽,啲畫多數係電影場景,都畫得唔錯架。今次正喇喂,既有字,又有畫,我諗會更加好笑,更易惹人共鳴。

Read more ›
小克海港城開畫展 聖誕節睇《Affordable Art Like》

小克海港城開畫展 聖誕節睇《Affordable Art Like》

小克開畫展呀,地點係海港城呀,仲要聖誕檔期呀,啱晒影完聖誕燈飾去掟番個Round打個靚卡呀。小克個展名為《Affordable Art Like》,佢喺面書簡介云:「應該係顏色最豐富的一次偽科學鑑證,有聾貓有維港巨星有BitBit……全在畫布上重現。」鍾意嘅,睇完仲可以買,有原畫、「中央」及「阿豐」懷舊膠錢罌同大吟釀「聾伍」限量出售。

Read more ›
《香港漫畫同盟》第三期 聖誕節見街

《香港漫畫同盟》第三期 聖誕節見街

好,介紹番,《香港漫畫同盟》第三期12月25日見街,內容方面,主要分漫畫、輕小說同專欄三部份。漫畫有怨男《香港怨男》、宇紀恆《鐵衛神龍雷馬》、阿豪《樂園のDoor》、慢波《盆菜大作戰》;輕小說有櫻雪同阿威合著嘅《魔女瑪格莉特》,插畫阿豪;專欄有《蘿莉、飛機、宮崎駿》同《機人番告急中?》。望落都幾多嘢睇,呢本書以「百分百港人原創同人漫畫綜合雜誌」定位,聽講「至Goal Club」今日已經有早書返,好希望大家支持。

Read more ›
曹志豪《死角》圖文小說 聖誕節見街

曹志豪《死角》圖文小說 聖誕節見街

包括我,好多港漫迷都一直念念不忘嘅曹志豪《死角》,終於聞到樓梯響嘞,今次唔係出漫畫,而係出圖文小說,屬正傳故事,聖誕節左右日子見街,三聯出版,價錢未知,但肯肯定全港書局有售。即係話,你可以當小說咁睇,而曹志豪畫咗四十幾幅圖穿插其中,所以又可以當畫集咁睇,真係正呀喂。

Read more ›
阿塗的聖誕賀圖 齊來數鹿數馬

阿塗的聖誕賀圖 齊來數鹿數馬

雖然過咗聖誕,但我覺得塗呢幅聖誕賀圖好諷刺,睇完如打翻五味架,百般滋味在心頭,好值得大家欣賞。佢喺面書言曰:「聖誕娛興題:圖中有幾多隻馬呢?(希望大家仲分到鹿同馬)」係,畀心機數吓喇,鹿同馬根本就好易分,除非有人特登唔分。

Read more ›

網圖分享:2016港漫人的聖誕賀圖

網圖分享:2016港漫人的聖誕賀圖

一年容易又聖誕,2016年話咁快又得番幾日,普世歡騰嘅日子,大家好應該過得得開開心心,之前有乜不快,唔該統統抹晒佢。港漫人出聖誕賀圖,排名不分先後──王澤、Eric Chow、何志文、杜比、Chan Ming、Cuson、孫威軍、馬遜、鄧本邦、廖光祖、Jim Lai、是但哥、黃國興、門小雷、林祥焜、丹青、黃水斌、邱福龍、崔成安、Tommy Lin──請慢慢欣賞,本網站仝人亦祝大家聖誕快樂,新年進步。

Read more ›
日本喵星人瞓晏覺現「聖光」    聖誕節聖貓下凡Twitter熱傳

日本喵星人瞓晏覺現「聖光」 聖誕節聖貓下凡Twitter熱傳

喺聖誕節見到呢幾張相,的確係好有畫面嘅,難怪喺日本Twitter好多人分享。大家都知喵星人最鐘意曬住太陽瞓晏覺,呢隻街貓搵咗個樓梯位,啱啱好有道聖光打落嚟,最正係佢嘅睡姿,坐住瞓,估計佢應該係坐坐吓舒服得滯瞓著咗‥‥‥

Read more ›
有片:四個雪人排人牆!C朗香蕉球入網!

有片:四個雪人排人牆!C朗香蕉球入網!

  鍾唔鍾意佢都好,C朗確實係勁嘅,今年幫皇攞歐聯,又幫葡萄牙攞歐國盃,剛剛仲攞埋世冠盃冠軍,奪金球獎係實至名歸。佢隨便一腳都牽動人心,就好似片中呢球咁,食住聖誕節個Timing,搵四個雪人做人牆,然後一個香蕉球直射入網,雖然途程唔算好遠,或者你會講其實唔難,問題係……就算你射得中,都一定無C朗咁靚仔瀟灑囉。

Read more ›
有片:禮物盒有景轟!彈出聖誕老人嚇死人!

有片:禮物盒有景轟!彈出聖誕老人嚇死人!

就快聖誕節,一於搵個一啲都唔驚嚇嘅Prank開心Share,片中聖誕老人叫Rich Ferguson,匿埋喺一個半個人身高嘅大禮物盒入面,禮物盒隨隨便便擺喺商店門口,根本無人會為意,只當係一般裝飾。趁途人經過,Rich Ferguson就頂開盒蓋彈出嚟,有謂自然反應係最搞笑反應,途人無不被嚇到彈開三呎,呱呱叫之後得啖笑,有途人就同佢擊掌以示鼓勵添。香港各大中小商場,大可以抄呢條橋喎,聖誕氣氛仲唔出晒嚟?大時大節Just for fun,相信無人會嬲啩?

Read more ›