Post Tagged with: "耳環"

日本設計「青蛙」耳環 像真度超高Twitter熱傳
by / on 10/10/2019 at 7:12 am

日本設計「青蛙」耳環 像真度超高Twitter熱傳

可愛得嚟又有少少恐怖,呢款青鞋耳環最近喺日本Twitter熱傳,像真度好高,吊住喺耳珠都好特別。樓主話喺嚟緊東京舉行嘅展覽「Ikimo Festival」(いきものフェス)有得買,當日仲有好多其他攤位,10月26日舉行,免費入場,鍾意睇特色精品嘅去開日本可以留意吓,入嚟有link。

Read more ›

外國少女設計「Airpods耳環」    戴住唔怕甩網上熱賣
by / on 31/01/2019 at 7:30 am

外國少女設計「Airpods耳環」 戴住唔怕甩網上熱賣

有用開Airpods都知成日會驚佢跌,外國呢個22歲嘅少女Gabrielle Reilly就諗到將佢變成一對耳環,個名叫Airings,又安全又可以當埋飾物,個扣仲可以拆出嚟方便叉電。網民見到呢個設計都大讚,仲有唔少人落單搵佢訂製,每個賣美金$20。至於設計原因原來同貓有關,Gabrielle屋企隻貓經常會抓佢條耳筒線,所以驅使佢買無線嘅Airpods,但又經常驚跌,佢試過整頸鍊,不過最終發現都係耳環最方便。入嚟有購物link,想買嘅可以訂返對。

Read more ›
日本萬字夾變迷你衣架 掛耳環超方便
by / on 28/01/2019 at 7:55 am

日本萬字夾變迷你衣架 掛耳環超方便

萬字夾除咗夾文仔,仲可以掛耳環?日本有網民分享咗佢嘅DIY作品,簡單將個萬字夾扭兩扭,就變成一個迷你衣架,可以將啲夾耳環扣上去,再加條繩就可以掛起晒佢哋,超方便,快啲分享俾你身邊成屋都係耳環嘅朋友啦。

Read more ›
有無咁大隻? 日本品牌超巨型珍珠耳環Twitter熱傳
by / on 23/11/2018 at 7:51 am

有無咁大隻? 日本品牌超巨型珍珠耳環Twitter熱傳

日本網民話睇咗3次,我明,因為單睇左邊隻珍珠耳環,你係完全無諗過戴上耳可以咁大隻,我有無眼花睇錯?來自日本品牌Beautiful People,戴住佢出街都要有好大勇氣,因為好驚隻耳仔會甩。有網民留言話好似幻影旅團入面嘅人,有無同感?

Read more ›
日本超像真車厘子耳環 真嘅一樣Twitter熱傳
by / on 14/04/2018 at 8:51 am

日本超像真車厘子耳環 真嘅一樣Twitter熱傳

日本嘅首飾好細緻,最近有網民發現呢粒車厘子耳環,真嘅一樣,車厘子上面嘅柄仲可以拆開,由LOVE BY e.m.出品,好多網民都話超可愛!

Read more ›
日本Felissimo超強創意聯乘    「千手觀音」耳環 / 佛手枕
by / on 19/01/2018 at 7:50 am

日本Felissimo超強創意聯乘 「千手觀音」耳環 / 佛手枕

任何嘢落喺日本人手中都可以商品化,今次嘅例子好強,係葛井寺嘅國寶「千手観音菩薩坐像」同雜貨網站Felissimo合作,聯乘推出咗幾款商品。最搶眼係千手觀音耳環同埋觀音手臂咕臣,墊住觀音隻手瞓覺唔知會唔會瞓得特別冧?另外仲有出太陽帽、首飾、貼紙帶等等少女產品,入嚟有得睇。

Read more ›

真心型 Death Trooper耳環發青光
by / on 21/02/2017 at 3:15 pm

真心型 Death Trooper耳環發青光

揀女朋友有幾難?如果鍾意兼肯真正戴上呢對Death Trooper耳環出街嘅女仔,可以加分,咁當然,作為仔嘅本身要係一個《Star Wars》迷喇。呢對耳環圖案簡單,型在喺漆黑環境識得發青光,8mm高乘6mm闊,每對盛惠7.99美金,非常抵玩。我無戴耳環習慣,但都想要。

Read more ›
【多一隻耳】超像真耳環34款膚色任揀   仲有手指戒指
by / on 10/01/2017 at 7:05 am

【多一隻耳】超像真耳環34款膚色任揀 仲有手指戒指

好核突!但無可否認係好像真嘅。住喺德國嘅設計師Nadja Buttendorf好與眾不同,佢設計嘅耳環係一隻耳仔,可以扣上真耳下面,等你每邊有兩隻耳。隻耳仔用silicone製作,像真度極高,仲有34種膚色,確保戴上耳仔後同真嘅一樣。另外佢都有戒指,上面係一隻手指,戴起佢就變成有6隻手指,好詭異!網站仲有GIF圖,嚇死人咩?

Read more ›
情人節禮物   牛角包耳環啱晒為食女友
by / on 10/02/2014 at 7:01 am

情人節禮物 牛角包耳環啱晒為食女友

情人節諗好送乜嘢比女朋友未?無女朋友?咁送比阿媽都得嘅。如果你有一個好為食嘅女朋友(或者阿媽),可以考慮買呢款麵包耳環送比佢,外形精緻,仲幾可亂真,有牛角包、丹麥酥,睇見都餓,除咗耳環,仲有士多啤梨撻嘅項鍊、朱古力襟章,全部都係睇得唔食得,Etsy有得賣,價錢都係百零蚊件,抵過買盒朱古力。

Read more ›
獵奇飾品   日本薯條頭巾/pizza頸巾登陸
by / on 15/03/2013 at 10:13 am

獵奇飾品 日本薯條頭巾/pizza頸巾登陸

話咗大家幾多次咖喱漢堡唔係用嚟玩架,衰仔!咁薯條呢?班戟呢?Pizza飽呢?啱啱喺網上見倒呢堆食物飾品,由日本人製作,好勁好想買!不嬲去日本都好佩服餐廳門口啲膠製食物嘅像真程度,估唔倒喺網站Nari Nari見倒有公司咁大膽攞嚟做飾物,條熱狗腸頸鍊同埋Salami腸耳環堪稱無敵,入嚟仲有大把相睇,女士們有無興趣一齊團購吧?

Read more ›