fbpx

Tag: 考試

【考試壓力】喵星人「校園心靈治療師」 考試前幫學生減壓

【考試壓力】喵星人「校園心靈治療師」 考試前幫學生減壓

世界各地嘅學生都有讀書壓力,德國呢間大學就派出喵星人幫學生減吓壓。呢間大學University of Augsburg養咗隻喵星人,佢經常喺校園巡查,當有同學仔唔開心、壓力大嘅時候,佢就可以充當心靈治療師,俾佢哋抱吓玩吓,佢仲會好嗲咁成個身瞓晒上去,好治癒。而家佢有個Facebook專頁,好多學生都留言多謝喵星人。其實香港學生讀書壓力咁大,學校應該考慮養返隻喵等同學仔輕鬆吓。

Read more ›

【即場斷正】喬裝成女友入試場考試    女網民勁冧

【即場斷正】喬裝成女友入試場考試 女網民勁冧

  又一個可歌可泣嘅愛情故事,今次發生地點係哈薩克,20歲嘅男子Ayan Zhademov居然喬裝成女仔,代17歲嘅女朋友去考大學入學試。戴上假髮化埋濃妝仲著咗短裙嘅佢,成功混入試場,不過考考吓試就比眼利嘅監考官發現有異樣,當佢被詢問時,仲嘗試以高八度嘅聲線回答,不過當然即場比人識穿啦,考官都話以為係第二個女仔代考,估唔到you竟然是個boy。咁個男仔當然即時被勒令執嘢走啦,但就成為咗網絡紅人,好多女仔讚佢浪漫,仲比當地人形容佢係「本年度最浪漫嘅男人」。商人Olzhas Hudaibergenov仲出手幫佢比咗一半罰款,原因係佢好感動仲有真愛存在‥‥‥我最唔明點解佢女朋友見佢扮成咁都仲比佢入場,衰硬架喎!

Read more ›
有片    印度考試出貓奇觀     家長扮喪屍爬牆傳紙仔

有片 印度考試出貓奇觀 家長扮喪屍爬牆傳紙仔

呢班喺牆外爬爬吓嘅唔係喪屍,而係一班望子成龍嘅家長。事發地點喺印度東北嘅比哈爾邦,今次考試全國有過萬個考場,合共140萬個考生參加,啲家長個個爬喺窗邊將貓紙遞比考生,場面好壯觀!呢單新聞自從喺國家新聞台揀出後,唔止成為外國傳媒焦點,仲令到當地政府同教育局好尷尬,事關呢類型嘅作弊已經唔係第一次,不過正如當地嘅教育局局長P. K. Shahi所講:「家長都唔合作,我哋點阻止作弊?唔通叫政府下指令射佢哋落嚟?」BTW,喺2015年居然仲用傳紙仔嚟出貓,係咪low-tech咗少少?各位有出開貓嘅入嚟分享吓。

Read more ›
獵奇影片 神奇柴犬 主人恰眼瞓 射水射醒佢!

獵奇影片 神奇柴犬 主人恰眼瞓 射水射醒佢!

日本啱啱過咗考入學試嘅時期,咁讀書考試就梗係要捱眼瞓最後衝刺。日本就有個主人教識佢隻柴犬,喺佢溫溫吓書恰眼瞓嘅時候按掣射水射醒自己。超無聊,但超可愛,我諗阿柴犬都應該唔係好知主人點解要教佢射水,不過射完應該有嘢食……下次不如玩大啲,教佢小便落你個頭度吖?

Read more ›