fbpx

Tag: 老祖宗

《新著龍虎門》又出老祖宗搞局!邪神劈開兩半都黐得番埋?

《新著龍虎門》又出老祖宗搞局!邪神劈開兩半都黐得番埋?

《新著龍虎門》之〈獵龍屠神篇〉去到尾聲,打完一大輪,火雲邪神居然衰喺韋陀手上,係有少少始料不及,但更始料不及嘅係天蠶功。原來,天蠶功就好似AA超能膠,誇張到可以將一個差唔多齊中切半嘅人黐番埋一齊,好,就當你功力高高高高高高過喜瑪拉雅山,夾硬用兩手夾實個頭就可以唔爆,但又關啲甚麼佛家六識乜事呢?Cut「鼻」、「舌」同「意」三識就可以自我療傷,Cut晒六識會唔會升仙Or變超人?基於勇哥係男一唔可以整死佢嘅鐵律,就如此這般失憶敗走算係合理收場,但要佢失憶唔使搞到咁複雜兼無厘頭喎,使乜Cut意識啫,搵神武英明呀、韋陀呀、龍貫天輪流狂藕佢個頭咪得囉,藕到失憶都仲未夠咩,索性藕到佢癡癡呆呆之後又不屑殺之,成件事咁樣處理會唔會順眼啲?另,臨尾嗰頁於我極震撼,唔係畫面表達好震撼,唔係因為珍珠死所以震撼,而係把震乾坤令我震撼,唉……做乜又出老祖宗呀,老宗祖一出場,之後嘅故事又會九成九暴走了……

Read more ›

網圖分享:Wai On的凸點女版老祖宗

網圖分享:Wai On的凸點女版老祖宗

《暗黑指紋》主筆之一的Wai On,畫得一手好畫,呢期佢畫咗好多幅精美小畫板,構圖離不開性感美女、骷髏,皆暗黑味濃。最新一幅女版老祖宗卻一反常態,唔再以黑色為主調色,吊帶白絲襪、低胸露事業線兼凸點,如此這般出一招御劍飛行,好亮麗好Sexy,我好Like。如果對佢啲小畫板有興趣的話,歡迎查詢,每幅$180。

Read more ›
支持!許景琛《龍虎門Z》第二期開訂!

支持!許景琛《龍虎門Z》第二期開訂!

許景琛《龍虎門Z》第二期就快出版,普通版分正邪兩個封面版本,「正」以石黑龍、光頭星加毒眼龍擔綱,「邪」以老祖宗、老天尊同老邪神掛帥,兩者合併可以成為一個大封面,各售$68。特別版當然唔少得,分A同B款,A款包一書、1張閃卡、8張普通卡,售$118;B款包一書1、金版3D打印Q版王小虎、Postcard,售$380。家陣正式開訂,花多唔使眼亂,慢慢揀總有一個版本啱你心水,當然,全部買晒就最Goodest喇,呢句我幫許景琛講嘅。

Read more ›
高手塗裝 獨一無二老祖宗Figure現身

高手塗裝 獨一無二老祖宗Figure現身

唔講大話,Kaiju One推出嘅《龍虎門》懷舊風搪膠系列公仔,我暫時只買咗石黑龍,老宗祖唔係我杯茶,因為太通體雪白,整體唔夠色水,望落唔夠Sharp醒。今日,面書專頁公開咗一隻經「@monster__mind」塗裝嘅老祖宗Figure,Wow,經過上色,老祖宗表情登時惡毒咗,把劍感覺登時墜手咗,衫褲鞋即時立體感強咗,如果一推出就係呢個Version,我實忍唔住買。

Read more ›
Kaiju One搪膠石黑龍+火雲邪神+老祖宗 各售$580

Kaiju One搪膠石黑龍+火雲邪神+老祖宗 各售$580

終於有詳細資料,Kaiju One推出嘅三個《龍虎門》搪膠角色──石黑龍、火雲邪神同老祖宗,全部都賣$580,動漫節2019有售。面書專頁好搞笑咁話:「絕對充滿老中青三代嘅矛盾及世代之爭,亦完全反映現今香港社會嘅狀況,後生仔vs富二代vs呀爺式家長」,哈哈,言重了,玩玩具嘛,玩玩具就係想逃避現實嘛,千其唔好講到「反映現今香港社會嘅狀況」咁嚴重。老實,未真正摸過上手,賣五舊幾水我唔識評平定貴,但《龍虎門》始終陪住我哋大,加上又係本地創作,希望大家支持吓。而於我,就當買番個七八十年代屋村仔睇公仔書嘅美好回憶,都抵。

Read more ›
老祖宗+邪神+石黑龍 梁瑋豪出《龍虎門》角色Figure

老祖宗+邪神+石黑龍 梁瑋豪出《龍虎門》角色Figure

好消息,梁瑋豪聯乘文化傳信、Kaiju,推出三個《龍虎門》角色Figure。邊三個角色?分別係「天下無敵九死邪功震乾坤」嘅老祖宗、「黑級浮屠無相神功火雲掌」嘅火雲邪神同埋「金鐘罩十字追魂棍刀疤仔」嘅石黑龍。至今尚在Coming soon階段,價錢如何未知,不過就透露咗會玩70年代港漫風格造型,真心Mode好期待。

Read more ›

梁偉家x胡家寶Jam畫 天師x老祖宗同一時空

梁偉家x胡家寶Jam畫 天師x老祖宗同一時空

又係高質素Jam畫呀喂!早前梁偉家作天師畫一幅,左上角刻意留白,並喺面書拋低一句:「工作之餘不忘娛樂,寶兄(胡家寶)期待你的大作!」而喺擒日,作品終於出籠,畫嘅係天下無敵老祖宗,兩個角色同處一個時空,難得地好Match,港漫味道出晒嚟,又係時候Save as wallpaper。

Read more ›
《新著龍虎門》聯乘XM Studios 火雲邪神Figure未知價

《新著龍虎門》聯乘XM Studios 火雲邪神Figure未知價

同樣係《新著龍虎門》聯乘XM Studios出品,比上次介紹嗰個天下無敵老祖宗Figure要成$6090埋單,今次呢個火雲邪神Figure斷估都會平啲嘞掛,官方未定價,大家想買的話,可以先畀$1500落訂。純個人感覺,不喜勿插,火雲邪神無老祖宗咁型棍,肢體動作齋戙企,唔夠威勢,同埋,最重要係面相,個面具唔多似面具,太似真人五官,好似喺真人面頰加兩隻獠牙同對角咁,唔夠漫畫Feel囉,不過都屬高水準之作,如果唔太貴,都值得買嚟儲吓嘅。

Read more ›
《新著龍虎門》聯乘XM Studios 老祖宗Figure盛惠$6090

《新著龍虎門》聯乘XM Studios 老祖宗Figure盛惠$6090

《新著龍虎門》聯乘「XM Studios」出品,有呢個型到爆核嘅天下無敵老祖宗Figure,齋望相已經覺得好有霸氣,肢體動作好有飛仙Feel,又似祭起萬毒心經出緊萬毒劍芒,唔,好正,真係好正,不過價錢仲正,盛惠$6090……嗯,大拿拿拎六差嘢買隻Figure,嗯……家下我仲十五十六緊,嗯……就快過年,姑且睇吓逗到幾多利是錢再算,不過睇個勢我都係忍唔住落住$1500訂先架喇。

Read more ›
網圖分享:張萬有的三強戰老祖宗

網圖分享:張萬有的三強戰老祖宗

死喇,講到好似老奉咁添,張萬有都好耐無Post大作畀大家睇咯!最新畫作有呢幅三強戰老祖宗,火雲邪神嘅火雲掌、白蓮聖上嘅九陽神劍加蚩尤嘅盤古天殛震,力戰老祖宗嘅御劍飛行,堪稱完美構圖。佢本尊喺面書留言曰:「睇到這幅畫,大家都會認同係嘔心瀝血之作吧?老規矩,請,大力鼓掌,鼓勵,鼓勵吧!」掌聲,我已經私人噸噸聲咁畀咗佢,唔係恭維說話,全人手製作,火雲邪神唔用電腦執稿,如此有心機嘅高水準作品,點可以唔畀個Like佢?

Read more ›
網圖分享:許景琛的Q版老祖宗

網圖分享:許景琛的Q版老祖宗

又來網圖分享?靚畫無話嫌多嘅,今次又係許景琛,畫嘅係Q版老祖宗。老祖宗好嘢呀,張萬有畫,許景琛又畫,難怪《東方真龍》都出埋老祖宗個仔練風雷,老祖宗魅力簡直沒法擋。

Read more ›

網圖分享:張萬有的雷霆擊鼓

網圖分享:張萬有的雷霆擊鼓

蚩尤,一個我都好鍾意嘅《龍虎門》角色,仲記得佢初初出場嗰陣,三句唔埋就話食人肉,座下四大族長青龍、白虎、玄武、朱雀,左右使翼龍、飛孤,另加赤鯨、黑鯊王,同石黑龍、王小虎打個天崩地裂,屬超級無敵勁好睇之作。張萬有終於畫蚩尤嘞,仲一畫就畫絕招「雷霆擊鼓」,正。

Read more ›
網圖分享:張萬有的老祖宗戰三皇

網圖分享:張萬有的老祖宗戰三皇

真係勁,唔只靚,仲要快,講緊嘅張萬有,話咁快又有新作面世──老祖大戰龍虎三皇。構圖係乜?當然係三皇不敵老祖宗啦,喂,天下無敵呀大佬,老祖宗係無得輸架。

Read more ›
網圖分享:張萬有筆下 老祖宗的九死邪功

網圖分享:張萬有筆下 老祖宗的九死邪功

我好憎老祖宗亦好鍾意老宗祖,憎佢,係因為佢嘅出現搞到《龍虎門》驟失方向,變成港版《龍珠》;亦因為佢嘅天下無敵,就造同蚩尤、南宮戒、石黑龍、王小虎等人嘅幕幕惡戰。

Read more ›
興豬Q版三皇+老祖宗+白痴聖上

興豬Q版三皇+老祖宗+白痴聖上

喺我心目中,黃興豬絕對係個開心漫畫人,訪問過佢,問這問哪,訪問咁耐佢就笑足咁耐。或許性格使然,佢畫風Q版,人物面相諧趣,望畫如望其人,你會不自覺想笑。

Read more ›