by / on 02/03/2014 at 7:11 pm

一週碟報價:《老爆伴郎團》老戲骨抵死鬥好戲 《一級雙雄》一級賽車有車感

  今個星期Blu-ray熱賣榜排第一係《一級雙雄》、第二《老爆伴郎團》同第三《貞子2: 鬼胎輪迴》, 《一級》故仔吸引, 由70年代賽車練到去近代一級方程式, Engine聲同主觀賽車鏡頭都真係有啲睇頭, 主角仲要有《雷神》嘅基斯咸士禾夫同《希魔》嘅丹尼爾布爾鬥好戲。《老爆伴郎團》就完全Sell老戲骨, 米高德格拉斯、羅拔迪尼路、摩根費曼、奇雲格連, 仲要臨老先嚟玩醉爆伴郎團, 我覺得俾原裝版更抵死好笑。至於《貞子 3D》, 正如戲院票房一樣, 其實真係一啲都唔驚囉! 反而值得留意DVD有一隻《極地寒兵》, 好耐冇見要遮住半個封底嘅18禁貼紙喇! 聽講話好血腥吓, 呢啲咪戲囉!

Read more ›