fbpx

Post Tagged with: "老夫子"

動漫電車之旅 老夫子化身叮叮乘客
by / on 09/01/2020 at 7:45 pm

動漫電車之旅 老夫子化身叮叮乘客

擒日報導過話坐叮叮有機會撞到甘小文筆下嘅哨牙珍,原來唔只,連王澤筆下嘅老夫子都有機會同你坐同一班車。呢個由「香港動漫畫聯會」同「香港設計中心」聯手打造嘅「dd推介──漫漫遊」活動,焦點係銅鑼灣兩個動漫電車站同兩架動漫號電車,大家有緣遇到老夫子的話,記得打卡呀。

Read more ›

Fans留意!恒香x老夫子流心奶黃月餅!
by / on 16/08/2019 at 3:00 pm

Fans留意!恒香x老夫子流心奶黃月餅!

剛過鬼節,中秋節不遠矣。時局幾亂都好,月,係要賞嘅;燈籠,係要玩嘅;蠟,係要煲嘅;月餅,就更加係要食嘅。今年恆香老餅家聯乘老夫子推出流心奶黃月餅,標榜奶黃香氣、曲奇脆皮同流心口感,包裝盒有大大個老夫子Icon。老夫子迷,Like否?

Read more ›
博愛老夫子香港慈善跑 Hea住跑做善事
by / on 21/01/2019 at 8:06 pm

博愛老夫子香港慈善跑 Hea住跑做善事

2月17日舉行嘅渣馬係香港體育大事,但屆屆都有跑手出事;想跑得Hea啲,不如參加「博愛x老夫子香港慈善跑」,可以跑干諾道中,途中會經過中環摩天輪、中環碼頭、大會堂等等。有老夫子陪跑開心啲,做善事又有意義啲,考慮得過喎。4月14日開跑,就快接受報名。

Read more ›
做善事買老夫子月餅 你買一盒即捐一盒畀有需要人士
by / on 19/09/2017 at 9:30 pm

做善事買老夫子月餅 你買一盒即捐一盒畀有需要人士

買月餅做善事,唔知大家有無興趣呢?依家買一盒老夫子特色紀念版月餅,有關方面就會送一盒畀有需要人士。另外,如果身份證號碼有「55」相連數字或1963年出生人士,都有機會免費獲得月餅一盒。都係嗰句,個盒咁靚,我好想要,唔知有無人送畀我呢?

Read more ›
老夫子月餅靚到唔捨得食 超精緻餅盒值得儲
by / on 05/09/2017 at 9:00 am

老夫子月餅靚到唔捨得食 超精緻餅盒值得儲

家陣仲係鬼節時候,話咁快已經一街月餅廣告。年年食開同一款月餅嫌悶的話,今年不妨考慮吓老夫子特色紀念版月餅,分兩個版本,一,「五代同堂」,內有金萱茶紅棗杞子、蛋黃海藻白蓮蓉、迷你陳皮豆沙、迷你摩卡咖啡蓮蓉同迷你低糖朱古力杏仁五種口味;二,「天生一對」,內有摩卡咖啡同蛋黃海藻白蓮蓉兩種口味。月餅面有大大個老夫子大頭,靚到分分鐘唔捨得食,食完,個盒千其唔好丟,絕對係精品,擺喺飾櫃唔失禮。我好想要,唔知有無人送畀我呢?

Read more ›
燈箱+畫作+餐牌+雕塑 老夫子餐館打卡可以 食物質素免問
by / on 16/08/2016 at 9:45 pm

燈箱+畫作+餐牌+雕塑 老夫子餐館打卡可以 食物質素免問

我唔算好迷王澤,但《老夫子》係細個唯一可以大模斯樣喺屋企拎出嚟睇嘅港漫,所以知道太子開咗間「老夫子餐館」,心諗一定要去打卡。上周日專程去捧場,時為下畫三點幾,都已經新開張咗個幾禮拜,估唔到都仲要排隊,排廿分鐘有檯,不過我哋三人行,要同三唔識七嘅人搭檯,唔緊要,影相要緊。影完相,食完嘢,做個總結,裝修我畀滿分,但食物質素就……一般過一般喇。

Read more ›

香港LEGO神人   自砌老夫子/ 瑪利奧/超級英雄
by / on 26/08/2014 at 7:10 am

香港LEGO神人 自砌老夫子/ 瑪利奧/超級英雄

LEGO大神經常介紹,今次有啲唔同,因為佢係嚟自香港,威到外國網都介紹嘅leyasu Tse,唔好笑我孤陋寡聞,我真係啱啱先識佢,即刻like咗。佢嘅facebook有大量LEGO作品靚相睇,包括一班Marvel超級英雄、新世紀福音戰士、之前好hit嘅IKEA路姆西、女版老夫子同埋cosplay瑪利奧大叔嘅性感靚女等等,香港人未like嘅記住去支持吓土炮創作。

Read more ›
老夫子台鐵便當     平民價豬扒夠厚
by / on 02/06/2013 at 5:18 pm

老夫子台鐵便當 平民價豬扒夠厚

繼續台灣部落格追踪!台灣博客kazekuma好鍾意食,成日舖大量台灣美食引到我流晒口水,而且仲係一個出色嘅插畫師,好鐘意喺實景相上加入插畫對白,女仔實鐘意。講返正題,早前台鐵局慶祝126歲生日(咁都要慶祝?)推出五款老夫子crossover台鐵便當,博客kazekuma都唔執輸,去咗試高雄嘅便當,據佢形容,豬扒夠厚肉感十足,仲有滷蛋、筍絲同埋雪裡紅做配料,好好味咁款,一盒賣台幣60蚊,去開台灣平平哋試吓啦。

Read more ›
【編輯Blog】Reika:唔覺意睇咗TVB《畫時代》
by / on 19/05/2013 at 10:20 pm

【編輯Blog】Reika:唔覺意睇咗TVB《畫時代》

夜晚食飯前開著電視,無線播緊《畫時代》,原來已經係第三集。節目講以前嘅香港漫畫,例如《老夫子》、《兒童樂園》,勾起我好多童年回憶。今集仲訪問咗王澤嘅兒子王澤、黃玉郎、李司棋,係罕有地好睇嘅TVB節目。

Read more ›
老夫子懷舊西餐廳 大番薯偷約陳小姐
by / on 10/02/2013 at 9:00 am

老夫子懷舊西餐廳 大番薯偷約陳小姐

今日年初一, 想求祈搵個地方食個快飯, 真係隨時加一又加七! 唔緊要, 我有好餐廳推介! 超好情調, 勁有1970年風格, 仲要係老夫子約會陳小姐0既懷舊西餐廳, 不過呢度無0野食, 只可以影相留念; 不過話時話, 點解張相我見到係大番薯同陳小姐撐(木台)腳0既? 新年流流先0黎勾二嫂, 果然好兄弟!

Read more ›
《老夫子》X台灣7-11  海報GAY味濃
by / on 06/11/2012 at 3:59 pm

《老夫子》X台灣7-11 海報GAY味濃

最近動漫界吹行懷舊風,小忌廉之後有小甜甜,而家仲有老夫子,不過今次活動只限台灣地區,睇見張海報有齊三個麻甩佬騎住單車嘅心心圖案,認真GAY味濃。今次由老夫子同台灣7-11合作目的係慶祝老夫子50週年,將會推出「老夫子50週年幸福時光紀念版」全新漫畫,同步會有木製畫架、環保顏料同埋隨機三選一嘅畫紙,比大小朋友跟住一齊上色畫畫,好溫馨。諗返香港對上一次老夫子同7-11合作已經係2009年推出產品,今次50週年唔知有無新產品出呢?

Read more ›